ចាប់ខ្លួនគ្រូសីលឧកញ៉ា អ៊ឹម ប្រុស ពីបទឆបោក មានលាក់ទុកកាំភ្លើង៥ដើម និងគ្រាប់កាំភ្លើងជាង ២០០គ្រាប់នៅក្នុងផ្ទះ

 

កំពង់ចាម៖ នៅវេលាម៉ោង11នាទីកាលពីថ្ងៃទី៧ខែ៣

ឆ្នាំ២០២៣ នគរបាល នៃស្នងការដ្ឋាននគរបាលខេត្តកំពង់ចាម ដឹកនាំដោយលោកឧត្តម សេនីយ៍ត្រី អ៉ិត ដារ៉ា ស្នងការរងទទួលផែន ព្រហ្មទណ្ឌ ដឹកនាំសម្របសម្រួលផ្ទាល់ពីលោក តូច ឧត្តម ព្រះរាជអាជ្ញារង នៃអយ្យការអមសាលា ដំបូងខេត្ត បានដឹកនាំចុះអនុវត្តសាលដីកាស្ថាពរ របស់សាលា ឧទ្ធរណ៍ត្បូងឃ្មុំ បង្គាប់ឲ្យចាប់ខ្លួនទណ្ឌិតឈ្មោះ អ៊ឹម ប្រុស ហៅ គ្រូសីល ងារជា ឧកញ៉ា អាយុ៥៦ឆ្នាំ មានទីលំ នៅភូមិអណ្តូងច្រុះ ឃុំអំពិលស្រុកកំពង់សៀម ពីបទ«ឆបោក»ប្រព្រឹត្ត នៅភូមិអណ្តូងច្រុះ ឃុំអំពិលស្រុកកំពង់សៀម កាលពីកំឡុងឆ្នាំ ២០១៥ _ឆ្នាំ២០១៧។

ក្នុងពេលកិច្ចប្រតិបត្តិការចាប់ខ្លួនជំនាញរកឃើញអាវុធខ្លី៥ដើម រួមមាន៖ ម៉ាកឡុក CF98ចំនួន៣ដើមម៉ាកK59ចំនួន១ដើមនិងម៉ាកCZ75 ចំនួន១ ដើម) រួមទាំងប័ណ្ណសម្គាល់អាវុធខ្លីផុតសុពលភាពចំនួន ១៥ សន្លឹកចន្លោះពីឆ្នាំ ២០០៧ និង២០០៨, គ្រាប់កាំភ្លើង

ចំនួន ២៥៩គ្រាប់ ម៉ាស៊ីនផ្ទុករូបភាពកាំម៉ារ៉ាសុវត្ថិភាពចំនួន២ គ្រឿង,ខ្នោះដៃចំនួន៥ គូ និងស្រោមខ្នោះចំនួន ៤។ជនល្មើលរួមនិងវត្ថុតាងបញ្ជូនមកស្នងការដ្ឋាននគរបាលខេត្តកំពង់ចាម ដើម្បីបំពេញទម្រង់នីតិវិធី៕

សូមអានបន្ត

នាយឧត្តមសេនីយ៍ នេត សាវឿន អគ្គស្នងការនគរបាលជាតិ ប្រាប់មន្ដ្រីក្រោមឱវាទថា ឆ្នាំ២០២៣នេះ ត្រូវការពារឲ្យបានដាច់ខាត នូវសុខសន្ដិភាព

ភ្នំពេញ៖ នៅឆ្នាំ២០២៣នេះនាយឧត្តមសេនីយ៍ នេត សាវឿន អគ្គស្នងការនគរបាលជាតិ បានប្រាប់ដល់មន្ដ្រីក្រោមឱវាទថា  ត្រូវការពារឲ្យបានដាច់ខាតនូវសុខសន្ដិភាព ព្រមទាំងធានាស្ថេរភាពសង្គមផងដែរ។

ក្នុងប្រជុំផ្សព្វផ្សាយការងារឆ្នាំ២០២៣ របស់ក្រសួងមហាផ្ទៃ និងអគ្គស្នងការដ្ឋាននគរបាលជាតិ និងមិទ្ទិញអបអរសាទរខួបលើកទី១១២ ទិវាអន្ដរជាតិនារី ៨មីនា ឆ្នាំ២០២៣ នៅថ្ងៃទី៧ ខែមីនា ឆ្នាំ២០២៣ នាយឧត្តមសេនីយ៍ នេត សាវឿន បានថ្លែងថា «ការពារឲ្យបាន ដាច់ខាតនូវសុខសន្ដិភាព និងខឿនសន្ដិសុខជាតិ ធានាស្ថេរភាពសង្គម។ បន្ដប្រយុទ្ធប្រឆាំងបទល្មើស កាត់ បន្ថយបទល្មើស បង្កើនភាពកក់ក្ដៅ កាត់បន្ថយការភ័យខ្លាចរបស់ប្រជាពលរដ្ឋ ក្នុងនោះរួមមាន ទាំងបទល្មើស ព្រហ្មទណ្ឌ គ្រឿងញៀន ការប្រយុទ្ធប្រឆាំងអំពើជួញដូរមនុស្ស ស្ដ្រី និងកុមារតាមគ្រប់ទម្រង់ ពិសេសយកចិត្តទុកដាក់លើ បញ្ហាតាមប្រព័ន្ធបច្ចេកវិទ្យាព័ត៌មាន»។

នាយឧត្តមសេនីយ៍ បន្ដថា ត្រូវការពង្រឹងការងារសណ្ដាប់ធ្នាប់ចរាចរណ៍ និងអគ្គិភ័យ ហើយគោលដៅធំបំផុតកាត់បន្ថយគ្រោះថ្នាក់ ហើយការងារអាទិភាព គឺជំរុញការអប់រំឲ្យមានការចូលរួមពី ព្រោះកងកម្លាំងមិនអាចធ្វើតែឯកឯងបានទេ ពោលត្រូវតែមានការសហការ ជាមួយស្ថាប័នពាក់ព័ន្ធ និងប្រជាពលរដ្ឋ។

នាយឧត្តមសេនីយ៍បន្ថែមថា ចំពោះការងារព្រំដែន ត្រូវបន្ដកិច្ចសហការជាមួយកងទ័ពការពារព្រំដែន ការពារអធិបតេយ្យជាតិ ពិសេសពង្រឹងប្រព័ន្ធការពារតាមព្រំដែន បង្កើនកិច្ចសហការទប់ស្កាត់បទល្មើស លើកកម្ពស់សមត្ថភាពការហ្វឹកហាត់ និងការពង្រឹងស្មារតីសហការ ជាមួយប្រទេសជិតខាង។

