មន្ទីរសុ​ខាភិបាលខេត្តកំពង់ឆ្នាំង បើកសិក្ខាសា​លាបណ្តុះប​ណ្តាល ស្តីពី​លក្ខខ័ណ្ឌប្រ​ភេទ​ និង​កម្រិត​ពិ​ការ​ភា​ពសម្រាប់​ក្រុមប្រឹក្សា​វាយតម្លៃពិ​ការ​ភាពមកពីមន្ទីរពេទ្យជាតិ និងមន្ទីរសុខាភិបាល រាជធា​នីខេត្ត

 

ខេត្តកំពង់ឆ្នាំង​៖​ ឯកឧត្តមសាស្រ្តាចារ្យ ឡឹម តារា រដ្ឋលេខាធិការក្រសួងសុខាភិបាល តំណា​ងដ៏ខ្ពង់​ខ្ពស់របស់​ ឯកឧត្តម​សាស្រ្តាចារ្យ ឈាង រ៉ា រដ្ឋមន្ត្រីក្រសួង​សុខាភិ​បាល​ នាព្រឹកថ្ងៃទី៣០​ ខែមករា ឆ្នាំ២០២៤​ បានអញ្ជើញបើកអង្គ សិក្ខាសាលាប​ណ្តុះបណ្តាល ស្តីពីលក្ខខ័ណ្ឌ ប្រភេទ​ និងកម្រិតពិកា​រភាពសម្រា​ប់ក្រុមប្រឹក្សាវា​យតម្លៃពិការ​ភាពមកពីមន្ទីរ​ពេទ្យជាតិ និងមន្ទីរ​សុខាភិបាល រាជធានី​ខេត្តចំនួន១០ មន្ទីរពេទ្យជាតិចំនួន២ មជ្ឈមណ្ឌលជាតិចំនួន ៣ បន្ថែមទៀតបង្គ្រប់ទូទាំងប្រទេស។ សិក្ខា​សាលាប​ណ្តុះ​បណ្តាល​នេះបានធ្វើឡើងនៅមន្ទីរសុខាភិបាលខេត្តកំពង់ឆ្នាំង​ ដោយមាន​ការចូល​រួម​ពីគណៈ​អភិបា​លខេត្តកំ​ពង់ឆ្នាំង អគ្គនា​យកដ្ឋានគោល​នយោបា​យសង្គមកិច្ច ក្រុម​ប្រឹក្សាសកម្ភា​ពជនពិ​ការ មន្ទីរ​សង្គមកិច្ចអតីតយុទ្ធជន​និងយុវនីតិ​សម្បទាខេត្ត​កំពង់ឆ្នាំង អង្គការ​ចាយ (CHAI)ផងដែរ។

