មន្ទីរពាណិជ្ជកម្ម​ខេត្តបន្ទាយ​មាន​ជ័យ បើកកិច្ចប្រជុំផ្សព្វផ្សាយ ស្ដីពីការបើកការិយាល័យ​ចុះឈ្មោះ​បោះឆ្នោត ជ្រើសរើ​សសមាជិក ជ្រើស​តាំងសភា​ពាណិជ្ជកម្មខេត្ត

 

ខេត្តបន្ទាយ​មានជ័យ៖នាព្រឹកថ្ងៃទី២៣ ខែមេសា ឆ្នាំ២០២៤ នៅមន្ទីរពាណិជ្ជកម្ម​ខេត្តបន្ទាយ​មាន​ជ័យ បានបើកកិច្ចប្រជុំស្ដីពី​ការបើកការិយាល័យចុះឈ្មោះបោះឆ្នោត​ជ្រើសរើសសមា​ជិកជ្រើសតាំង​សភាពា​ណិជ្ជកម្មខេត្តបន្ទាយមានជ័យនៃអាណត្តិទី៣ លើកទី១ ប្រព្រឹត្តទៅ​ក្រោមអធិបតី​ភាពឯក​ឧត្តម ម៉ៅ ថូរ៉ា រដ្ឋលេខាធិការក្រសួង​ពាណិជ្ជកម្ម លោក​ កែវ សុភាព អភិបាលរងខេត្ត និងមានកា​រអញ្ជើញចូល​រួមពីសំណា​ក់ អស់លោក លោកស្រី​សមាជិកសមាជិកា សភាពាណិជ្ជកម្មនិងម្ចាស់​សិប្បកម្ម អាជីវកម្ម និងអាជីវករ។

លោក ឈឿង ឈីវអៀន ប្រធានសភា​ពាណិជ្ជកម្មអាណត្តិមុនបានលើកឡើងថា រយៈកាលកន្លង ពាណិជ្ជកម្មខេត្តបានបំពេញតួ​នាទីរបស់ខ្លួនបានល្អបង្គួរ សង្ឃឹមថាសភាពាណិជ្ជកម្មថ្មី នៃអា​ណត្តិទី៣​នឹងបន្តការងារនេះបានល្អប្រសើរជាងអាណត្តិមុន ។លោក កែវសួនសុភាព អភិបាល​រងខេត្ត និង​ឯកឧត្តម ម៉ៅ ថូរ៉​ា រដ្ឋលេខាធិការក្រសួង​ពាណិជ្ជកម្ម​បានមា​នប្រសាសន៍ថា ប្រធានស​ភាពា​ណិជ្ជកម្មនិង ត្រូវជ្រើ​សតាំ​ងពីជាបុគ្គល​ដែលមានសារសំខាន់ ត្រូវមានចំណេះដឹ​ងមានទំនាក់ទំ​នងល្អរវា​ងវិ​និយោគិនផ្សេងៗ ដើម្បីជាប្រយោជន៍កំ​ណើនសេដ្ឋកិច្ចដ​ល់ប្រជាពលរដ្ឋ និងសង្គមជា​តិទាំងមូល។​យើងទាំងអស់គ្នាគួរដឹងហើយថា ខេត្តបន្ទាយ​មានជ័យគឺ​ជាខេត្តដែល​ជាប់ព្រំដែន​និងប្រទេសថៃ សក្ដានុព​លសេដ្ឋកិច្ចជាច្រើនដូចជាច្រកទ្វារអន្តរជាតិចេញចូលផ្លាស់ប្តូរទំនិញផ្សេងៗ និងមានតំបន់សេ​ដ្ឋកិច្ចពិសេសរួ​មមានរោងចក្រ សហគ្រាសតូចធំជាច្រើនកន្លែង ដូច្នេះហើយ​សភាពា​ណិជ្ជកម្មគឺមានតួនាទីសំខាន់ ​ជាការចូលរួមចំណែក​ជាមួយរាជរដ្ឋាភិ​បាល ដើម្បីកំណើ​នសេដ្ឋកិច្ច។