លើសពីនេះ នាយឧត្តមសេនីយ៍ នេត សាវឿន បានលើកឡើងថា ចំពោះការងារនគរបាលប៉ុស្ដិ៍រដ្ឋបាល ត្រូវអនុវត្តឲ្យបានពេញលេញប្រកបដោយ ប្រសិទ្ធភាពនូវការងារនគរបាល និងសហគមន៍។ ការងារនេះជារឿងសំខាន់ ព្រោះជាចលករដ៏សំខាន់ ជំរុញការអនុវត្តគោលនយោបាយជាតិ ភូមិ ឃុំសង្កាត់ មានសុវត្ថិភាព។ លើសពីនេះ ត្រូវជំរុញការបណ្ដុះបណ្ដាល មន្ដ្រីនគរបាលប៉ុស្ដិ៍ ការឧបត្ថម្ភគាំទ្រ និងផ្លាស់ប្ដូរឥរិយាបថក្នុងការ បម្រើសេវាជូនប្រជាពលរដ្ឋ ព្រមទាំងពង្រឹងការងារប្រចាំបញ្ជា និងអន្ដរាគមន៍ ត្រូវត្រៀមលក្ខណៈសម្បត្តិជាប្រចាំដើម្បីចេញ សង្គ្រោះនៅពេលមានហេតុការណ៍ និងគ្រប់គ្រងស្ថានការណ៍ នៅពេលមានហេតុការណ៍កើតឡើង៕

សូមអានបន្ត

ស្រី្តកម្ពុជាជាកម្លាំងចលកររួមចំណែក នៃកំណើនសេដ្ឋកិច្ចនិងអភិវឌ្ឍន៍ប្រទេសជាតិ

ឯកឧត្តមកិត្តិបណ្ឌិត ហ៊ីង ប៊ុនហៀង នាយករងខុទ្ទកាល័យសម្ដេចតេជោ ហ៊ុន សែន និងជាមេបញ្ជាការ បញ្ជាការដ្ឋានអង្គរក្ស បានថ្លែងថា ស្រី្តកម្ពុជាជាកម្លាំងចលកររួមចំណែក នៃកំណើនសេដ្ឋកិច្ច ស្រ្តីមានកាលានុវត្តភាពក្នុងការអនុវត្តសិទ្ធិអភិវឌ្ឍន៍ចំណេះដឹងជំនាញ បច្ចេកទេស ដែលជាមូលដ្ឋានគ្រឹៈក្នុងការចូលរួមប្រកួតប្រជែង ប្រកបដោយសក្ដានុពលនៅក្នុងទីផ្សារសេដ្ឋកិច្ចជាតិនិងក្នុងតំបន់ហើយរួមចំណែក យ៉ាងសំខាន់ក្នុងការកាត់បន្ថយភាពក្រីក្រនិងងាយរងគ្រោះ។

ឯកឧត្ដម បានថ្លែងដូចនេះខណៈ អញ្ជើញរួមគ្នា ជាមួយស្រ្តីស្រុកកណ្ដាលស្ទឹង១៨ឃុំនិងស្រ្តីបញ្ជាការដ្ឋានអង្គរក្ស ជាង១ពាន់នាក់ ក្នុងឱកាសអបអសាទរខួបលើកទី១១២ ទិវានារីអន្តរជាតិ ៨មីនា ក្រោមប្រធានបទ " ស្រ្តីរួមគ្នារក្សាសុខសន្តិភាព ដើម្បីកិច្ចអភិវឌ្ឍន៍ក្នុងយុគសម័យឌីជីថល " ។ រសៀលថ្ងៃទី៦មិនានៅទីបញ្ជាការដ្ឋានអង្គរក្សក្រុងតាខ្មៅខេត្តកណ្ដាល។

ឯកឧត្តម  ហ៊ីង ប៊ុនហៀង បានបន្តថា ស្រ្តីជាឆ្អឹងខ្នងនៃការ អភិវឌ្ឍសេដ្ឋកិច្ចសង្គម ចំពោះការងារបញ្រ្ជាបយេនឌ័រ ដែលជាកិច្ចការអន្តរវិស័យ ក្នុងការធានាបាននូវចីរភាព នៃសុខសន្តិភាព និងពន្លៀនល្បឿននៃកិច្ចអភិវឌ្ឍន៍ជាតិជាពិសេសក្នុងយុគសម័យឌីជីថល និងការកសាងមូលដ្ឋានឆ្ពោះទៅសម្រេចចក្ខុវិស័យកម្ពុជា ជាប្រទេសដែលមានចំណូលខ្ពស់នៅឆ្នាំ២០៥០ ។ ឯកឧត្ដមបានបញ្ជាក់ថា  រាជរដ្ឋាភិបាលបាននឹងកំពុងផ្ដោតការដោះស្រាយគំលាតយេនឌ័រក្នុងវិស័យឌីជីថល ជាពិសេសបង្កើនការចូលរួមរបស់ស្រ្តីក្នុងវិស័យឌីជីថលការប្រើប្រាស់បច្ចេកវិទ្យាដោយប្រសិទ្ធភាព ការអប់រំនិងចំណេះដឹងនិងជំនាញផ្នែកវិទ្យាសាស្រ្តបច្ចេកវិទ្យា វិស្វកម្ម សិល្បៈ ការច្នៃប្រឌិត និងគណិតវិទ្យា ។ ឯកឧត្ដម បានជម្រុញឱ្យស្រ្តីត្រូវតែបង្កើនភាពក្លាហាន ខណៈប្រមុខរាជរដ្ឋាភិបាលបានជម្រុញស្រ្តីជាថ្នាក់ដឹកនាំនៅក្នុងក្រសួង ស្ថាប័ន អង្គភាព ទូទាំងប្រទេសឱ្យស្រ្តីត្រូវអភិវឌ្ឍសមត្ថភាព ហ៊ានទទួលខុសត្រូវរួមចំណែកការកសាងសេដ្ឋកិច្ចសង្គម និងការលើកតម្កើងស្រ្តីនៅក្នុងស្រុកកណ្ដាលស្ទឹង១៨ឃុំនិងស្រ្តីបញ្ជាការដ្ឋានអង្គរក្សដើម្បីកាត់បន្ថយអំពើហឹង្សានៅក្នុងគ្រួសារនិងនៅក្នុងសង្គមជាតិ។ ឯកឧត្ដម ហ៊ីង ប៊ុនហៀង បានលើកឡើងថា ប្រសិនបើប្រទេសជាតិយើងមានសង្រ្គាម នាំឱ្យអសន្តិសុខអស្ថិរភាពនយោបាយ គ្មានសន្តិភាព យើងគ្មានពេលវេលាគិតគូរ ពីការអភិវឌ្ឍន៍ភូមិឃុំ សហគមន៍ស្រ្តី យ៉េនឌ័រ សិទ្ធិស្រ្តី សិទ្ធិកុមារ សិទ្ធិមនុស្សនោះទេ។ កត្តាសំខាន់គឺការពារសន្តិភាព ថែរក្សាសន្តិភាពឱ្យបានគង់វង្ស ហើយស្រ្តីក៏មានតួនាទីចូលរួមថែរក្សាសន្តិភាពការពារសន្តិភាពដែលមាននាពេលសព្វថ្ងៃនេះ។ សន្តិភាពមានតម្លៃណាស់ដើម្បីជម្រុញនូវការអភិវឌ្ឍប្រទេសជាតិជាប្រយោជន៍សម្រាប់ប្រជាពលរដ្ឋកូនចៅជំនាន់ក្រោយៗ ខ្លួនឯង គ្រួសារនិងសង្គមជាតិ។ក្នុងឱកាសនោះដែរឯកឧត្តម  ហ៊ីង ប៊ុនហៀងនិងលោកជំទាវ បានជូនវត្ថុអនុស្សាវរីយ៍ម្នាក់ទទួលបានសារុង១អាវ១និងថវិការ៥ម៉ឺនរៀលសម្រាប់អ្នកចូលរួមជាង១ពាន់នាក់។ដោយ-រ៉ាវុធ