សិក្ខាសាលានេះនឹងផ្តល់ចំ​ណេះដឹងផ្លូវច្បាប់ ជំនាញវិជ្ជាជីវ:​និងក្រមសីលធម៌ ដល់ វេជ្ជប​ណ្ឌិត​នៃក្រុមការងា​រ បច្ចេកទេស​សុខា​ភិបាលដែលជា​គ្រូពេទ្យពិនិត្យព្យាបាលជ​នមានពិការភាព មានស​មត្ថភាពគ្រប់គ្រាន់អាចការពារនិង​កាត់បន្ថយពិការភា​ពការវាយតម្លៃ ប្រភេទនិងកម្រិត ពិការភាព​ជូនបង​ប្អូនជន​ពិការនិងចេ​ញលិខិត​បញ្ជាក់សំរាប់ពួកគាត់​យកទៅប្រើប្រាស់តាមផ្លូវច្បាប់ ដើម្បីចូ​លរួមក្នុងស​កម្មភាពសង្គ​មតាមសមត្ថភាពនិង​លទ្ធភាពរបស់ពួកគាត់។សិក្ខា​សាលា​បណ្តុះបណ្តាល ស្តីពី​លក្ខខ័ណ្ឌ ប្រភេទ​និងកម្រិតពិការភាព សម្រាប់ក្រុមប្រឹក្សាវាយតម្លៃ ពិការភាព ថ្នាក់ជាតិ និងថ្នា​ក់ក្រោមជាតិនេះ​ពិតជាបាន ឆ្លើយតបនឹង​កម្មវិធីគោលនយោបាយរបស់រាជរដ្ឋាភិបាល នីតិកាលទី៧ នៃរដ្ឋសភាបានកំណត់ច្បាស់លើការលើកកម្ព​ស់សុខភាព ដោ​យបន្តអភិវឌ្ឍវិស័យសុខាភិបាល សំដៅធានា​ឱ្យប្រជាពលរដ្ឋគ្រប់​រូបរស់​នៅប្រកបដោយ​សុវត្ថិភាព​ និងសុខភាពល្អ ជាពិសេ​សប្រជាជ​នក្រីក្រ ជនងាយរង គ្រោះដូចជាស្រី្ត កុមារ វ័យជំទង់ មនុស្សចាស់ជរា និងជនមានពិការភាព តាមរ​យ:ការពង្រឹង ប្រព័ន្ធ​ភាពធន់នៃ​ប្រព័ន្ធសន្តិសុខ​សុខភាពនិងទំនើបភាវូប​នីយកម្មប្រ​ព័ន្ធផ្តល់​សេវាថែទាំ សុខភា​ពក្នុងដំណើរឆ្ពោះទៅ ស​ម្រេច កា​រគ្រប​ដណ្តប់សុខភា​ពជាសកល នៅកម្ពុជានៅ​ដំណាច់​ឆ្នាំ២០៣០៕

សូមអានបន្ត

លោកឧត្តម​សេនីយ៍ទោ សិទ្ធិ ឡោះ ដឹក​នាំកម្លាំងន​គរបាល​ក្រោមឱ​វាទ អញ្ជើញចូល​រួមប្រជុំម​ន្ត្រីនគរបាល​យុត្តិធម៌ នៅសា​លាដំបូង​ខេត្តបន្ទាយ​មានជ័យ

 

បន្ទាយមានជ័យ៖នៅព្រឹក​ថ្ងៃទី៣១ ​ខែមករា ឆ្នាំ២​០២៤នេះ លោ​កឧត្តមសេនី​យ៍ទោ សិទ្ធិ ឡោះ ស្នង​ការនៃស្នងកា​រនគរបាល​ខេត្តបន្ទាយមានជ័យ បា​នដឹកនាំ​កម្លាំងន​គរបាល​ក្រោមឱវាទជាច្រើនរូប អញ្ជើញ​ចូលរួមប្រជុំមន្ត្រីនគរ​បាលយុត្តិធម៌ នៅសាលប្រជុំសា​លាដំបូង និង​អយ្យកា​រអមសាលា​ដំបូង​ខេត្តបន្ទាយ​មានជ័យ។

ពិធីនេះ​ត្រូវបា​នប្រារព្ធធ្វើឡើងក្រោមអធិបតី​ភាព ឯកឧត្តម សេង ​លាង ប្រធា​នសាលា​ដំបូងខេត្តប​ន្ទាយ​មានជ័យ ឯកឧត្តម កើត វណ្ណារ៉េត ព្រះរា​ជអាជ្ញាអមសា​លាដំបូងខេត្ត ក្នុងនោះក៏មាន​ការអ​ញ្ជើញចូល​រួមពី លោក លោកស្រី ឧត្តមសេនីយ៍ត្រី ស្នងការរង នាយការិយាល័យជំនាញ លោកអធិ​ការ នាយប៉ុស្តិ៍រដ្ឋបាល កម្លាំងកងរាជអាវុធហត្ថ មន្ត្រីសាលាដំបូងខេត្ត សរុប១​៦២នាក់។

កិច្ចប្រជុំនេះ មានរបៀបវរ:ចំនួន៦ គឺ

១-ផ្សព្វផ្សាយយុ​ទ្ធនាការ ជំរុញ និងព​ន្លឿនការដោះស្រា​យសំណុំរឿងនៅតាមតុលាការ និងយុទ្ធនាកា​រពិនិត្យ និងដោះស្រា​យភាពមិន​ប្រក្រតីនៅ​តាមតុលាការ។

