ភ្នំពេញ៖ ឯកឧត្តម ម៉ម ប៊ុនហេង រដ្ឋមន្ត្រីក្រសួងសុខា ភិបាលនៃប្រទេសកម្ពុជាបានថ្លែងអំណរគុណនិងវាយតម្លៃខ្ពស់ចំពោះភាគីចិន ដែលកំពុងជំរុញដំណើរការសាងសង់មន្ទីរពេទ្យមិត្តភាពកម្ពុជា-ចិន ព្រះកុសុមៈ មានទីតាំងក្នុងរាជធានីភ្នំពេញ បើទោះបីជាកម្ពុជាកំពុងមានការឆ្លងរាលដាលនៃជំងឺកូវីដ១៩ ខ្លាំងក្លា ក្នុងព្រឹត្តិការណ៍សហគមន៍ ២០ កុម្ភៈ ក៏ដោយ។
ឯកឧត្តមបានបញ្ជាក់ថា ដោយសារតែខិតខំប្រឹងប្រែងឥតឈប់ឈរបានធ្វើឲ្យគម្រោងសាងសង់ដំណើរការលឿននិងឆាប់រហ័ស ដោយភាគីចិនគ្រោងនឹងឲ្យមន្ទីរពេទ្យមិត្តភាពកម្ពុជា-ចិន ព្រះកុសុមៈ ស្ថិតក្នុងខណ្ឌទួលគោកមួយនេះ ដាក់ដំណើរការពិនិត្យ និងព្យាបាលជំងឺជូនប្រជាពលរដ្ឋ ជាការសាកល្បង នាខែកញ្ញា ឆ្នាំ២០២១ ខាងមុខនេះ។
ឯកឧត្តម រដ្ឋមន្ត្រីសុខាភិ បាល បានលើកឡើងបែបនេះ ក្នុងពេលអញ្ជើញពិនិត្យគម្រោងសាងសង់មន្ទីរពេទ្យមួយនេះ កាលពីថ្ងៃទី២៩ខែ មិថុនា ឆ្នាំ២០២១។ ក្រៅពីមន្ទីរពេទ្យមិត្តភាពកម្ពុជា-ចិន ឯកឧត្តម ម៉ម ប៊ុនហេង ក៏បានលើកឡើងពីជំនួយរបស់ភាគីចិនជាច្រើនទៀតដែរ លើវិស័យសុខាភិបាល ជូនដល់កម្ពុជា ដូចជា គម្រោងសាងសង់មន្ទីរពេទ្យនៅខេត្តត្បូងឃ្មុំ និងជំនួយក្នុងយុទ្ធនាការប្រយុទ្ធប្រឆាំងជំងឺកូវីដ ជាច្រើនសន្ធឹកសន្ធាប់ ជាដើម។
មន្ទីរពេទ្យមិត្តភាពកម្ពុជា-ចិន ព្រះកុសុមៈ មានកម្ពស់១១ ជាន់ គ្រោងចំណាយថវិកា ជាង៨០លានដុល្លារអាមេរិក ដើម្បីសាងសង់ ក្រោមជំនួយឥតសំណងរបស់មិត្ដចិន ដែលគ្រោងនឹងបញ្ចប់ការសាងសង់ជាស្ថាពរ នៅឆ្នាំ២០២២ខាងមុខនេះ៕
![](https://static.information.gov.kh/rails/active_storage/blobs/eyJfcmFpbHMiOnsibWVzc2FnZSI6IkJBaHBBK3B4QWc9PSIsImV4cCI6bnVsbCwicHVyIjoiYmxvYl9pZCJ9fQ==--c095e4d446096363f7f228cdae1658bab5268dff/581E204C-9EB3-423E-8F81-44E1C60.jpeg)
![](https://static.information.gov.kh/rails/active_storage/blobs/eyJfcmFpbHMiOnsibWVzc2FnZSI6IkJBaHBBK3R4QWc9PSIsImV4cCI6bnVsbCwicHVyIjoiYmxvYl9pZCJ9fQ==--552b3b402b7a8b8423f19331030ea90a34f3e657/A88660BC-DFB6-4E69-920F-A87DE1B.jpeg)
![](https://static.information.gov.kh/rails/active_storage/blobs/eyJfcmFpbHMiOnsibWVzc2FnZSI6IkJBaHBBK3h4QWc9PSIsImV4cCI6bnVsbCwicHVyIjoiYmxvYl9pZCJ9fQ==--4f3b7ecaa45c1387ff04978dca6ec76c6db5f93f/53569A87-2062-40E0-8421-38FCC5C.jpeg)
![](https://static.information.gov.kh/rails/active_storage/blobs/eyJfcmFpbHMiOnsibWVzc2FnZSI6IkJBaHBBKzF4QWc9PSIsImV4cCI6bnVsbCwicHVyIjoiYmxvYl9pZCJ9fQ==--99c0fd9c7f36a4513ea484a3a1f6b65d2faadc21/9350BE54-D4F7-4BAB-AF14-1C1FC4F.jpeg)
![](https://static.information.gov.kh/rails/active_storage/blobs/eyJfcmFpbHMiOnsibWVzc2FnZSI6IkJBaHBBKzV4QWc9PSIsImV4cCI6bnVsbCwicHVyIjoiYmxvYl9pZCJ9fQ==--94a789d97c2dc94a9a70e6a7a74e82147d3477f2/54B0D775-BAB3-4B38-9A1C-5E01962.jpeg)
![](https://static.information.gov.kh/rails/active_storage/blobs/eyJfcmFpbHMiOnsibWVzc2FnZSI6IkJBaHBBL0J4QWc9PSIsImV4cCI6bnVsbCwicHVyIjoiYmxvYl9pZCJ9fQ==--df1bd4beb742809a27f2ae6af8598ae3c6bf7f42/E657B64D-B0D1-45AB-8DF6-F4CE39A.jpeg)
![](https://static.information.gov.kh/rails/active_storage/blobs/eyJfcmFpbHMiOnsibWVzc2FnZSI6IkJBaHBBKzl4QWc9PSIsImV4cCI6bnVsbCwicHVyIjoiYmxvYl9pZCJ9fQ==--bcbf03e5e1b90696af63fa365cb0c35b82658348/DE582388-883F-4BA5-A4C2-EB31DA2.jpeg)
0 comments:
Post a Comment