សូមអានបន្ត

លោកជំទាវកិត្តិសង្គហបណ្ឌិត ម៉ែន សំអន ៖ ស្រ្តីខ្មែរនៅតែរក្សាបាននូវកិត្យានុភាពគ្រប់សម័យកាល

លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្រ្តី អនុប្រធានគណបក្សប្រជាជនកម្ពុជា បានជួបសំណេះសំណាលជាមួយស្រ្តី​ ជាថ្នាក់ដឹកនាំនៃរដ្ឋបាលថ្នាក់ក្រោមជាតិ​នៅទូទាំងប្រទេស​ ដែលមានសមាជិកចូលរួមចំនួន​ សរុប​ ២៨៧នាក់​ និង អបអរសាទរខួបទី១១២ ទិវាអន្តរជាតិនារី ៨មីនា ២០២៣ ក្រោមមូលបទ «ស្រ្តីរួមគ្នា រក្សាសុខ សន្តិភាព ដើម្បីកិច្ចអភិវឌ្ឍ ក្នុងយុគសម័យឌីជីថល» នៅវិមាន ៧មករា នាររសៀលថ្ងៃអាទិត្យ ១៤កើត ខែផល្គុន ឆ្នាំខាល ចត្វាស័ក ព.ស. ២៥៦៦ ត្រូវនឹង ថ្ងៃទី៥ ខែមីនា ឆ្នាំ២០២៣ ។

ថ្លែងក្នុងឱកាសនោះ លោកជំទាវក៏បានពាំនាំនូវការផ្តាំផ្ញើ សួរសុខទុក្ខ ការនឹករលឹក ពីសំណាក់សម្តេច តេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ជូនដល់ឯកឧត្តម លោក ជំទាវសមាជិកទាំងអស់ដែលបានចូលរួមក្នុងកម្មវិធីថ្ងៃនេះ។

លោកជំទាវកិត្តិសង្គហបណ្ឌិតក៏បាន កោតសសើរដល់ស្រ្តីថ្នាក់ដឹកនាំថ្នាក់ក្រោមជាតិ​ ដែលបានបំពេញការងារបានយ៉ាងល្អ និងទទួលបានគួរជាទីមោទនៈ​ ។  តាមរយៈ​ ការប្រយុទ្ធប្រឆាំងនឹងជំងឺកូវីដ១៩​ ក៏ដូចជាក្នុងការបោះឆ្នោតក្រុមប្រឹក្សាឃុំ​ សង្កាត់អណាត្តិទី៥​ ដោយទទួលបានការគាទ្រំសមាជិកគណបក្សប្រជាជនកម្ពុជានៅទូទាំងប្រទេស​ ។  ជ័យជម្នះដ៏ត្រចះត្រចង់នេះ កាន់តែបានបង្ហាញឱ្យឃើញច្បាស់ថា ប្រជាជនកម្ពុជាត្រូវការចាំបាច់  នូវតួនាទីដឹកនាំរបស់គណបក្សប្រជាជន កម្ពុជាទាំងនៅថ្នាក់ជាតិ ទាំងនៅថ្នាក់មូលដ្ឋាន ឃុំ ភូមិ សង្កាត់។​ ដោយឡែកនៅក្នុងថ្ងៃនេះផងដែរ​ ក៏មានវត្តមាន​ របស់លោកស្រ្តីជាមេឃុំ​ ៥អាណតិ​ ចំនួន​ ៩រូប​ បានចូលរួមផងដែរ​  តាមរយ:​ ការបំពេញការងារក្នុង​ ៥អាណត្តិនេះក៏បានបង្ហាញថា​

ស្រ្តីខ្មែរនៅតែរក្សាបាននូវកិត្យានុភាពគ្រប់សម័យកាល​ រួមមាន​ ៖
១.​  លោកស្រី​ ប្រាក់​ ម៉ាលី
២.​ លោកស្រី​ តៅ​ មន្ថា​
៣.​ លោកស្រី​ ប៉ែន​ អ៉ិន​
៤.​ លោកស្រី​ ទេព​ សោមុន្នី
៥.​ លោកស្រី​ ឮ​ ចិន្តា
៦.​ លោកស្រី​ ហៀង​ សុផល
៧.​ លោកស្រី​ សោម​ សុខុម
៨.​ លោកស្រី​ ឌុច​ ម៉ាលីន
៩.​ លោកស្រី​ តាំង​ គឹមឆេង

លោកជំទាវបានអំពាវនាវឲ្យស្រ្តីទាំងអស់គ្នាត្រូវ​ ៖
១.​ រួមគ្នាថែរក្សាសមិទ្ធិផលសន្តិភាព​ និងសមិទ្ធិផល​៧មករា​ ដែលសម្រេចបានយ៉ាងលំបាកបំផុតដោយខ្មែរខ្លួនឯងនេះឲ្យបាន​ ដេីម្បីចូលរួមចំណែកក្នុងកិច្ចអភិវឌ្ឍប្រទេសជាតិ​ ។
២.​ ត្រូវផ្សព្វផ្សាយដល់ប្រជាពលរដ្ឋអំពីសមិទ្ធិផលរបស់គណបក្សសម្រេចបាន
៣.​ ត្រូវធ្វេីអំពេីល្អ​ និងបម្រេីសេវាសាធារណ:ឲ្យបានល្អ​ជូនប្រជាពលរដ្ឋ
៤.​ មិនត្រូវសប្បាយនឹងសន្តិភាព​ ហេីយភ្លេចថែរក្សាសន្តិភាពនោះទេ​

ជាចុងក្រោយលោកជំទាវក៏បានឧបត្ថម្ភដល់​ ស្រ្តីចំនួន​ ១៨៨នាក់​ ជាប្រធានក្រុមប្រឹក្សាស្រុក​ អភិបាលស្រុក​ មេឃុំ​ ចៅសង្កាត់ក្នុងម្នាក់ៗទទួលបានថវិកា​ ១០ម៉ឺនរៀល​ និងក្រណាត់ប៉ាក់​ ១ដុំ​ ចំណែកឯស្រ្តី​ ៩៩នាក់ទៀត​ បានទទួលក្រណាត់ប៉ាក់១ដុំ​ ៕ដោយថេត វិចិត្រ

សូមអានបន្ត

ឧត្តមសេនីយ៍ឯក លឹម សុខារស្មី អំពាវនាវភ្នាក់ងារសន្ដិសុខឯកជន បន្ដចូលរួមលើកកម្ពស់គោលនយោបាយ «ភូមិ-ឃុំសង្កាត់ មានសុវត្ថិភាព»