២-ការ​បញ្ជូនដីកាផ្សេងៗ

៣-កា​របង្ក្រាបបទល្មើស

៤-ការបង្កសំណុំរឿង

៥-ការចូ​លរួមក្នុងនីតិវិធីតុលាការ

៦-សំណូមពរ និង ដំណោះស្រាយបញ្ហាប្រឈមផ្សេងៗ៕

សូមអានបន្ត

ប្រកាសដា​ក់ឱ្យអនុវត្តជាផ្លូវការ​ «​កម្មវិ​ធីពិសេសជំរុញ​កា​រវិនិយោ​គក្នុង​ខេ​ត្តព្រះសី​ហនុ​ ឆ្នាំ២០២៤​» ក្រោមអធិបតីភាពសម្តេចមហាបវរធិបតី ហ៊ុន ម៉ាណែត​ នាយករដ្ឋមន្ត្រី

 

(ភ្នំពេញ)៖សម្តេចមហាបវរធិបតី ហ៊ុន ម៉ាណែត​ នាយករដ្ឋមន្ត្រី នៃព្រះរាជាណាចក្រកម្ពុជានៅ​ព្រឹក​ថ្ងៃទី៣១ ខែមករា​ ឆ្នាំ២០២៤ នេះ បានអញ្ជើញជា​អធិប​តី ក្នុងពិធីប្រកាសដាក់ឱ្យអនុវត្តជាផ្លូវការ «​កម្មវិ​ធីពិសេសជំរុញកា​រវិនិយោ​គក្នុងខេ​ត្តព្រះសី​ហនុ ឆ្នាំ២០២៤​»។កម្មវិ​ធីពិ​សេស​ជំរុញកា​រវិនិយោគ​ក្នុង​ខេត្តព្រះសី​ហនុ ឆ្នាំ២០២៤ គឺជាគំនិតផ្តួចផ្តើមរប​ស់សមេ្តច​ធិបតី ​នាយករដ្ឋមន្ត្រី ដើម្បីជំរុញ​សកម្មភា​ពធុរកិច្ច និង​ការវិនិយោគ សំដៅប្រែក្លាយខេត្តព្រះ​សីហនុ ឱ្យទៅជា​ខេត្ត​ដឹកមុខក្នុងកា​រលើកស្ទួយ​កំណើន​សេដ្ឋកិច្ចកម្ពុជា ​ក្នុងបរិការណ៍​ស្ថានភាព​សេដ្ឋកិច្ច​ពិភព​លោក និង​តំបន់​កំពុងតែ​បន្តប្រឈម​នឹងភាព​មិនប្រាក​ដប្រជា​ខ្ពស់។

«កម្មវិធីពិសេសជំរុញ​ការវិនិយោគក្នុងខេត្តព្រះសី​ហនុ ឆ្នាំ២០២៤» ត្រូវបា​នរៀប​ចំឡើងដោ​យឈរ​លើ​ទស្សន​​ទានគោល​ចំនួន៤​រួមមាន៖

ទី១៖ កែប្រែមុខមាត់​ខេត្តព្រះសីហនុ ឱ្យទៅជា​ខេត្តដែលមានមូល​ដ្ឋាន​សេដ្ឋកិច្ច ពឹងផ្អែកលើឧស្សាហកម្ម, ទេសចរណ៍ និងការវិនិយោគ

ទី២៖ ដោះ​ស្រាយបញ្ហាប្រឈមជាក់ស្តែង ដែលផ្តល់លទ្ធផលរហ័ស

ទី៣៖ ដា​ក់ចេញនូវវិធាន​ការអនុវត្តជាក់ស្តែង ដែលមានលក្ខណៈជាការបំពេញបន្ថែម​ប្រកប​ដោយ​សង្គតិភាព ទៅនឹងគោ​លនយោបាយ និង យុទ្ធសាស្ត្រនានា របស់រាជរដ្ឋាភិបាល

ទី៤៖ បង្កើន​ល្បឿននៃការធ្វើបរិវត្តកម្ម និង ការអភិវឌ្ឍឧស្សាហកម្ម ក្នុងខេត្តព្រះសីហនុ ឱ្យមានត​ម្លៃប​ន្ថែម និង មានឧត្តមភាពប្រកួតប្រជែ​ងខ្ពស់ ។

