ផ្សាយពាណិជ្ជកម្ម
គេហទំព័រ បឹងយក្ខឡោម មានទទួលផ្សាយពាណិជ្ជកម្ម​ / ទំនាក់ទំនង Tele: 097 999 88 66 / 097 93 23 456 / 012 27 54 57


ផ្សាយពាណិជ្ជកម្ម
www.rwnewsdaily.com មានទទួលផ្សាយពាណិជ្ជកម្មគ្រប់ប្រភេទ / ទំនាក់ទំនង Tele: 097 999 88 66 / 097 93 23 456 / 012 27 54 57

Sunday, August 01, 2021

អភិបាលរាជធានីភ្នំពេញបញ្ជាក់ថា អ្នកលក់ដូរតាមដងផ្លូវ និងហាងនានា ក្នុងភូមិសាស្ត្ររាជធានីភ្នំពេញមិនអនុញ្ញាតឱ្យលក់ដូរហួសម៉ោង៩យប់នោះទេ ទោះលក់ដូរជាលក្ខណៈវេចខ្ចប់ក៏ដោយ

 



ភ្នំពេញ ៖ថ្ងៃទី០១ ខែសីហា ឆ្នាំ២០២១

ឯកឧត្ដម ឃួង ស្រេង អភិបាលរាជធានីភ្នំពេញបានធ្វើការណែនាំឱ្យអាជ្ញាធរមានសមត្ថកិច្ចទាំងអស់ ត្រូវធ្វើការណែនាំទៅដល់អ្នកលក់ដូរ នៅតាមដងផ្លូវនានា តាមហាងក្នុងរាជធានីភ្នំពេញគឺមិនអនុញ្ញាតឱ្យមានការលក់ដូរហួសម៉ោង០៩យប់នោះទេ បើទោះបីការលក់ដូរនោះ ជាលក្ខណៈវេចខ្ចប់ក៏ដោយ។ ការណែនាំរបស់ឯកឧត្ដមអភិបាលរាជធានីភ្នំពេញនេះ ក្នុងឱកាសដឹកនាំមន្ត្រី និងកម្លាំងមានសមត្ថកិច្ចចំណុះឱ្យគណៈបញ្ជាការ ឯកភាពរាជធានីភ្នំពេញ ចុះពិនិត្យស្ថានភាពជាក់ស្ដែង នៅតាមគោលដៅបិទបម្រាមគោចរមួយចំនួននៅក្នុងរាជធានីភ្នំពេញ ដើម្បីពង្រឹងគោលដៅទាំងនោះ ឱ្យមានភាពម៉ឺងម៉ាត់និងទទួលខុសត្រូវខ្ពស់ទៅតាមសេចក្តីសម្រេចរបស់រដ្ឋបាលរាជធានីភ្នំពេញ ក៏ដូចជាសេចក្តីសម្រេចរបស់ប្រមុខរាជរដ្ឋាភិបាល ដែលត្រូវបិទការធ្វើចរាចរណ៍ ចាប់ពីម៉ោង២១៖០០ យប់ រហូតដល់ម៉ោង ០៣ភ្លឺ ដើម្បីបង្ការ និងទប់ស្កាត់ជំងឺកូវីដ-១៩ កាលពីរាត្រីថ្ងៃទី៣១ ខែកក្កដា ឆ្នាំ២០២១។

ឯកឧត្ដម ឃួង ស្រេង បានធ្វើការណែនាំឱ្យកងកម្លាំង អាជ្ញាធរមានសមត្ថកិច្ចទាំងអស់ត្រូវពង្រឹងតាមគោលដៅដោយភាពម៉ឺងម៉ាត់ និងមិនមានការយោគយល់ ចំពោះអ្នកដែល ល្មើសទៅនឹងសេចក្ដីសម្រេចរបស់រដ្ឋបាលរាជធានីភ្នំពេញ ក្នុងការបិទមិនឱ្យធ្វើចរាចរណ៍ចាប់ពីម៉ោង០៩យប់ រហូតទៅដល់ម៉ោង០៣ភ្លឺ ពិសេសខណ្ឌនៅជាយក្រុងគឺមិនអនុញ្ញាតឱ្យចូលក្រុងឡើយ។