ភ្នំពេញ៖ លោកឧត្តមសេនីយ៍ឯក លឹម សុខារស្មី ប្រធាននាយកដ្ឋានគ្រប់គ្រងសន្ដិសុខឯកជន នៃអគ្គស្នងការដ្ឋាននគរបាលជាតិ បានអំពាវនាវដល់ភ្នាក់សន្ដិសុខឯកជនទាំងអស់ បន្ដចូលរួមលើកកម្ពស់គោលនយោបាយ «ភូមិ-ឃុំសង្កាត់ មានសុវត្ថិភាព» របស់រាជរដ្ឋាភិបាលកម្ពុជាឲ្យកាន់តែទទួលបានលទ្ធផលល្អប្រសើរបន្ថែមទៀត សំដៅកាត់បន្ថយបទល្មើសនានាក្នុងសង្គម។

ការអំពាវនាវរបស់លោកឧត្តមសេនីយ៍ឯក លឹម សុខារស្មី ធ្វើឡើងនៅល្ងាចថ្ងៃទី១៧ ខែកុម្ភៈ ឆ្នាំ២០២៣នេះ ក្នុងឱកាសអញ្ជើញជាអធិបតីតំណាង នាយឧត្តមសេនីយ៍ សន្ដិបណ្ឌិត នេត សាវឿន អគ្គស្នងការនគរបាលជាតិ ក្នុងពិធីបិទវគ្គបំប៉នជំនាញភ្នាក់ងារសន្ដិសុខឯកជន លើកទី៤៦។

លោកឧត្តមសេនីយ៍ឯក ប្រធាននាយកដ្ឋាន បានអះអាងថា កិច្ចការពារសុខសន្តិភាព និងសន្តិសុខសុវត្ថភាពសង្គម គឺជាកាតព្វកិច្ចរបស់យើងទាំងអស់គ្នាដែលត្រូវរួមគ្នាបង្ការ ទប់ស្កាត់ និងបង្រ្កាប រាល់បទល្មើសនានា តាមគ្រប់គ្រប់រូបភាព ដើម្បីភាពសុខសាន្តរបស់ប្រជាពលរដ្ឋ ក៏ដូចជាភ្ញៀវជាតិ និងអន្តរជាតិដែលកំពុងស្ថិតនៅប្រទេសយើងផងដែរ។

លោកឧត្តមសេនីយ៍ឯក លឹម សុខារស្មី បានថ្លែងយ៉ាងដូច្នេះថា «យើងរួមគ្នាអនុវត្តនូវគោលនយោបាយរបស់រាជរដ្ឋាភិបាលដែលដាក់ចេញនូវ ភូមិ-ឃុំ-សង្កាត់ មានសុវត្ថិភាព ផ្តោតសំខាន់ទៅលើកិច្ចការពារ សន្តិសុខ សុវត្ថិភាពនៅតាមបណ្តាភូមិ-ឃុំ-សង្កាត់ មិនឲ្យមានបទល្មើសកើតឡើង។ វិស័យសន្តិសុខឯកជន ក៏ជាវិស័យដ៏សំខាន់មួយ ដែលបានចូលរួមចំណែកយ៉ាងសកម្ម ក្នុងការអនុវត្តគោលនយោបាយ ភូមិ-ឃុំ-សង្កាត់ មានសុវត្ថិភាព និងថែរក្សាសន្តិសុខសណ្តាប់ធ្នាប់សង្គម ក៏ដូចជាការពារផលប្រយោជន៍ជាតិ និងការអភិវឌ្ឍន៍ប្រទេសជាតិយើងផងដែរ»។

លោកឧត្តមសេនីយ៍ឯក លឹម សុខារស្មី បានអំពាវនាវដល់បណ្តាក្រុមហ៊ុនផ្តល់សេវាសន្តិសុខឯកជនទាំងអស់ ចាត់បញ្ជូនភ្នាក់ងារសន្តិសុខឯកជន ដែលមានជំនាញចូលរួមការពារសន្តិសុខ សុវត្ថិភាព សណ្តាប់ធ្នាប់ ជាមួយកងកម្លាំងមានសមត្ថកិច្ច ក្នុងព្រឹត្តិការណ៍ប្រកួតកីឡា SEA Games លើកទី៣២ និង Para Games លើកទី១២ ឆ្នាំ២០២៣ ដែលកម្ពុជាធ្វើជាម្ចាស់ផ្ទះឲ្យទទួលបានជោគជ័យ។

ក្នុងឱកាសនោះ លោកឧត្តមសេនីយ៍ឯក លឹម សុខារស្មី សូមកោតសរសើរចំពោះភ្នាក់ងារសន្តិសុខជន ក្នុងការចូលរួមបង្ការទប់ស្កាត់នូវបទល្មើសនានា ធ្វើឲ្យបទល្មើសមានការកាត់បន្ថយមួយចំនួនផងដែរ ហើយលោកសូមលើកទឹកចិត្ត និងគាំទ្រ ដល់ភ្នាក់ងារសន្តិសុខឯកជន រាយការណ៍អំពីសកម្មភាពបទល្មើស ដូចជា បទល្មើសគ្រឿងញៀន បង្ខាំងមនុស្សខុសច្បាប់ ការជួញដូរមនុស្ស ការជួញដូរពលកម្ម ការប្រើប្រាស់អំពីហឹង្សា និងការរំលោភបំពានលើកុមារនិងស្ត្រី ។ល។ ពិសេសនៅតាមបណ្តាគោលដៅ បុរី ខុនដូរ អាផាតមិន សណ្ឋាគារ ផ្ទះសំណាក់ និងគោលដៅងាយរងគ្រោះសំខាន់ៗ។

ជាមួយគ្នានេះ លោកក៏បានជំរុញដល់ភ្នាក់ងារសន្តិសុខឯកជន ពិសេសនូវគោលដៅខាងលើនេះ ត្រូវមានការហ្វឹកហាត់ជំនាញ បង្ការ និងពន្លត់អគី្គភ័យ ព្រមទាំងជំនាញតាមដានត្រួតពិនិត្យ និងសង្កេតជនសង្ស័យ ដែលមានបំណងចង់ប្រព្រឹត្តបទល្មើសនៅគោលដៅរបស់យើង និងជាពិសេសត្រូវយកចិត្តទុកដាក់ សហការជាមួយអាជ្ញាធរមានសមត្ថកិច្ចជាប់ជាប្រចាំ។

សូមបញ្ជាក់ថា រហូតមកដល់ពេលនេះ ការបើកវគ្គបំប៉នជំនាញភ្នាក់ងារសន្ដិសុខឯកជន របស់នាយកដ្ឋានគ្រប់គ្រងសន្ដិសុខឯកជន បានចំនួន៤៦វគ្គ ភ្នាក់ងារសន្តិសុខឯកជនដែលបានឆ្លងវគ្គ ជាង៨,១២០នាក់។ ក្នុងនោះ បានស្ទាប់ស្ទង់ឃើញថា ភ្នាក់ងារសន្តិសុខឯកជន ដែលបានឆ្លងវគ្គនេះ ដែលជាភ្នាក់ងារសន្តិសុខឯកជន ពោពេញទៅដោយសមត្ថភាពពេញលេញ មានការយល់ដឹងខ្ពស់មាន និងក្រមសីលធម៌ល្អផងដែរ៕

