ហូឡង់ ធ្លាប់បានសន្យាថានឹងប្រគល់យន្ដហោះចម្បាំង F-16 ចំនួន ២៤គ្រឿងទៅឱ្យអ៊ុយក្រែន ដើម្បីជួយពង្រឹងសមត្ថភាពការពារដែនអាកាសរបស់កងទ័ពអ៊ុយក្រែន ប្រឆាំងនឹងការឈ្លានពានពីរុស្ស៉ី។
រដ្ឋមន្ត្រីការពារជាតិហូឡង់ លោកស្រី Kajsa Ollongren បានបញ្ជាក់នៅក្នុងលិខិតមួយផ្ញើជូនសភាជាតិ នៅមុនរដ្ឋាភិបាលអន្តរកាលមួយត្រូវបានបង្កើតឡើង នៅថ្ងៃអង្គារ សប្ដាហ៍នេះ ក្រោយការចរចាបង្កើតរដ្ឋាភិបាលចម្រុះចាប់តាំងពីការបោះឆ្នោតតាំងពីឆ្នាំមុនមក ថាការអនុញ្ញាតជាពិសេសដើម្បីប្រគល់យន្ដហោះចម្បាំងទៅឱ្យអ៊ុយក្រែន ត្រូវបាន អនុម័តរួចរាល់ហើយ។
តែយ៉ាងណាលោកស្រីមិនបានបញ្ជាក់ថាតើនឹងមានយន្ដហោះចម្បាំង F-16 ប៉ុន្មានគ្រឿងត្រូវប្រគល់ ឬក៏ថាតើនៅពេលណាទើបយន្ដហោះចម្បាំងទាំងនោះ ត្រូវបានប្រគល់ទៅដល់ដៃអ៊ុយក្រែននោះទេ ក្រោមហេតុផលសន្តិសុខ៕
0 comments:
Post a Comment