សូមបញ្ជាក់ថា កាលពីថ្ងៃទី៣១ ខែកក្កដា ឆ្នាំ២០២១ អភិបាលរាជធានីភ្នំពេញ បានចុះពិនិត្យគោលដៅត្រួតពិនិត្យ នៅក្នុងមូលដ្ឋានខណ្ឌពោធិ៍សែនជ័យ ខណ្ឌកំបូល ខណ្ឌដង្កោ ខណ្ឌមានជ័យ ខណ្ឌចំការមន ខណ្ឌដូនពេញ និងខណ្ឌជ្រោយចង្វារ៕ដោយ សួស សំរិត


បន្ទាប់ពីកិច្ចចរចាបរាជ័យជាច្រើនខែ អាស៊ានស្ថិតក្រោមសម្ពាធក្នុងការតែងតាំងបេសកជនប្រទេសមីយ៉ាន់ម៉ា

 


អន្តរជាតិ៖រដ្ឋមន្ត្រីការបរទេសមកពីប្រទេសជាសមាជិកនៃសមាគមប្រជាជាតិអាស៊ីអាគ្នេយ៍ (អាស៊ាន) កំពុងស្ថិតក្រោមសម្ពាធក្នុងការតែងតាំងបេសកជនពិសេសប្រចាំប្រទេសមីយ៉ាន់ម៉ានៅសប្តាហ៍នេះ បន្ទាប់ពីការចរចាជាច្រើនខែបានបរាជ័យក្នុងការស្វែង រកបេក្ខជនឯកភាព។ នេះបើយោងតាមការចេញផ្សាយដោយសារព័ត៌មាន Reuters ថ្ងៃទី០១ ខែសីហានេះ។

ប្រាំមួយខែបន្ទាប់ពីយោធាផ្តួលរំលំរដ្ឋាភិបាលជាប់ឆ្នោតតាមលទ្ធិប្រជាធិបតេយ្យរបស់មីយ៉ាន់ម៉ារដ្ឋមន្ត្រីការបរទេសអាស៊ានបានជួបប្រជុំគ្នានៅថ្ងៃចន្ទនៅពេលដែលអ្នកការទូតនិយាយថា ពួកគេមានបំណងបញ្ចប់បេសកជនពិសេសដែលមានភារកិច្ចបញ្ចប់អំពើហិង្សានិងលើកកម្ពស់ការ សន្ទនារវាងរបបយោធានិងគូប្រជែងរបស់ខ្លួន។

ការស្វែងរកបេសកជន ពិសេសបានចាប់ផ្តើមនៅក្នុងខែមេសានៅពេលដែលមេដឹក នាំអាស៊ានបានបង្កើត “ការឯកភាពគ្នា ៥ ចំណុច” ដើម្បីដោះស្រាយភាពចលាចលនៅ ក្នុងប្រទេសមីយ៉ាន់ម៉ា។

អង្គការសហប្រជាជាតិនិងសហរដ្ឋអាមេរិកបានជំរុញឱ្យអាស៊ានពន្លឿនការតែងតាំងបេសកជនពិសេសនេះក្នុងប៉ុន្មានសប្តាហ៍ថ្មីៗនេះ។ រដ្ឋមន្ត្រីក្រសួងការបរទេសទី ២ នៃប្រទេសព្រុយណេលោក Erywan Yusof បាននិយាយនៅយប់ថ្ងៃសុក្រថាលោកសង្ឃឹមថា ការសម្រេចចិត្តចុងក្រោយនឹងត្រូវធ្វើឡើងនៅថ្ងៃច័ន្ទ ខណៈដែលប្រ៊ុយ ណេជាប្រធានអាស៊ាននៅឆ្នាំ នេះ។លោកបានមាន ប្រសាសន៍ថា“ បើគ្មានប្រេសិតដឹកនាំទេ វាពិបាកណាស់” ក្នុងការដោះស្រាយស្ថានការណ៍នៅមីយ៉ាន់ម៉ា។

