ព្រឹកនេះសម្តេចតេជោ ហ៊ុន សែន អញ្ជើញចូលរួមមហាសន្និបាត រណសិរ្ស​សាមគ្គីអភិវឌ្ឍន៍មាតុភូមិកម្ពុជា លើកទី៦

(ភ្នំពេញ)៖ នៅព្រឹកថ្ងៃពុធ ៣កើត ខែកត្តិក ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី១៥ ខែវិច្ឆិកា ឆ្នាំ២០២៣នេះ សម្តេចតេជោ ហ៊ុន សែន ប្រធាន​គណបក្សប្រជាជនកម្ពុជា និងជាអធិបតីកិត្តិយសក្រុមប្រឹក្សាជាតិរណ​សិរ្ស​សាមគ្គី​អភិវឌ្ឍន៍មាតុភូមិកម្ពុជា នឹងអញ្ជើញចូលរួមមហាសន្និបាតរណសិរ្សសាមគ្គីអភិវឌ្ឍន៍មាតុភូមិកម្ពុជាលើកទី៦ ដែលរៀបចំឡើងនៅសណ្ឋាគារសុខា។

មហាសន្និបាតនេះ រៀបចំឡើងដើម្បីពិនិត្យឡើងវិញ សកម្មភាពការងារ​ដែល​បាន​ធ្វើនាពេលកន្លងមក និងដាក់ចេញផែនការ ក៏ដូចជាគោលដៅការងារសម្រាប់​អនុវត្តន៍​បន្ត។

រណសិរ្សសាមគ្គីអភិវឌ្ឍន៍មាតុភូមិកម្ពុជា មានឈ្មោះដើមថា ណសិរ្សសាមគ្គី​សង្គ្រោះ​ជាតិកម្ពុជា បានចាប់បដិសន្ធិឡើងនៅថ្ងៃទី០២ ខែធ្នូ ឆ្នាំ១៩៧៨ និង​បានប្រកាសចេញសេចក្តី ថ្លែងការណ៍ ១១ខ របស់ខ្លួននៅតំបន់រំដោះស្នួល ស្រុកស្នួល ខេត្តក្រចេះ។ ឆ្នាំ២០២៣នេះ រណសិរ្សសាមគ្គីសង្គ្រោះជាតិកម្ពុជា មានអាយុកាល ៤៥ឆ្នាំហើយ។

រណសិរ្សសាមគ្គីសង្រ្គោះជាតិកម្ពុជា ត្រូវបានកើតឡើងដោយកម្លាំង​មហា​សាមគ្គី ប្រជាជនទាំងមូលទាំងក្នុង និងក្រៅប្រទេស ដែលមានសម្តេចអគ្គមហាពញាចក្រី ហេង សំរិន សម្តេចអគ្គមហាធម្មពោធិសាល ជា ស៊ីម សម្តេចអគ្គមហាបតីតេជោ ហ៊ុន សែន និងវីរជនស្នេហាជាតិ ជាច្រើរូបទៀតជាប្រមុខដឹកនាំ។

រណសិរ្សសាមគ្គីសង្រ្គោះជាតិកម្ពុជា បានចាត់តាំងឡើងដោយ ផ្អែកលើស្មារតីឯករាជ្យជាតិដ៏បរិសុទ្ធរបស់ប្រជាជនកម្ពុជា សាមគ្គីគ្រប់ជនជាតិទូទាំងប្រទេស ប្រមូលរាល់កម្លាំងសង្គម ដោយមិនប្រកាន់និន្នាការនយោបាយ ជំនឿ សាសនា កម្មករ កសិករ បញ្ញវន្ត ព្រះសង្ឃគ្រប់ជនរួមជាតិទាំងឡាយ ដែលរស់នៅក្រៅប្រទេសផងដែរ។

រណសិរ្សសាមគ្គីសង្គ្រោះជាតិកម្ពុជា បង្កើតឡើងក្នុងបុព្វហេតុរំដោះជាតិ សិទ្ធិសេរីភាព និងអាយុជីវិតរបស់ប្រជាពលរដ្ឋកម្ពុជា ចេញពីរបប​កម្ពុជា​ប្រជាធិបតេយ្យ បនប្រល័យពូជសាសន៍ ប៉ុល ពត។