សូមអានបន្ត

ប្រធានាធិបតី វ្ល៉ាឌីមៀ ពូទីន បាននិយាយថា កងទ័ពរុស្ស៊ីត្រូវតែរៀនពី និងដោះស្រាយបញ្ហាដែលខ្លួនបានរងទុក្ខនៅអ៊ុយក្រែន

 ប្រធានាធិបតី វ្ល៉ាឌីមៀ ពូទីន បាននិយាយថា កងទ័ពរុស្ស៊ីត្រូវតែរៀនពី និងដោះស្រាយបញ្ហាដែលខ្លួនបានរងទុក្ខនៅអ៊ុយក្រែន ហើយបានសន្យាថានឹងផ្តល់ឱ្យយោធានូវអ្វីដែលខ្លួនត្រូវការ ដើម្បីសង្រ្គាមរយៈពេល 10 ខែកន្លងមកនេះ។

នៅក្នុងសុន្ទរកថាក្នុងអំឡុងពេលកិច្ចប្រជុំតាមទូរទស្សន៍ជាមួយមន្ត្រីយោធាជាន់ខ្ពស់នៅទីក្រុងមូស្គូកាលពីថ្ងៃពុធ លោក ពូទីន បាននិយាយថា មិនមានការកំណត់ផ្នែកហិរញ្ញវត្ថុលើអ្វីដែលរដ្ឋាភិបាលនឹងផ្តល់សម្ភារៈយុទ្ធភណ្ឌសម្រាប់បន្តសង្គ្រាមនៅអ៊ុយក្រែន។

លោក ពូទីន និយាយថា”យើងមិនមានការកម្រិតថវិកាទេរដ្ឋាភិបាល​កំពុង​ផ្តល់​អ្វី​គ្រប់​យ៉ាង​ដែល​កង​ទ័ព​ទាម​ទារ”។

លោកបន្តថា “ខ្ញុំស្នើឱ្យក្រសួងការពារជាតិយកចិត្តទុកដាក់ចំពោះគំនិតផ្តួចផ្តើមរបស់ជនស៊ីវិលទាំងអស់ រួមទាំងការគិតគូរដល់ការរិះគន់ និងឆ្លើយតបឱ្យបានត្រឹមត្រូវ ទាន់ពេលវេលា”។

នៅក្នុងកិច្ចប្រជុំនេះ រដ្ឋមន្ត្រីការពារជាតិរុស្ស៊ីលោក Sergei Shoigu បានស្នើឱ្យបង្កើនចំនួនបុគ្គលិកប្រយុទ្ធនៅក្នុងកងទ័ពរុស្ស៊ីនៅអ៊ុយក្រែនដល់ ១,៥ លាននាក់ផងដែរ។

គួរបញ្ជាក់ថា ការវាយលុករបស់អ៊ុយក្រែន ដោយមានការគាំទ្ររបស់សហរដ្ឋអាមេរិក និងសម្ព័ន្ធមិត្ត បានរុញច្រានកងកម្លាំងរុស្ស៊ីចេញពីផ្នែកខ្លះនៃទឹកដីអ៊ុយក្រែន រួមទាំងទីក្រុង Kherson ដែលជារដ្ឋធានីក្នុងតំបន់ដំបូង និងតែមួយគត់ដែលត្រូវបានកាន់កាប់ដោយទីក្រុងម៉ូស្គូក្នុងរយៈពេលជិត 10 ខែនៃជម្លោះមកនេះ៕

សូមអានបន្ត

ប្រធានាធិបតីសហរដ្ឋអាមេរិក លោក Joe Biden បានស្វាគមន៍យ៉ាងកក់ក្តៅចំពោះសមភាគីអ៊ុយក្រែន លោក Volodymyr Zelenskyy

 ប្រធានាធិបតីសហរដ្ឋអាមេរិក លោក Joe Biden បានស្វាគមន៍យ៉ាងកក់ក្តៅចំពោះសមភាគីអ៊ុយក្រែន លោក Volodymyr Zelenskyy ទៅកាន់សេតវិមាន ដោយទីក្រុងវ៉ាស៊ីនតោន បានបញ្ជាក់ថា ខ្លួននឹងផ្ទេរប្រព័ន្ធខែលការពារដែនអាកាស Patriot ទៅឱ្យអ៊ុយក្រែន ជាផ្នែកនៃកញ្ចប់ជំនួយយោធាចំនួន 1.85 ពាន់លានដុល្លារ។

ការមកដល់របស់លោក Zelenskyy នៅទីក្រុង Washington, DC កាលពីថ្ងៃពុធ គឺជាដំណើរទស្សនកិច្ចលើកដំបូងរបស់ប្រធានាធិបតីនៅខាងក្រៅអ៊ុយក្រែន ចាប់តាំងពីរុស្ស៊ីបានឈ្លានពានប្រទេសក្នុងខែកុម្ភៈ។

នៅក្នុងសុន្ទរកថាខ្លីនៅការិយាល័យ Oval លោក Zelenskyy បានសម្តែងការដឹងគុណចំពោះរដ្ឋាភិបាល និងសាធារណៈជនអាមេរិក។  គាត់បានប្រាប់ប្រធានាធិបតីអាមេរិកថា “សូមអរគុណជាដំបូង”  “វា​ជា​កិត្តិយស​ណាស់​ដែល​បាន​មក​ទី​នេះ”។

នៅក្នុងសន្និសីទសារព័ត៌មាននៅថ្ងៃនោះ លោក Biden បាននិយាយថា សហរដ្ឋអាមេរិកនឹងបណ្តុះបណ្តាលកងកម្លាំងអ៊ុយក្រែនឱ្យប្រើប្រាស់ឃ្លាំងអាវុធ Patriot ដែលនឹង “ត្រូវការពេលវេលា” ។  ប៉ុន្តែ​លោក​បាន​សង្កត់​ធ្ងន់​ថា ប្រព័ន្ធ​នេះ​នឹង​ក្លាយ​ជា “ទ្រព្យ​សកម្ម​សំខាន់​សម្រាប់​អ៊ុយក្រែន ព្រោះ​វា​ការពារ​ខ្លួន​ប្រឆាំង​នឹង​ការ​ឈ្លានពាន​របស់​រុស្ស៊ី”។

លោក Biden បានបន្ថែមថា លោកមានអារម្មណ៍ថា ប្រធានាធិបតីរុស្ស៊ី លោក វ្ល៉ាឌីមៀ ពូទីន មិនមានចេតនា «បញ្ឈប់សង្គ្រាមដ៏ឃោរឃៅនេះទេ»។  ប្រធានាធិបតីអាមេរិកបាននិយាយថា ទាំងគាត់ និង Zelenskyy ចង់ឱ្យជម្លោះបញ្ចប់ក្រោមចក្ខុវិស័យនៃ “អ៊ុយក្រែនសេរី ឯករាជ្យ វិបុលភាព និងសុវត្ថិភាព”។