លោក Min Aung Hlaing បាននិយាយនៅក្នុងសន្និសីទសារព័ត៌មានមួយនៅថ្ងៃ អាទិត្យនេះថា មីយ៉ាន់ម៉ាបានត្រៀមខ្លួនរួចជាស្រេច ដើម្បីធ្វើ ការលើកិច្ចសហប្រតិបត្តិការអាស៊ានក្នុងក្របខ័ណ្ឌអាស៊ានរួមទាំងការសន្ទនាជាមួយបេសកជនពិសេសអាស៊ាននៅមីយ៉ាន់ម៉ា។ លោក Erywan បានបញ្ជាក់ជាសាធារណៈថា គាត់គឺជាបេក្ខជនម្នាក់ក្នុងចំណោមបេក្ខជន ៤ នាក់។ អ្នកការទូតបាននិយាយថាអ្នកផ្សេងទៀតគឺជាអនុរដ្ឋមន្រ្តីក្រសួងការបរទេសថៃលោក Weerasak Footrakul អតីតរដ្ឋមន្ត្រីការបរទេសឥណ្ឌូនេស៊ីលោក Hassan Wirajuda និងអ្នកការទូតម៉ាឡេស៊ីជើងចាស់លោក Razali Ismail៕

វិទ្យុជាតិកម្ពុជា៖ កញ្ញា ខៀវ ណាវីន


ព្រឹកនេះ សម្តេចតេជោហ៊ុនសែនអញ្ជើញបើកយុទ្ធនាការចាក់វ៉ាក់សាំងជូនក្រុមមនុស្សអាយុចន្លោះពី ១២ ទៅ១៧ឆ្នាំ នៅវិមានសន្តិភាព


  នៅព្រឹកថ្ងៃទី០១ ខែសីហានេះ សម្តេចអគ្គមហាសេនាបតីតេជោ
ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា នឹងអញ្ជើញធ្វើជាអធិបតីក្នុងពិធីបើកយុទ្ធ នាការចាក់វ៉ាក់សាំងជូនក្រុមមនុស្សអាយុចន្លោះពី ១២ ទៅ ១៧ឆ្នាំ នៅវិមានសន្តិភាព។ជាមួយនឹងអញ្ជើញជាអធិបតីនៃពិធីបើកយុទ្ធនាការនេះ សម្តេចតេជោក៏នាំចៅៗអាយុចន្លោះពី ១២ ទៅ ១៧ឆ្នាំ ទៅចាក់វ៉ាក់សាំងបង្ការជំងឺកូវីដ- ១៩ មុន ដំបូងគេនៃយុទ្ធនាការចាក់វ៉ាក់សាំងនេះ ហើយបន្ទាប់មកទៀតសម្តេចតេជោ ក៏នឹងធ្វើសន្និសីទសារព័ត៌មានផងដែរ ។

     សម្តេចតេជោនាយករដ្ឋមន្រ្តី  មានប្រ សាសន៍ក្នុងពិធីទទួលវ៉ាក់សាំងជំងឺកូវីដ ១៩ AstraZeneca ដែលជាជំនួយរបស់រដ្ឋាភិបាលនិងប្រជាជនជប៉ុន នៅអាកាស យានដ្ឋានអន្តរជាតិភ្នំពេញ កាលពីរាត្រីថ្ងៃ ទី២៣ខែកក្កដាឆ្នាំ២០២១ថា យុទ្ធនាការនេះ នឹងចាប់ផ្ដើមចេញពីរាជធានីភ្នំពេញមុនដំបូងគេ  ខណៈដែលរាជធានីភ្នំពេញមានប្រជាជនអាយុចន្លោះពី ១២ ទៅ ១៧ ឆ្នាំ ចំនួនប្រហែល ២៣ម៉ឺននាក់។

   សម្តេចតេជោ ហ៊ុន សែន បានបញ្ជាក់ទៀតថា ការចាក់វ៉ាក់សាំងជូនក្មេងអាយុចាប់ពី ១២ឆ្នាំ ទៅ១៧ឆ្នាំនេះ ជាចំណុចពិសេសក្នុងការបើកដំណើរការសង្គមឡើង វិញ ជាពិសេសការសិក្សានៅតាមសាលា រៀនដែល យ៉ាងហោចណាស់ចាប់ពីថ្នាក់អនុវិទ្យាល័យឡើង។ ការចាក់វ៉ាក់សាំងនេះ នៅតែឈរលើគោលការណ៍ស្ម័គ្រចិត្ត៕