លោក Biden ផ្តល់ឱ្យយន្តហោះចម្បាំង F-16 ដែលអាចបញ្ជូនកាំជ្រួចមីស៊ីលរយៈចម្ងាយឆ្ងាយ ទៅកាន់ប្រទេសអ៊ុយក្រែន

 ប្រទេសអ៊ុយក្រែនប្រយុទ្ធកាន់តែច្រើន នៅក្នុងជម្លោះរបស់ខ្លួនជាមួយរុស្ស៊ីបរទេស៖ សារពេ័ត៌មាន Politico បានរាយការណ៍កាលពីថ្ងៃព្រហស្បតិ៍ ដោយលើកឡើងរបស់មន្ត្រីក្នុងរដ្ឋបាល Biden

ថា សេតវិមាន “បើកចំហ” ក្នុងការបញ្ជូនកាំជ្រួចមីស៊ីលរយៈចម្ងាយឆ្ងាយ ទៅកាន់ប្រទេសអ៊ុយក្រែន ដែលអាចផ្តល់ឱ្យយន្តហោះចម្បាំង F-16 ដែលបានផ្ទេរពីមុនមកកាន់តែមាន សមត្ថភាពប្រយុទ្ធកាន់តែច្រើន នៅក្នុងជម្លោះរបស់ខ្លួនជាមួយរុស្ស៊ី ។

យោងតាមសារព័ត៌មាន RT ចេញផ្សាយនៅថ្ងៃទី១៥ ខែសីហា ឆ្នាំ២០២៤ បានឱ្យដឹងថា មន្ត្រីដែលមិនបញ្ចេញឈ្មោះតាមសេចក្តីរាយការណ៍ បានប្រាប់ភ្នាក់ងារថា គ្មានការសម្រេចចិត្តចុងក្រោយណាមួយ ត្រូវបានធ្វើឡើងលើការបញ្ជូនកាំជ្រួច Joint Air-to-Surface Standoff Missile (JASSM) ប៉ុន្តែបច្ចុប្បន្នមន្ទីរបញ្ចកោណកំពុង “ធ្វើការតាមរយៈព័ត៌មានលម្អិត “។ បញ្ហាទាំងនោះត្រូវបានគេរាយការណ៍ថា រួមមានការពិនិត្យឡើងវិញ លើការផ្ទេរបច្ចេកវិទ្យារសើប និងការធានាឱ្យយន្តហោះរបស់អ៊ុយក្រែន អាចបាញ់មីស៊ីលដែលមានទម្ងន់ ២.៤០០ផោន ដែលផ្ទុកក្បាលគ្រាប់ទម្ងន់ ១.០០០ ផោន។
របាយការណ៍បាននិយាយថា បង្កើតឡើងដោយ Lockheed Martin, មីស៊ីល JASSM ត្រូវបានចែករំលែកជាមួយ “សម្ព័ន្ធមិត្តមួយចំនួនតូច” ប៉ុណ្ណោះ។
Politico បានសរសេរថា កាំជ្រួច JASSM គឺជា “ចុងក្រោយបំផុតនៃសព្វាវុធទំនើបៗ ដែលត្រូវបានចាត់ទុកថា គ្មានដែនកំណត់សម្រាប់ ការផ្ទេរទៅកាន់អ៊ុយក្រែន” ។ បញ្ជីនៃផ្នែករឹងគ្មានដែនកំណត់ពីមុននោះ រួមមាន F-16s រួមជាមួយនឹងរថក្រោះ Abrams និងប្រព័ន្ធការពារដែនអាកាស Patriot ។
ខណៈពេលដែលអ៊ុយក្រែនមានរួចហើយ ទាំងមីស៊ីលបាញ់ពីលើអាកាស និងដី ដែលផ្តល់ដោយសហរដ្ឋអាមេរិក ចក្រភពអង់គ្លេស និងបារាំង ដែលអាចបាញ់ជិត ២០០ម៉ាយពីចំណុចបាញ់ ហើយវាបាននឹងកំពុងដាក់សម្ពាធ ដល់សហរដ្ឋអាមេរិកអស់រយៈពេលជាច្រើនខែ ដើម្បីផ្គត់ផ្គង់មីស៊ីល JASSM ៕ចេញផ្សាយនៅថ្ងៃទី១៨ខែសីហាឆ្នាំ២០២៤