ជាមួយគ្នានោះ លោក Zelenskyy បានសាទរចំពោះជំនួយរបស់សហរដ្ឋអាមេរិក ដោយនិយាយថា ប្រព័ន្ធការពារដែនអាកាសថ្មីនឹងជួយរារាំងរុស្ស៊ីពីការទម្លាក់គ្រាប់បែកលើហេដ្ឋារចនាសម្ព័ន្ធរបស់អ៊ុយក្រែន។

គួរជម្រាបថា កាំជ្រួច Patriot គឺជាផ្នែកមួយនៃប្រព័ន្ធការពារពីដីទៅអាកាសដ៏ទំនើបដែលមានសមត្ថភាពបាញ់ទម្លាក់មីស៊ីល យន្តហោះ និងមីស៊ីលផ្លោងរយៈចម្ងាយខ្លី។  នេះ​ជា​លើក​ទី​មួយ​ហើយ​ដែល​អាមេរិក​ផ្ទេរ​អាវុធ Patriot ទៅ​ឲ្យ​អ៊ុយក្រែន៕

សូមអានបន្ត

តើលោកលឹមជានរណា ទើបហ៊ានផ្គើននឹងប្រសាសន៍សម្តេចតេជោហ៊ុន សែន ? តើនរណានៅពីក្រោយលោកលឹម ទើបលោកលឹមមានអំណាចបែបនេះ?

 ត្បូងឃ្មុំ៖ល្បែងជល់មាន់ អាប៉ោង យូគីរនិងហ្គេមបាញ់ត្រី នៅច្រកដូង០៧ដើមនៅក្នុងភូមិដាឃុំដាស្រុកមេមត់ខេត្តត្បូងឃ្មុំ កំពង់បើកលេងយ៉ាងគគ្រឹក គគ្រេងនិងមានក្រុមញាណល្បែងជាច្រើនអ្នកកំពង់វក់និងល្បែងទាំងអស់នេះ ការបើបនល្បែងបញ្ជល់មាន់និងល្បែងសុីសងនេះធ្វើអោយក្រុមគ្រួសារពួកញាណល្បែងខ្លះមានការលែងលះគ្នា  ខ្លះទៀតទៅដល់ផ្ទះឈ្លោះគ្នាវ៉ៃចានវ៉ៃឆ្នាំងធ្វើអោយមានអំពើរហង្សារក្នុងគ្រួសារជាដើម ។ល។

ការបើកបនល្បែងខាងលើនេះដែលគេស្គាល់ឈ្មោះថា លោក លឹម សព្វថ្ងៃនេះកំពង់មានឥទ្ឋិពលខ្លាំងក្នុងការបើកល្បែងសុីសងនិងបញ្ជល់មាន់នៅក្នុងខេត្តត្បូងឃ្មុំ  ដែលគ្មានក្រែងរអារនិងមិនញញើតសម្តេចតេជោ ហ៊ុន សែននោះទេ  ប្រហែលលោកលឹម ធំជាងសម្តេចតេជោហើយមើលទៅ ទើបមិនញញើតប្រសាសន៍សម្តេចតេជោ ហ៊ុន សែន  បែបនេះ ទោះបីជាសម្តេចតេជោ ហ៊ុន សែននិង សម្តេច ស ខេង ខំប្រឹងអោយថ្នាក់ក្រោមជាតិទប់ស្កាត់និងបិទល្បែងសុីសងគ្រប់ប្រភេទយ៉ាងណាក៏ដោយក៏លោកលឹម បិទតែមួយដង្ហើមចង្រិតតែប៉ុណ្ណោះ។

បើតាប្រភពពីអ្នករសនៅម្តុំនោះបានប្រាប់ថាការបើកល្បែងបញ្ជល់មាន់នេះគឺគេមានថ្ងៃណាត់ជួបដែលជាថ្ងៃគូរពិសេសនិងជល់ដាក់លុយរាប់ពាន់ដុល្លាឯណោះនោះគឺថ្ងៃព្រហស្បត្តិ៍និងថ្ងៃសៅរ៍ ហើយថ្ងៃមិនមែនថ្ងៃពិសេសគឺគេលេងចាក់លុយធម្មតាគឺមួយគូរមិនក្រោម១លានរៀលនោះទេ ។

តែបើអាជ្ញាធរមានសម្ថកិច្ចវិញចាប់ពីថ្នាក់មូលដ្ឋានរហូតដល់ថ្នាក់ខេត្តគឺពួកគាត់មិនហ៊ានជាមួយជនញាណល្បែងឈ្មោះលឹមនេះឡើយគឺទុកអោយលោកលឹមធ្វើព្យុះធ្វើភ្លៀងបានតាមតែអំពើរចិត្តសូម្បីតែលោកអភិបាលខេត្តត្បូងឃ្មុំ ស្នងការខេត្តត្បូងឃ្មុំក៏មិនហ៊ាននិងលោកលឹមនេះដែរ  យ៉ាងនេះហើយធ្វើប្រជាពលរដ្ឋនិងមហាជនដាក់ការសង្ស័យអាជ្ញាធរពីថ្នាក់ស្រុករហូតដល់ថ្នាក់ខេត្តថាប្រហែលត្រូវថ្នាំពុលឬត្រូវថ្នាំសណ្តំរបស់លោកលឹមអស់ហើយមើលទៅទើបអស់លោកមិនព្រមបង្រ្កាបបនល្បែងលោកលឹមបែបនេះឬមួយដូចពាក្យលោកថាកន្ទលធំបន្លំដេក ។

ប្រជាពលរដ្ឋសូមសំណូមពរដល់សម្តេចតេជោ ហ៊ុន  សែននាយករដ្ឋមន្ត្រីនៃព្រះរាជាណាចក្រនិងសម្តេច  ស  ខេង មានតែលោកទាំងពីរទេទើបអាចបង្រ្កាបនិងបិទបនល្បែងនេះបាន បើពុំដូច្នោះទេលោកលឹម នៅតែបន្តបើសៃវៀនបញ្ជល់មាន់និងល្បែងផ្សេងៗទៀតបានយ៉ាងរលូនជាក់ជាមិនខាន។

ចេញផ្សាយនៅថ្ងៃទី២០ខែ ធ្នូ  ឆ្នាំ២០២២

អង្គភាព  រស្មីបឹងយក្ខឡោម យើងខ្ញុំរង់ចាំស្រាយបំភ្លឺពីជនពាក់ព័ន្ឋគ្រប់ម៉ោងធ្វើការ  អង្គភាពយើងខ្ញុំមិនមានចេតនារិះគន់ជាន់ពន្លិចនោះទេគឺរិះគន់ដើម្បីស្ថាបន្នាតែប៉ុណ្ណោះ