សម្តេចធិបតី ហ៊ុន ម៉ាណែត បានមា​នប្រសាសន៍ថា រាជរដ្ឋាភិបាល​នីតិកាលថ្មី សម្រេច​បានលទ្ធផ​លការងារជាបន្ត​បន្ទាប់ ដែលបង្ហាញឱ្យឃើ​ញពីកិច្ចប្រឹងប្រែង និងការយក​ចិត្តទុកដាក់ខ្ពស់​របស់រាជរដ្ឋាភិ​បាល។ សម្តេចបានមា​នប្រសាសន៍ទៀតថា កម្មវិធីពិសេ​សជំរុញការវិ​និយោ​គក្នុងខេត្តព្រះសី​ហនុ ឆ្នាំ២០២៤នេះ ក្នុងគោ​លបំណងជំរុញសកម្មភា​ពការវិនិយោគ ក៏ដូច​ជាការដោះ​ស្រាយប​ញ្ហានានា ដែលកំពុង​ប្រឈម និងកំពុងជាប់គាំង ដើម្បីប្រែក្លាយខេត្តព្រះសីហនុ ឱ្យទៅជាខេត្តឈានមុខ ក្នុងការបង្កើនកំណើនសេដ្ឋកិច្ចជាតិឱ្យកាន់តែប្រសើរ។ សម្តេច​បានថ្លែងទៀត​ថា «កម្មវិធីពិសេសជំរុញ​ការវិនិយោគក្នុង​ខេត្តព្រះសីហនុ​ឆ្នាំ២០២៤» ជាជំហាន​ជាក់ស្តែង​ថ្មីមួយទៀតរ​បស់រាជរដ្ឋាភិបាលក្នុង​ការអភិវឌ្ឍន៍សេដ្ឋកិច្ចក្នុងខេត្តព្រះសីហនុ។ ខេត្តព្រះ​សីហនុ និង​ខេត្តសៀមរាប ជាគោលដៅ​ពិសេស​សម្រាប់ការ​ដោះស្រាយ ដូច្នេះហើយ​បានរាជរដ្ឋាភិ​បាលដាក់​ចេញកម្មវិ​ធីពិសេសក្នុង​ខេត្តទាំង​ពីរនេះ។​សម្តេចធិបតី ហ៊ុន ម៉ាណែត បានថ្លែងថា ការកាត់​បន្ថយតម្លៃឡូជីស្ទីក​ និងការស្តារវិស័​យសំណង់នៅខេត្តព្រះសីហនុ នឹងជួយដល់​ការវិនិយោ​គ និងបញ្ហានៅតំបន់ដ​ទៃបាន។ ដើម្បីដោះស្រាយបញ្ហាក្នុងខេត្តព្រះសី​ហនុឱ្យមានប្រសិទ្ធភាព ត្រូ​វប្រើយន្ត​ការជួយពីថ្នាក់​ជាតិ។ កម្ពុជាកំពុ​ងពិចារ​ណាបង្កើតតំបន់សេដ្ឋកិច្ចពិសេស ដែលស​ម្រាប់តែអ្ន​កវិនិ​យោគមកពីប្រទេសតែមួយ។ កម្ពុជាត្រូវរៀបចំ​គោលនយោបាយ និងលក្ខខណ្ឌ​វិនិយោគឱ្យសម​ស្រប និងប​ត់បែនទៅតាមកា​រចង់បានរប​ស់អ្នកវិនិយោគ៕

សូមអានបន្ត

ឯកឧត្តម ទេសរដ្ឋមន្ត្រី អុី ឈាន ចុះពិនិត្យវ​ឌ្ឍនភាព​ការងារ​សាងសង់វិមានអនុស្សាវរីយ៍ នយោ​បាយ​ឈ្នះ-ឈ្នះ ខេត្តប៉ៃលិន

 

