គូឡាឡាំពួរ៖ នៅថ្ងៃទី៤ ខែកក្កដា នាយកដ្ឋានពន្លត់អគ្គីភ័យបានឲ្យដឹងថា មនុស្សប្រហែល ២០នាក់នៅអាកាសយានដ្ឋានអន្តរជាតិ Kuala Lumpur ក្នុងប្រទេសម៉ាឡេស៊ី ត្រូវបានបញ្ជូនទៅព្យាបាលនៅថ្ងៃព្រហស្បតិ៍បន្ទាប់ពីការលេចធ្លាយឧស្ម័ននៅឯកន្លែងវិស្វកម្មយន្តហោះ ទោះបីជាមិនមានការរំខានដល់ប្រតិបត្តិការអាកាសយានដ្ឋានក៏ដោយ។
នាយកដ្ឋានពន្លត់អគ្គីភ័យរដ្ឋ Selangor បានបញ្ជាក់ថា ខ្លួនបានទទួលការហៅទូរសព្ទបន្ទាន់មួយ ទាក់ទងនឹងការលេចធ្លាយសារធាតុគីមី នៅឯកន្លែងគាំទ្រ Southern Support Zone Sepang Aircraft Engineering នៅម៉ោង១១:២៣ព្រឹក (០៣២៣ GMT) ហើយបានបញ្ជូនបុគ្គលិករបស់ខ្លួន រួមជាមួយនឹងក្រុមសម្ភារៈគ្រោះថ្នាក់។
សារធាតុគីមីនេះក្រោយមកត្រូវបានគេកំណត់ថាជា methyl mercaptan ដែលជាឧស្ម័នគ្មានពណ៌ដែលអាចឆេះបាន ជាមួយនឹងក្លិនស្អុយ ដែលពេលខ្លះត្រូវបានប្រើប្រាស់ក្នុងការផលិតឥន្ធនៈយន្តហោះ។
នាយកដ្ឋានបានបញ្ជាក់ថាមនុស្ស ២០នាក់ដែលរងផលប៉ះពាល់ដែលសុទ្ធតែជាបុគ្គលិកព្រលានយន្តហោះបានត្អូញត្អែរពីការវិលមុខ។
អ្នកនាំពាក្យនាយកដ្ឋានពន្លត់អគ្គិភ័យបានឲ្យដឹងថា វាមិនមានហានិភ័យធំជាងមុនដល់សុវត្ថិភាពសាធារណៈទេ។
0 comments:
Post a Comment