សូមអានបន្ត

អ៊ុយក្រែន អួតថា មិនប្រកាសកែនទ័ពបន្ថែមដូច រុស្ស៊ី នោះទេ

 លោកទីប្រឹក្សាបាននិយាយថា “យើងបានបង្កើតទាហានបម្រុងរួចហើយតាមរយៈប្រព័ន្ធការពារទឹកដី ហើយនឹងប្រើប្រាស់ទាហានបម្រុងទាំងនេះឲ្យសកម្ម ។ យើង​មិន​គួរ​ប្រកាស​ពី​ការ​កែន​បន្ថែមទៀត​នៅ​ថ្ងៃ​នេះ​ទេ ។ យើង​មាន​អ្វីៗ​គ្រប់​យ៉ាង ហើយ​យើងក៏​ត្រៀម​ខ្លួន​សម្រាប់​ទប់ទល់ទាហា ន​រុស្ស៊ី​បន្ថែម​ទៀតផងដែរ” ។

លោក Podolyak បានទទូចថា អ៊ុយក្រែនកំពុងបាត់បង់ទាហានតិចជាងរុស្ស៊ីឆ្ងាយណាស់ បើទោះជាលោក Zelensky បាននិយាយកាលពីសប្តាហ៍មុនថា កងទ័ពរបស់គាត់កំពុងបាត់បង់យ៉ាងហោចណាស់ ៥០ នាក់ជារៀងរាល់ថ្ងៃក៏ដោយ ប៉ុន្តែការខាតបង់របស់រុស្ស៊ីវិញគឺគុណនឹង ៥ ។លោក Podolyak បាននិយាយថា អ៊ុយក្រែនប្រហែលជាមិនទាន់ត្រូវការកម្លាំងទាហានបន្ថែមនៅឡើយទេ ប៉ុន្តែជ័យជម្នះរបស់យោធាគឺត្រូវការរថក្រោះ ហើយមិនមែនជាប្រភេទរបស់សូវៀតដែលមានតម្លៃទាបនោះទេ ។

គួរបញ្ជាក់ថា ប្រជាមតិស្តីពីការចូលរួមរបស់តំបន់ Kherson និង Zaporozhye ក៏ដូចជាសាធារណរដ្ឋ Donetsk និង Lugansk នៃតំបន់ Donbass ជាមួយនឹងរុស្ស៊ីកំពុងដំណើរការ ស្របពេលដែលទីក្រុងមូស្គូក៏បានប្រកាសកែនទ័ពមួយក្នុងប្រទេសផងដែរ ៕

សូមអានបន្ត

សមាជិកសភារុស្ស៊ីម្នាក់បានស្នើបទប្បញ្ញត្តិហាមប្រាមបុរសដែលមានអាយុយោធាមិនអោយចេញទៅក្រៅប្រទេស

 សមាជិកសភារុស្ស៊ីម្នាក់បានស្នើបទប្បញ្ញត្តិហាមប្រាមបុរសដែលមានអាយុយោធាមិនអោយចេញទៅក្រៅប្រទេសបន្ទាប់ពីប្រធានាធិបតីVladimirPutinបានចុះហត្ថលេខាលើបទបញ្ជាកេណ្ឌទ័ព។លោក Sergei Tsekov សមាជិកក្រុមប្រឹក្សាសហព័ន្ធ(សភាជាន់ខ្ពស់របស់រុស្ស៊ី) បានប្រាប់ទីភ្នាក់ងារសារព័ត៌មានRIAនៅថ្ងៃនេះថា”មនុស្សទាំងអស់ដែលមានអាយុយោធាគួរតែត្រូវបានហាមឃាត់មិនឱ្យទៅក្រៅប្រទេសក្នុងស្ថានភាពបច្ចុប្បន្ន”។កាលពីថ្ងៃទី ២១ ខែកញ្ញា ប្រធានាធិបតីរុស្ស៊ី លោកVladimirPutinបានចេញក្រឹត្យស្តីពីការកេណ្ឌទ័ព។ យោងតាមរដ្ឋមន្ត្រីការពារជាតិរុស្ស៊ី លោក Sergei Shoigu ជាមួយនឹងក្រឹត្យនេះ រុស្ស៊ីអាចប្រមូលអ្នកបម្រុងបានប្រហែល៣០០,០០០នាក់ ដែលមានន័យថាមានតែជាង១% នៃធនធានបម្រុងដែលមានស្រាប់។ លោក Shoigu បានសង្កត់ធ្ងន់ថា ការកេណ្ឌទ័ពគឺចាំបាច់ដើម្បីពង្រឹងជួរមុខដែលលាតសន្ធឹងជាង១,០០០គីឡូម៉ែត្រក្នុងប្រទេសអ៊ុយក្រែន។