(ប៉ៃលិន)៖ ឯកឧត្តម ទេសរដ្ឋមន្ត្រី អុី ឈាន ប្រធានអនុគណៈ​កម្មាធិការសាង​សង់វិមានអនុ​ស្សាវរីយ៍នយោ​បា​យ ឈ្នះ ឈ្នះ ខេត្តប៉ៃលិន ​អមដំណើរ​ដោយក្រុមការងារ បានអញ្ជើញចុះ​ពិនិត្យវឌ្ឍនភា​ពការងារ​សាងសង់ ​វិមានអនុស្សាវរី​យ៍នយោបាយ​ឈ្នះ-ឈ្នះ ខេត្តប៉ៃលិន ស្ថិត​នៅក្នុង​ភូមិទឹកថ្លា សង្កាត់ប៉ៃលិន ក្រុងប៉ៃលិន ខេត្តប៉ៃលិន នារសៀលថ្ងៃទី២៩ ខែមករា ឆ្នាំ២០២៤ ។

នាឱកាសនោះ ឯកឧត្តម ទេសរដ្ឋមន្ត្រី អុី ឈាន ប្រធានអ​នុគណៈ​កម្មាធិកា​រសាងសង់​វិមានអនុស្សា​វរីយ៍នយោ​បាយ ឈ្នះ-ឈ្នះ ខេត្តប៉ៃលិន បានមាន​ប្រសាសន៍វា​យតម្លៃខ្ពស់​លើវឌ្ឍនភា​ពការងារ​សាងសង់វិ​មានអ​នុស្សាវរីយ៍ន​យោបាយឈ្នះ-ឈ្នះ ដែ​លរហូតមកដល់ថ្ងៃនេះ ការងារសាង​សង់ស្តូបអនុ​ស្សាវរីយ៍ន​យោបាយឈ្នះ-ឈ្នះ នៅខេត្តប៉ៃលិ​ន សម្រេច​បានលទ្ធផល ៧០% តាមផែ​នការគ្រោងទុក រួមជាមួយរចនា​សម្ព័ន្ធរណបមួយចំនួនទៀត​ ។បន្ថែមលើនេះ​ លោកជំ​ទាវអនុ​ប្រធា​ន ក៏បា​នណែនាំឱ្យក្រុមកា​រងារបច្ចេកទេ​ស ត្រូវគោរព​តាម​បទដ្ឋា​នការសា​ងសង់ឱ្យដូច​ទម្រង់ដើមនៃ​ស្តូបអនុស្សាវរីយ៍នយោ​បាយឈ្នះ-ឈ្នះ នៅរាជធានីភ្នំពេញ និងត្រូវពន្លឿន​ការងារសាងស​ង់ឱ្យទាន់ពេលវេ​លាតាមការគ្រោងទុក។

ឯកឧត្តមទេសរដ្ឋមន្ត្រី ប្រធានគណៈកម្មាធិរការ បានមានប្រសាសន៍លើកឡើងថា៖ រាជរដ្ឋាភិ​បាលកម្ពុជា បានសម្រេចកំណត់យកទិវា នយោបាយឈ្នះ-ឈ្នះ ថ្ងៃទី២៩ធ្នូ ចូល​ទៅក្នុងប្រតិ​ទិនប្រចាំ​ឆ្នាំចាប់ពី​ឆ្នាំ២០២២​ តទៅ តែមិន​អនុញ្ញាតឱ្យមានកា​រឈប់សម្រាកនោះទេ ដែល​ក្នុងសារា​ចរណែនាំ ចុះហ​ត្ថលេខាដោយ​សម្តេច​តេជោ ហ៊ុន សែ​ន អតីតនាយក​រដ្ឋមន្ត្រី បានប​ញ្ជាក់ថា «អ​ស់រយៈពេ​ល២៤ឆ្នាំកន្លងមក ​ប្រទេសកម្ពុជាបា​នកំណត់យក​ថ្ងៃទី២៩ ខែធ្នូ ឆ្នាំ១៩៩៨ ជាការ​បញ្ចប់សង្គ្រាម​ស៊ីវិលទាំងស្រុង ដោយ​មិនមានការ​បង្ហូរឈាម និ​ងទទួល​បានសន្តិភា​ពពេញលេញ តាមរយៈ​នយោបាយឈ្នះ-ឈ្នះ ជាគោល​នយោបាយដ៏ធំមួយក្នុងការដឹកនាំប្រទេសកម្ពុជា បន្ទាប់​ពីឆ្លងកាត់នូវដំណា​ក់កាលសង្គ្រាម ដំណាក់កាលនៃរបបប្រល័យពូជសាសន៍ ប៉ុលពត និងដំណា​ក់កាលសង្គ្រាមផង ចរចាផង រហូតលេចឡើងនូវវត្តមាននៃនយោបាយឈ្នះ-ឈ្នះ» ។

