មន្ត្រីជាន់ខ្ពស់ក្រុមហាម៉ាស់ បានចោទប្រកាន់អ៊ីស្រាអែលពីការរារាំងកិច្ចខិតខំប្រឹងប្រែងទាំងអស់ដើម្បីបញ្ចប់កិច្ចព្រមព្រៀងបទឈប់បាញ់ នៅតំបន់ហ្គាហ្សា

បរទេស៖ មន្ត្រីជាន់ខ្ពស់ក្រុមហាម៉ាស់ នៅថ្ងៃសៅរ៍ទី១៧ ខែសីហា បានចោទប្រកាន់អ៊ីស្រាអែលពីការរារាំងកិច្ចខិតខំប្រឹងប្រែងទាំងអស់ដើម្បីបញ្ចប់កិច្ចព្រមព្រៀងបទឈប់បាញ់ នៅតំបន់ហ្គាហ្សា។

លោក Sami Abu Zuhri បានឲ្យដឹងនៅក្នុងសេចក្តីថ្លែងការណ៍មួយថា ការកាន់កាប់របស់អ៊ីស្រាអែលបន្តរារាំងកិច្ចខិតខំប្រឹងប្រែងទាំងអស់ដើម្បីបញ្ចប់កិច្ចព្រមព្រៀងឈប់បាញ់ណាមួយ។

លោក Abu Zuhri ក៏បានចោទប្រកាន់រដ្ឋបាលសហរដ្ឋអាមេរិកថា ទទួលយកជំហររបស់អ៊ីស្រាអែលទាំងស្រុង ហើយបានអះអាងថាអ៊ីស្រាអែលកំពុងដកថយពីឃ្លាពីមុន។ លោកបានកត់សម្គាល់ថា រដ្ឋាភិបាលក្រុងវ៉ាស៊ីនតោនកំពុងព្យាយាមរារាំងរាល់សកម្មភាពនានាក្នុងតំបន់ប្រឆាំងនឹងអ៊ីស្រាអែល។
លោកបានបន្តថា យើងមិនប្រឈមមុខនឹងកិច្ចព្រមព្រៀងឬការចរចាពិតប្រាកដនោះទេ ប៉ុន្តែជាការដាក់ទណ្ឌកម្មរបស់អាមេរិក ដោយបន្ថែមថា ការពិភាក្សាអំពីការឈានដល់កិច្ចព្រមព្រៀងឈប់បាញ់គឺជាការបំភាន់។
កាលពីថ្ងៃសុក្រ ប្រទេសកាតា សហរដ្ឋអាមេរិក និងអេហ្ស៊ីបបានឲ្យដឹងនៅក្នុងសេចក្តីថ្លែងការណ៍រួមមួយថា កិច្ចចរចាបទឈប់បាញ់នៅតំបន់ហ្គាហ្សាដែលបានធ្វើឡើងនៅទីក្រុងដូហាក្នុងសប្តាហ៍នេះ បានធ្វើឱ្យមានវឌ្ឍនភាពស្ថាបនា។
សេចក្តីថ្លែងការណ៍បានបន្ថែមថាភាគីពាក់ព័ន្ធនឹងបន្តកិច្ចខិតខំប្រឹងប្រែងរបស់ពួកគេក្នុងរយៈពេលប៉ុន្មានថ្ងៃខាងមុខនេះដើម្បីចរចាលម្អិតអំពីការអនុវត្តកិច្ចព្រមព្រៀងនេះ។
ប្រទេសទាំងបីបាននិងកំពុងសម្រុះសម្រួលកិច្ចព្រមព្រៀងរវាងក្រុមហាម៉ាសនិងអ៊ីស្រាអែលជុំវិញជម្លោះហ្គាហ្សា។ ការពិភាក្សាបទឈប់បាញ់ជាច្រើនជុំក្នុងរយៈពេលប៉ុន្មានខែចុងក្រោយនេះមិនបានទទួលលទ្ធផលអ្វីឡើយ។ចេញផ្សាយនៅថ្ងៃទី១៩ខែសីហាឆ្នាំ២០២៤