ផ្តើមចេញពីចលនាតស៊ូ និងការធ្វើពលីកម្មសព្វយ៉ាង សូម្បីតែជីវិតប្រកប​ដោយ​ភាពអង់អាចក្លាហាននោះ ប្រទេសកម្ពុជាទាំងមូលត្រូវបានរំដោះចេញពីរបបប្រល័យពូជសាសន៍ ប៉ុល ពត ធ្វើប្រជាពលរដ្ឋបានរួចផុតពីទុក្ខវេទនា រួចពីការកាប់សម្លាប់ វិលមកមានសិទ្ធិសេរីភាពពេញលេញក្នុងការរស់នៅ ប្រកបរបរចេញចិញ្ចឹមជីវិត ហើយជីវភាពត្រូវបានលើកកម្ពស់ជាលំដាប់ពីមួយទៅមួយឆ្នាំ ក្រោមដំបូលនៃសុខសន្តិភាព ដែលរកបានមកដោយលំបាក៕

សូមអានបន្ត

ឧត្តមសេនីយ៍ឯក ហ៊ុន ម៉ានិត ជម្រុញដល់កងទ័ព ត្រូវអនុវត្តតួនាទី ភារកិច្ច ឱ្យបានម៉ត់ចត់ ម៉ឺងម៉ាត់ ច្បាស់លាស់ និងចូលរួមគាំទ្រលើកំណែទម្រង់លើវិស័យយោធា កងយោធពលខេមរភូមិន្ទ និងទំនើបកម្មយោធា

(ភ្នំពេញ)៖ ឧត្តមសេនីយ៍ឯក ហ៊ុន ម៉ានិត មេបញ្ជាការរង បញ្ជាការដ្ឋានកងទ័ពជើងគោក នាថ្ងៃទី១៣-១៥ ខែវិច្ឆិកា ឆ្នាំ២០២៣ បានជម្រុញដល់បងប្អូនកងទ័ព ត្រូវបន្តអនុវត្តតួនាទី ភារកិច្ច ឱ្យបានម៉ត់ចត់ ម៉ឺងម៉ាត់ ច្បាស់លាស់ និងចូលរួមគាំទ្រលើកំណែទម្រង់លើវិស័យយោធា កងយោធពលខេមរភូមិន្ទ និងទំនើបកម្មយោធា ឱ្យកាន់តែរីកចម្រើន រឹងមាំ បង្កើនកិត្យានុភាពលើឆាកអន្តរជាតិ និងបង្កើនសមត្ថភាពកងទ័ព ទប់ស្កាត់បដិវត្តពណ៌ ឧក្រិដ្ឋកម្មឆ្លងដែន និងទប់ស្កាត់សកម្មភាពនានា ដែលអាចជះឥទ្ធិពលដល់សន្តិភាព ស្ថិរភាពទាំងក្នុងប្រទេស និងតំបន់ ប្រកបដោយប្រសិទ្ធភាពខ្ពស់។

សូមអានបន្ត

លោកហេង អួង អធិការកែវសីមាចោទអ្នកសារពត៌មានគម្រៀមលោកពេលចាងហ្វាង គេហទំព័រ រស្មីបឹងយក្ខឡោមរាយការណ៍អោយបង្រ្កាបក្រុមឈ្មួញជើងខ្លាំងដឹកឈើដុះស្នឹមឈ្មោះ( ភ្លោះ)

ខេត្តមណ្ឌលគិរី៖ការដឹកជញ្ជូនឈើសុក្រមដែលជាឈើកម្រចេញពីស្រុកអូរាំងដឹកឆ្ពោះទៅស្រុកមេមត់បានយ៉ាងរលូនក៏ព្រោះតែសម្ថកិច្ចនៅស្រុកអូរាំង​​​សម្ថកិច្ចចម្រុះនៅគីឡូម៉ែត្រលេខ59ហើយដឹកឆ្លងកាត់មុខអធិការស្រុកកែវសីមានិងមានសម្ថកិច្ចមួយកន្លែងទៀតនៅភូមិឆ្នែង  ដឹកបានយ៉ាងស្រួលគ្មានសម្ថកិច្ចណាម្នាក់ ហ៊ានក្អកជាមួយឈ្មួញឈើជើងខ្លាំងរូបនេះទេសូម្បីតែលោក ហេង អួង អធិការស្រុកកែវសីមាក៏ខ្លាចញញើតឈ្មួញឈើរូបនេះដែរ   ទោះជាកន្លែងសម្ថកិច្ចច្រើនដូចម្រាមដៃក៏ដោយ នៅតែគ្មានសម្ថភាពក្នុងការបង្រ្កាបឈ្មួញឈើល្មើសច្បាប់ដែលជាជនឧក្រិដ្ដកម្មព្រៃឈើដ៏សកម្ម​រូបនេះដែរ  ហើយគេស្គាល់ឈ្មោះថា​(ភ្លោះ)ជាឈ្មួញឈើជើងខ្លាំងប្រចាំខេត្តមណ្ឌលគិរី។ 