ឯកឧត្តម ម៉ៅ ថូរ៉ា បានបន្តថា ក្នុងក្របខ័ណ្ឌនៃ​ទស្សនវិស័យផ្អែក​តាមកម្មវិធីនយោបា​យសម្រាប់នី​តិកាលទី៧ នៃរដ្ឋសភារាជរដ្ឋាភិបាល​បានដាក់ចេញនូវយុទ្ធសាស្ត្របញ្ចកោណដំណាក់កាលទី១ ដើម្បីកំ​ណើនសេដ្ឋកិច្ចតែមានអាទិភាពគន្លឹះ៥ គឺមនុស្ស ផ្លូវ ទឹក ភ្លើងនិងបច្ចេកវិទ្យា ជាពិសេ​សប​ច្ចេកវិទ្យា​ឌីជីថ​លសម្រាប់ឆ្លើយតបទៅនឹងបដិវត្តន៍កម្មឧស្សាហកម្មទី៤ និងបរិវត្តកម្ម​ឌីជីថល​នៃសេដ្ឋកិច្ច និងសង្គមកម្ពុជាព្រមទាំងតម្រូវការក្នុងការលើ​កកម្ពស់ផលិតភាពសេដ្ឋកិច្ច​ដែលជាគ្រឹះ​និងម​ធ្យោបាយដ៏សំខាន់ នៃការសម្រេចបាននូវចក្ខុវិស័យកម្ពុជានៅឆ្នាំ២០៥០ ក្នុងនោះផងដែ​ររដ្ឋបាលខេត្តបន្ទាយ​មានជ័យបានផ្តល់នូ​វសេចក្ដីជូនដំណឹងផងដែរ ដល់លោកឧកញ៉ាលោកជំទាវ អស់លោក លោកស្រី ដែលជាពាណិជ្ជករ ឧ​ស្សាហករ អាជីវករ សេវាករ អ្នកធ្វើអាជីវកម្ម កសិកម្មស​ហ​គ្រាស និងក្រុមហ៊ុននា​នា ឲ្យបានជ្រាបនៃ​ការបោះឆ្នោតជ្រើស​រើសសមាជិក​ជ្រើសតាំងសភា​ប្រចាំ​ខេត្តបន្ទាយមានជ័យ អាណត្តិទី៣ លើកទី១ នឹងប្រព្រឹត្តទៅនៅថ្ងៃទី១០ ខែមិថុនា ឆ្នាំ២០២៤ ចាប់ពីវេលាម៉ោ​ង៨ និង០០នាទីព្រឹក រហូតដល់​ម៉ោង១៥និង០០នាទីរសៀល។ហើយការចុះឈ្មោះ​បោះឆ្នោតនិងចុះ​ឈ្មោះបេក្ខជន​ឈរឈ្មោះ​ជាសមាជិកសភា​ពាណិជ្ជកម្មនឹងប្រព្រឹត្ត​ទៅចាប់ពី​ថ្ងៃទី២៣ ខែមេ​សា ឆ្នាំ២០២៤ ដ​ល់ថ្ងៃទី១៩ ខែឧស​ភា ឆ្នាំ២០២៤រៀងរាល់​ម៉ោងធ្វើការនៅមន្ទីរពា​ណិជ្ជកម្មខេត្តបន្ទាយមា​នជ័យ​ដែ​លមានអស័យដ្ឋាននៅភូមិបី សង្កាត់ព្រះពន្លា ក្រុង​សិរីសោភ័ណ ខេត្តបន្ទាយមានជ័យ៕

សូមអានបន្ត

រដ្ឋមន្ត្រីក្រសួងសុខាភិបាល ណែនាំដល់ថ្នាក់ដឹកនាំ កម្រិតនាយកដ្ឋានជំនាញ ត្រូវតែមានការជួបប្រ​ជុំក្រុម​ការ​ងារឱ្យបាន​២ដង ក្នុងមួយ​សប្តាហ៍

 

រាជធានីភ្នំពេញ៖ ក្នុង​កិច្ចប្រជុំកម្រិតថ្នាក់ដឹកនាំ លើកទី២ នៃខែមេសា ដើម្បីពិនិត្យវឌ្ឍនភាពការងារ និងលើកទិ​សដៅការងារបន្ត​ ដែលប្រព្រឹត្តទៅនៅព្រឹកថ្ងៃទី២២ ខែមេសា ឆ្នាំ២០២៤ នៅទីស្តីការក្រ​សួងសុខាភិបាល ឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល

បានថ្លែង​អំណរគុណ​ដល់ថ្នាក់ដឹក​នាំ មន្រ្តីរាជការសុ​ខាភិបាល ចំពោះការ​អនុវត្តការងារជាច្រើនកន្លងមកបានល្អប្រសើរ ហើយការ​ងារដែលមិនទាន់អនុវត្តបានល្អ ត្រូវចូលរួមអនុវត្តបន្ថែមទៀត ដោយធ្វើការប្រមើល​​មើលនូវបទ​ពិសោធន៍ល្អៗ ដែលជា​លទ្ធផលអនុវត្ត​បានល្អកន្លងមក។

ក្នុងនោះ ឯកឧត្តមសាស្រ្តាចារ្យរដ្ឋមន្រ្តី បានណែនាំដល់ថ្នាក់ដឹកនាំកម្រិតអគ្គនាយកដ្ឋាន ជាពិសេ​សកម្រិតនាយកដ្ឋានជំនាញត្រូវតែមានការជួបប្រជុំក្រុមការងារឱ្យបាន២ដង ក្នុងមួយសប្តាហ៍ ក្នុងការដាក់​ចេញផែនការ និងពិនិត្យវឌ្ឍនភាពការងារជាប្រចាំ ដើម្បីអនុវត្តការងារឱ្យ​បានគ្រប់​ជ្រុងជ្រោយនូវទស្សនវិស័យរបស់ក្រសួងសុខាភិបាល ស្របតាមយុទ្ធសាស្ត្របញ្ច​កោណរបស់​រាជរដ្ឋាភិបាលអាណត្តិទី៧។ក្នុងនោះគោលដៅដែ​ល​ត្រូវយកចិត្តទុកដាក់​គឺត្រូវកាត់បន្ថយអត្រា​ឈឺដោយជំងឺមិនឆ្លង ជំរុញនូវការលើកកម្ពស់សុខភាពបន្តពូជ ម្តាយ និងទារក បង្កើនសមត្ថភាព​ស្ថាប័ន ដើម្បីផ្លាស់ប្តូរការដឹកនាំឱ្យត្រូវនឹងបរិបទបច្ចុប្បន្ន ជំរុញឱ្យមានកិច្ចសហ​ប្រតិបត្តិការរវាង​ស្ថាប័ន អង្គភាព ព្រមទាំងភាគីពាក់ព័ន្ធទាំងឡាយ។

ជាចុងក្រោយ ឯកឧត្តមសាស្រ្តាចារ្យរដ្ឋមន្ត្រី ក្រើនរំលឹកដ​ល់ថ្នាក់ដឹកនាំត្រូវត្រៀ​មចំពោះបញ្ហាប្រឈ​មចំពោះមុខដូចជា ឆ្លើយតបជាមួយតម្រូវការរបស់ប្រជាពលរដ្ឋទាក់ទងនឹងជំងឺឆ្លង សុខភាពសាធា​រណៈ ដោយបង្កើនការផ្សព្វផ្សាយសារអប់រំសុខភាព រហូតដល់កាត់បន្ថយនូវជំងឺរ៉ាំរ៉ៃ ដែលអាចនឹ​ងបណ្តាលឱ្យប៉ះពាល់ដល់សេដ្ឋកិច្ចគ្រួសារ និងតាមដានការងារទប់ស្កាត់ជំងឺឆ្លងដូចជាជំងឺអេដស៍ ជំងឺគ្រុនចាញ់។ល។៕

សូមអានបន្ត

មេបញ្ជា​ការ ​កងពល​តូចថ្មេីរជេី​ងលេខ៥១ អញ្ជេីញចុះទស្សន​កិច្ចសិក្សា«ការងា​រកសាងពង្រឹងអង្គភា​ព​រឹងមាំ​លេីគ្រប់វិស័យ វរសេ​នាតូចថ្មើរជើង​លេ​ខ៥១១»