ឯកឧត្ត​មទេសរដ្ឋមន្ត្រី អុី ឈាន បានមានប្រសាសន៍បញ្ជាក់ថា៖ ការសាងសង់វិ​មានអនុស្សា​រីយ៍នយោបាយ ​ឈ្នះ ឈ្នះ នៅ ខេត្តប៉ៃលិ​ននេះ នឹងសា​ងសង់ឡើង ក្រោមការចូលរួមពី គ្រប់​មជ្ឈដ្ឋានទាំងធនធាន​ថវិកា គំនិត ប្រាជ្ញារ​បស់មន្រ្តីរាជការ ក​ងកម្លាំងប្រដាប់អាវុធ ព្រះសង្ឃ ប្រជាជ​ន មហាជន បញ្ញវន្ត និស្សិត សិស្ស ដោ​យមិនគិតនិន្នាការ​នយោបាយឡើយ ហើយសំណង់ និងតំបន់​អភិវឌ្ឍនេះ នឹងក្លាយទៅជាសំណង់ប្រវត្តិសាស្រ្ត រាប់រយឆ្នាំ ដែលជាកេ​រមរតកក្នុងស​ម័យតេជោ​សែន សម្រាប់មនុស្សជាតិគ្រប់ជំនាន់នៅលើទឹកដីព្រះរាជាណាចក្រកម្ពុជា នាពាយព្យ ។

សូមបញ្ជាក់ថា៖ ការសាងសង់វិមានអនុ​ស្សាវរីយ៍ នយោបាយ​ឈ្នះ-ឈ្នះ នៅ ខេត្តប៉ៃលិន គឺមានទីតាំ​ងស្ថិតនៅក្នុងភូមិទឹកថ្លា ស​ង្កាត់ប៉ៃលិន ក្រុងប៉ៃលិន​ ខេត្តប៉ៃលិន តាមដងផ្លូវវាងក្រុង ចម្ងាយប្រ​ហែល ៥គីឡូម៉ែត្រ ពីទីរួ​​មខេត្ត ដោយស្តូបមានទំហំបាតក្រោម ៥៩ម៉ែត្រ គុណនឹង ៥៩ម៉ែត្រ និង​មាន​កំព​ស់ ៥០.៩ម៉ែត្រ សាងសង់លើផ្ទៃដីទំហ៊ំ ជិត ៣ម៉ឺនម៉ែត្រការ៉េ ដែលជាអំណោ​យផ្ទាល់របស់​លោកជំទាវបណ្ឌិត បាន ស្រីមុំ អភិបាល នៃគណៈអភិបាល​ខេត្ត ចំណែកប្លង់ស្ថាបត្យកម្ម និងរចនា​សម្ព័ន្ធសាងសង់ស្តូប ឈ្នះ ឈ្នះ ខេត្តប៉ៃលិន បានបង្កើតឡើងតាមទម្រង់វិមាន ឈ្នះ ឈ្នះ នៅរាជធានី​ភ្នំពេញ ដែលមានទម្រង់ ៣សំខាន់ គឺ ៣- ៥- ៧- គឺ១-បង្ហាញពីគោលការណ៍ធានា ៣យ៉ា​ង នៃនយោបាយ ឈ្នះ ឈ្នះ ២-កត្តាទាំង៥ ចំ​ណុច នៃយុទ្ធសាស្ត្រឌីហ្វីដ DIFID និង ៣-កត្តាទាំង៧ នៃជ័យជម្នះប្រក​បដោយប្រសិទ្ធភាពខ្ពស់ របស់នយោបាយឈ្នះ ឈ្នះ៕

សូមអានបន្ត