បើតាមការអោយដឹងពីក្រុមឈ្មួញរកសុីឈើដឹកតាមម៉ូតូថា​ឈ្មោះ(ភ្លោះ)ដឹកឈើម្តង៤ទៅ៥ឡានសាំយ៉ុង  នេះប្រហែលជា​ឈ្មោះ(ភ្លោះ)មានខ្សែរឬខ្នងជាអ្នកធំនៅក្នុងខេត្តមណ្ឌលគិរីហើយមើលទៅទើបដឹកឈើបានយ៉ាងរលូនបែបនេះចំណែកពួកគាត់វិញទំរាំតែដឹកបានមួយជើងៗបង់អោយគេគ្រប់កន្លែងមិនចង់ចេញរួចផងរីឯឈ្មោះ(ភ្លោះ)វិញដឹកសុទ្ឋតែឡានហើយចេញម្តង៤ទៅ៥ឡានទៀតគ្មានសម្ថកិច្ចនៅតាមដងផ្លូវណាហ៊ានក្អកនោះទេ។​

រីឯលោកហេង អួង អធិការស្រុកកែវសីមាវិញ ពេលដែលអ្នកសារពត៌មានផ្តល់ដំណឹងអោយលោកជួយបង្ក្រាប បែរជាអោយអ្នកសារពត៌មានជាអ្នកបង្រ្កាបវិញ ហើយលោកបានបន្តទៀតថា កូនចៅលោកបង្ក្រាបទៅបើមានគ្រោះថ្នាក់អ្វីកើតឡើងតើអ្នសារពត៌មានទទួលខុសត្រូវលើកគ្រោះថ្នាក់នេះឬ?

អ្នកសារពត៌មានមានសិទ្ឋត្រឹមតែតាមផ្តិតរូបភាពផ្សព្វផ្សាយផ្តល់ដំណឹងនេះទៅដល់ថ្នាក់ដឹកនាំខេត្តក៏ដូចជាថ្នាក់ដឹកនាំជាតិ ក្រសួងពាក់ព័ន្ឋ និងមានសិទ្ឋរាយការណ៍តែប៉ុណ្ណោះមិនមានសិទ្ឋបង្រ្កាបនោះទេ ថែមទាំងថាអ្នកសារពត៌មានគម្រៀមលោកទៀតផង បើអ្នកសារពត៌មានបង្ក្រាបបទស្មើសនានាប្រហែលជាមិនទុកអោយឈ្មួញឈើដ៏សកម្ម( ភ្លោះ)នេះដឹកឈើឡើងដុះស្នឹមរាប់សិបឆ្នាំដូចសព្វថ្ងៃនេះទេ  ហើយត្រង់លោកបង្ក្រាបឬមិនបង្ក្រាប ជាសិទ្ឋរបស់លោកព្រោះលោកជាអធិការស្រុកកែវសីមា តើនេះជាសម្តីមន្ត្រីសុីប្រាក់ខែរាស្រ្តឬក៏ជាមន្ត្រីគ្រាប់ល្ពៅស្ងោរ ដូចសម្តេចតេជោលោកមានប្រសាសន៍ឬ?ជាចុងក្រោយមហាជនក៏ដូចជាខ្ញុំបាទជាអ្នកសារពត៌មានសូមស្នើរដល់ឧត្តមសៅ សុខា មេបញ្ជាការកងរាជអាវុធហត្ថលើផ្ទៃប្រទេស  ឯឧត្តម ស សុខា អគ្គស្នងការដ្ឋាននគរបាលជាតិ ឯឧត្តម ថង សាវុន ជាគណៈបញ្ជាការឯកភាពខេត្តមណ្ឌលគិរី ឯឧត្តម ឡោ សុខា ស្នងការនគរបាលខេត្តមណ្ឌលគិរីមេត្តាជួយដាក់កលាំងចុះបង្រ្កាបផងទានបើពុំនោះទេព្រៃឈើនៅក្នុងខេត្តមណ្ឌគិរីពិតរលាយទៅជាវាលរហោឋានអស់ហើយ និងដុះក្អែលអោយលោកអធិការស្រុកកែវសីមារូបនេះផងទាន ។

ចាងហ្វាង គេហទំព័ររស្មីបឹងយក្ខឡោមយើង គ្រាន់តែកែតម្រូវមិនមានចេតនាជាន់ពន្លិចបុគ្គលណាម្នាក់នោះឡើយ  គេហទំព័ររស្មីបឹងយក្ខឡោមយើងរង់ចាំការបំភ្លឺពីសមីជនដែលពាក់ព័ន្ឋរាល់ម៉ោងធ្វើការ តាមរបបសារពត៌មាន។ ចេញផ្សាយ នៅថ្ងៃអង្គាទី០៧ខែវិច្ឆការ ឆ្នាំ២០២៣

សូមអានបន្ត