 

(បន្ទាយមានជ័យ) ៖លោកឧត្តមសេនីយ៍ត្រី សឹង្ហ ទុំ មេបញ្ជាការ កងពលតូចថ្មេីរជេីងលេខ៥១ នា​ថ្ងៃទី២២ ខែមេសា ឆ្នាំ២០២៤ បានអញ្ជេីញ​ជាអធិបតី ក្នុងពិធី​ទស្សន​កិច្ចសិក្សា ការងារកសា​ងពង្រឹ​ងអ​ង្គភាពរឹងមាំ​លេីគ្រប់វិស័យ អង្គភាពវរ​សេនាតូចថ្មេីរជេីងលេខ៥១១ ដែលកំពុង​ឈរជេីងនៅ​ភូមិក​ណ្តោល ឃុំអូរស្រឡៅ ស្រុកម៉ាឡៃ ខេត្តបន្ទាយ​មានជ័យ ជិតបន្ទាត់ព្រំដែន​កម្ពុជា-ថៃ។

អញ្ជើញចូលរួមមាន លោកមេបញ្ជាកា​រវរសេនាតូចថ្មើរជើងលេខ៥១២ ៥១៣ ៥១៤ នាយការិ​យាល័​យទាំង៩ កងអនុសេនា​ធំចំណុះកងពល។

លោកមេបញ្ជាការកងពល បានអញ្ជើញទស្សនាតា​មខ្លឹមសា​រនិមួយៗ​និងបានថ្លែងកោត​សរសើរ​ដល់អង្គ​ភាពវរសេនាតូចថ្មេីរជេីងលេខ៥១១ ដែលបានខិតខំយ​កចិត្តទុកដាក់អនុវត្តតាម​ផែនកា​រដែលថ្នាក់លើ​ប្រគល់ជូន និងអនុវត្តតួនាទី​ភារកិច្ច ប្រកបដោយការទទួលខុសត្រូវខ្ពស់ តាមផែនការ កសាងអង្គភាពរឹងមាំលើគ្រប់វិស័យ ។

ក្នុងនោះដែរ លោកឧត្តមសេនីយ៍ត្រី សឹង្ហ ទុំ មេបញ្ជាការ កងពលតូចថ្មើរជើងលេខ៥១ បានដាក់​ផែនការឱ្យអង្គភា​ពបន្តខិតខំការងារកសាងហេដ្ឋារចនាសម្ព័ន្ធ បង្កបង្កើតផល និងចិញ្ចឹមសត្វ បន្ថែមលើ​គោលរបបហូបប្រចាំថ្ងៃ សម្រាប់កម្លាំងជួរមុខ និងកម្លាំងត្រៀមក្នុងទីតាំង ក៏ដូចជា​គ្រួសារយោធិនក្នុងអង្គភាព និងមួយចំនួនលើសតម្រូវការ លក់ទៅទីផ្សារ សន្សំថវិកាជួ​យកសាង​ក្នុងអង្គភាព៕

សូមអានបន្ត

មេដឹកនាំ G7 ថ្កោលទោសអ៊ីរ៉ង់ ដោយព្រមានពីហានិភ័យនៃការកើនឡើង

 បរទេស៖ មេដឹកនាំនៃប្រទេស G7 បានថ្កោលទោសការវាយប្រហាររបស់អ៊ីរ៉ង់លើអ៊ីស្រាអែល ហើយបាននិយាយកាលពីថ្ងៃអាទិត្យថាពួកគេនឹងធ្វើការដើម្បីព្យាយាមការពារការកើនឡើងក្នុងតំបន់ដែលមិនអាចគ្រប់គ្រងបាន នៅមជ្ឈិមបូព៌ា។

ប្រទេសអ៊ីតាលី ដែលកាន់តំណែងជាប្រធានប្តូរវេននៃ G7 បានកោះប្រជុំមេដឹកនាំ G7 បន្ទាប់ពីប្រធានាធិបតីអាមេរិក លោក Joe Biden បានសន្យាឆ្លើយតបការទូតដោយសម្របសម្រួលចំពោះការវាយប្រហារដោយយន្តហោះគ្មានមនុស្សបើក និងកាំជ្រួចដែលមិនធ្លាប់មានពីមុនមកដែលបានបាញ់បង្ហោះពេញមួយយប់ដោយអ៊ីរ៉ង់។

សេចក្តីថ្លែងការណ៍ដែលចេញដោយប្រទេសអ៊ីតាលីបានឲ្យដឹងថា ជាមួយនឹងសកម្មភាពរបស់ខ្លួន អ៊ីរ៉ង់បានបោះជំហានបន្ថែមទៀតឆ្ពោះទៅរកអស្ថិរភាពនៃតំបន់ និងហានិភ័យដែលបង្កឱ្យមានការកើនឡើងក្នុងតំបន់ដែលមិនអាចគ្រប់គ្រងបាន។

មេដឹកនាំ G7 ដែលបានបញ្ជាក់ត្រឹមតែរយៈពេលតិចជាងមួយម៉ោងក្នុងសន្និសីទវីដេអូមួយ បានអំពាវនាវឱ្យអ៊ីរ៉ង់អនុវត្តការអត់ធ្មត់។

អង្គការនេះបានបន្តថា ក្នុងស្មារតីនេះ យើងទាមទារឱ្យប្រទេសអ៊ីរ៉ង់ និងអ្នកតំណាងរបស់ខ្លួនបញ្ឈប់ការវាយប្រហាររបស់ពួកគេ ហើយយើងត្រៀមខ្លួនដើម្បីចាត់វិធានការបន្ថែមទៀតឥឡូវនេះ និងជាការឆ្លើយតបទៅនឹងគំនិតផ្តួចផ្តើមធ្វើឱ្យមានអស្ថិរភាពបន្ថែមទៀត។

ប្រធានាធិបតីអាមេរិក លោក Joe Biden បានព្រមាននាយករដ្ឋមន្ត្រីអ៊ីស្រាអែល លោក Benjamin Netanyahu ថា សហរដ្ឋអាមេរិកនឹងមិនចូលរួមក្នុងការវាយលុកប្រឆាំងអ៊ីរ៉ង់ ប្រសិនបើអ៊ីស្រាអែលសម្រេចចិត្តសងសឹក។

អ៊ីរ៉ង់បានបើកការវាយប្រហារជាការឆ្លើយតបទៅនឹងការវាយប្រហាររបស់អ៊ីស្រាអែលដែលសង្ស័យទៅលើស្ថានកុងស៊ុលរបស់ខ្លួនក្នុងប្រទេសស៊ីរីកាលពីថ្ងៃទី០១ ខែមេសា ដែលបានសម្លាប់មេបញ្ជាការកងឆ្មាំបដិវត្តន៍កំពូល និងបន្ទាប់ពីការប៉ះទង្គិចជាច្រើនខែរវាងអ៊ីស្រាអែល និងសម្ព័ន្ធមិត្តក្នុងតំបន់របស់អ៊ីរ៉ង់ ដែលបង្កឡើងដោយសង្រ្គាមនៅហ្គាហ្សា។

សេចក្តីថ្លែងការណ៍របស់ G7 ក៏បានសន្យាថានឹងធ្វើការឆ្ពោះទៅរកបទឈប់បាញ់ជាបន្ទាន់ និងមាននិរន្តរភាព នៅក្នុងតំបន់ហ្គាហ្សា បន្ទាប់ពីមានការប្រយុទ្ធគ្នាជាងប្រាំមួយខែ។

ក្រុមប្រទេស G7 មានសហរដ្ឋអាមេរិក កាណាដា អ៊ីតាលី អង់គ្លេស បារាំង អាល្លឺម៉ង់ និងជប៉ុន ព្រមទាំងសហភាពអឺរ៉ុប។ រដ្ឋមន្ត្រីការបរទេសរបស់ខ្លួនគ្រោងនឹងជួបនៅថ្ងៃទី ១៧-១៩ ខែមេសា នៅលើកោះ Capri របស់អ៊ីតាលី។

សូមអានបន្ត

នគរបាល ​ចាប់​ឃាត់ខ្លួនជនសង្ស័យ ២នាក់ រួមនឹ​ងគ្រឿង​ញៀន​ ជាង ១០គីឡូក្រាម បញ្ជូន​ទៅតុលាការ

 

ខេត្តបន្ទាយមានជ័យ៖ដោយ​អនុវត្តយ៉ា​ងមុឹង​ម៉ាត់តាមបទបញ្ជារបស់លោកឧត្តម​សេនីយ៍ទោ សិទ្ធិ ឡោះ ស្នងកា​រនៃស្នង​ការដ្ឋានន​គរ​បាលខេត្តបន្ទា​យមានជ័យ កម្លាំង​ការិ​យាល័យប្រ​ឆាំង​គ្រឿង​ញៀន សហការជាមួ​យកម្លាំងអធិ​ការដ្ឋាននគ​របាលក្រុង​ប៉ោយប៉ែត​ ដឹកនាំដោ​យ លោកឧត្តម​សេនីយ៍​ត្រី ធិន ស៊ិនដេត ស្នងការរង​ នគរបាលខេត្ត បានចុះប្រតិបត្តិការណ៍​បង្ក្រាបករណីដឹកជញ្ជូន នឹងជួញដូរ នូវ​សារធាតុ​ញៀន​ដោយខុសច្បាប់ ដោយឃាត់ខ្លួនជ​នសង្ស័យចំនួន ​០២នាក់ ប្រុស​០១ ស្រី០១ ​កាល​ពីថ្ងៃទី២០ ខែ​មេសា ឆ្នាំ២​០២៤ វេលាម៉ោង​២៤ និង០០នាទី ។​

​ជនសង្ស័យដែលកម្លាំងសមត្ថកិច្ចចាប់ឃាត់ខ្លួននោះ

១/ឈ្មោះ ហេង សុគុ​ណ ហៅ ប៉ាវ ភេទប្រុស អាយុ ៤៥ឆ្នាំ ជាអ្នកជួញដូ​រគ្រឿងញៀន​រស់នៅ​ភូមិមិត្តភាព សង្កាត់ប៉ោ​យប៉ែត ក្រុងប៉ោយប៉ែត និង២/ឈ្មោះ ចឹម ស្រីដា ហៅជូ ភេទស្រី អាយុ២​៤ឆ្នាំ រស់នៅ​ភូមិអូឬស្សីលើ សង្កាត់អូឬស្សី ក្រុងប៉ោយប៉ែត ខេត្តបន្ទាយមានជ័យ ។

វត្ថុតាងដែលដកហូតបានរួមមាន៖ម្សៅម៉ត់សថ្លា(MDMA)ចំនួន ០១ថង់ស្មើ​ទម្ងន់២.១១ក្រាម​សាច់ថ្នាំ​សុទ្ធ , ថ្នាំ កញ្ចប់រូប​ទំពាំង​បាយជូរមានអក្សGrapa fraittea(MDMA)​ចំនួន៥០០កព្ចាប់ ស្មើទម្ងន់​៤.៤៧០ក្រាម​សាច់ថ្នាំសុទ្ធ ,ថ្នាំកញ្ចប់ពណ៌ក្រហម រូបសេះ​(MDMA)ចំនួន​៥០០​កព្ចាប់ស្មើទម្ងន់​២.៣០៥ក្រាម​សាច់ថ្នាំសុទ្ធ ,រថយន្តចំនួន​ ០១ គ្រឿងម៉ាក ម៉ាកព្រូសពណ៍ស ,ទូរសព្ទដៃ​ចំនួន ០២ គ្រឿង សរុបចំ​នួន ៦៧៧​៧.១១ក្រាមសាច់ថ្នាំ​សុទ្ធ។

បច្ចុប្បន្ន កម្លាំង​ជំនាញនៃស្នង​ការដ្ឋាននគរបាលខេត្តបន្ទាយមាន​ជ័យ បានកសាង​សំណុំរឿង បញ្ជូនខ្លួន​ជនសង្ស័យ​ទាំង២នាក់ ទៅកាន់សាលាដំបូងខេត្តបន្ទាយមានជ័យ ដើម្បីបន្តនីតិវិធីច្បាប់៕

សូមអានបន្ត