យោងតាមប្រព័ន្ធផ្សព្វផ្សាយលោកខាងលិចបន្ទាប់ពីប្រធានាធិបតីPutinបានប្រកាសបញ្ជាឱ្យជើងហោះហើរចាកចេញពីប្រទេសរុស្ស៊ីដោយសារតែមនុស្សជាច្រើនភ័យខ្លាចការកោះហៅ ហើយជនជាតិរុស្ស៊ីជាច្រើនបានព្យាយាមចាកចេញពីប្រទេស។ ទោះយ៉ាងណាក៏ដោយ វិមានក្រឹមឡាំងបានបដិសេធព័ត៌មាននេះ។សមាជិកសភាម្នាក់ទៀតបានច្រានចោលគំនិតនៃការបិទព្រំដែនហើយបាននិយាយថា រដ្ឋាភិបាលរុស្ស៊ីកំពុងផ្តល់វិធានការគាំទ្រសម្រាប់អ្នកដែលត្រូវបានហៅឱ្យចូលបម្រើយោធា។លោកAndreiKlishasសមាជិកម្នាក់ទៀតនៃក្រុមប្រឹក្សាសហព័ន្ធបានឆ្លើយតបទៅនឹងសំណើរបស់សមាជិកសភាTsekovថា”ខ្ញុំចង់ឱ្យសហការីទាំងអស់របស់ខ្ញុំ(ជំនួសឱ្យការបំផ្លើសការពិត) ពាក់ព័ន្ធនឹងបញ្ហានៃការគាំទ្រសង្គមសម្រាប់ពលរដ្ឋដែលត្រូវបានជាប់ឃុំ។កាលពីថ្ងៃទី២៤ ខែកញ្ញា ប្រធានាធិបតីPutinបានចុះហត្ថលេខាលើច្បាប់កែប្រែក្រមព្រហ្មទណ្ឌរុស្ស៊ី។ យោងតាមច្បាប់ថ្មីទាហានរុស្ស៊ីដែល”ចុះចាញ់ដោយស្ម័គ្រចិត្ត”ដល់កងកម្លាំងសត្រូវនៅក្នុងជម្លោះប្រដាប់អាវុធប្រឈមមុខនឹងការជាប់ពន្ធនាគាររហូតដល់១០ឆ្នាំបន្ទាប់ពីបានត្រឡប់ទៅប្រទេសវិញ។ ទោះជាយ៉ាងណាក៏ដោយជនល្មើសលើកដំបូងអាចគេចពីគុក ប្រសិនបើពួកគេរត់គេចពីការឃុំឃាំងរបស់សត្រូវហើយត្រឡប់ទៅអង្គភាពរបស់ពួកគេវិញ។បទប្បញ្ញត្តិផ្សេងទៀតនៃក្រមដែលបានកែសម្រួលថ្មីរួមមានការផ្តន្ទាទោសដាក់ពន្ធនាគាររហូតដល់ ១០ឆ្នាំសម្រាប់អ្នកបម្រើដែលមិនព្រមចូលរួមក្នុងជម្លោះប្រដាប់អាវុធក៏ដូចជាសម្រាប់អ្នកដែលបោះបង់ចោល ឬគេចចេញពីការចុះឈ្មោះចូលបម្រើការងារ។ ការ​លួច​ប្លន់ក្នុង​សម័យ​សង្គ្រាមឬ​ក្នុង​អំឡុង​ពេល​យុទ្ធនាការ​យោធាត្រូវ​ផ្តន្ទាទោស​ដាក់​ពន្ធនាគារ​រហូត​ដល់ ១៥ ឆ្នាំ។យោងតាមក្រសួងការពារជាតិរុស្ស៊ីបញ្ជាការកេណ្ឌទ័ពនេះនឹងផ្តល់អាទិភាពដល់ក្រុមបម្រុងដែលត្រូវបានបណ្តុះបណ្តាល ដូចជាអ្នកបើកបររថក្រោះ សមាជិកកាំភ្លើងធំ អ្នកបើកបរ ទាហានថ្មើរជើង។លើសពីនេះបទពិសោធន៍ប្រយុទ្ធក៏ជាកត្តាសំខាន់មួយក្នុងការជ្រើសរើសកងទ័ពផងដែរ។យោងតាមក្រសួងការពារជាតិរុស្ស៊ីយោធារបស់ប្រទេសនេះគ្រោងនឹងប្រមូលផ្តុំទាំងទាហាននិងមន្ត្រីជាន់ខ្ពស់។អ្នកបម្រុងដែលមានអាយុចាប់ពី៣៥ឆ្នាំឡើងទៅអាចត្រូវបានគេហៅឡើង ខណៈដែលកម្រិតអាយុសម្រាប់មន្រ្តីគឺនៅចន្លោះពី៥០ទៅ៥៥អាស្រ័យលើឋានៈ។ អ្នកដែលធ្វើការក្នុងវិស័យការពារជាតិអ្នកដែលមិនបំពេញតាមស្តង់ដារសុខភាព អ្នកដែលមានកូនយ៉ាងហោចណាស់៤នាក់ឬកំពុងមើលថែសាច់ញាតិពិការត្រូវបានលើកលែងពីការបម្រើយោធា។ការពន្យារពេលនៃការចុះឈ្មោះអនុវត្តចំពោះនិស្សិតដែលកំពុងសិក្សានៅឧត្តមសិក្សាឬស្ថាប័នវិជ្ជាជីវៈដែលទទួលស្គាល់ដោយរដ្ឋ។ ការលើកលែងនេះគឺសម្រាប់តែនិស្សិតដែលបានចុះឈ្មោះជាលើកដំបូងនៅស្ថាប័នអប់រំរដ្ឋ និងស្ថាប័នស្រាវជ្រាវរបស់រដ្ឋរុស្ស៊ីប៉ុណ្ណោះ។ក្រសួងការពារជាតិរុស្ស៊ីក៏បានប្រកាសដែរថា បុគ្គលិកមួយចំនួនដែលធ្វើការក្នុងឧស្សាហកម្មដ៏សំខាន់បំផុតនឹងត្រូវបានលើកលែងពីការបញ្ជាទិញដើម្បី “ធានានូវប្រតិបត្តិការនៃឧស្សាហកម្មបច្ចេកវិទ្យាខ្ពស់ក៏ដូចជាប្រព័ន្ធហិរញ្ញវត្ថុរបស់រុស្ស៊ី”។ ករណីលើកលែងក៏អនុវត្តចំពោះបុគ្គលិកផ្នែកបច្ចេកវិទ្យាព័ត៌មាន ទូរគមនាគមន៍ និងហិរញ្ញវត្ថុ ក៏ដូចជាបុគ្គលិកមួយចំនួននៅស្ថាប័នសារព័ត៌មានធំៗ ដែលដើរតួជា “តួនាទីសំខាន់ជាប្រព័ន្ធ”៕យោងតាម Reuters

សូមអានបន្ត

ប្រមុខការទូតរបស់អាមេរិកថា អ៊ុយក្រែនអាចប្រើសព្វាវុធលោកខាងលិច ប្រឆាំងនឹងឈ្លានពានទឹកដី ពីរុស្ស៊ីបាន

 វ៉ាស៊ីនតោន៖ រដ្ឋមន្រ្តីការបរទេសអាមេរិក លោក អាន់ថូនី ប្លីងគែន នៅថ្ងៃអង្គារទី២៨ ខែកញ្ញានេះថ្លែងថា ទីក្រុងវ៉ាស៊ីនតោនមិនជំទាស់នឹងអ៊ុយក្រែនឡើយ ចំពោះការប្រើប្រាស់សព្វាវុធដែលផ្តល់ដោយលោកខាងលិច ដើម្បីកំណត់គោលដៅលើទឹកដីដែលអាចនឹងសម្រេចចិត្តចូលរួមជាមួយរុស្ស៊ី ពីព្រោះសហរដ្ឋអាមេរិកចាត់ទុកការបោះឆ្នោតបែបនេះ គឺ “មិនស្របច្បាប់” នោះទេ។

ថ្លែងក្នុងសន្និសីទសារព័ត៌មានរួមគ្នាជាមួយរដ្ឋមន្រ្តីការបរទេសឥណ្ឌា លោកបណ្ឌិត ស៊ូប្រាម៉ានីយ៉ាម ចៃសានកា ក្នុងទីក្រុងវ៉ាស៊ីនតោន លោក ប្លីងគែន បានប្រាប់អ្នកយកព័ត៌មានយ៉ាងដូច្នេះថា យើងនឹងមិនទទួលស្គាល់ការដាក់បញ្ចូលទឹកដីអ៊ុយក្រែនដោយរុស្ស៊ីនោះទេ...

អ៊ុយក្រែនមានសិទ្ធិដាច់ខាតក្នុងការការពារខ្លួននៅទូទាំងទឹកដីរបស់ប្រទេសខ្លួន រួមទាំងការដណ្តើមយកមកវិញ នូវទឹកដីដែលត្រូវបានរឹបអូសដោយខុសច្បាប់ពីរុស្ស៊ី មិនថា មធ្យោបាយបែបណានោះឡើយ។

ហើយគ្រឿងបរិក្ខារ, គ្រឿងសព្វាវុធដែលយើង និងប្រទេសជាច្រើនទៀតកំពុងផ្តល់ឱ្យ ហើយប្រើប្រាស់យ៉ាងមានប្រសិទ្ធភាពនោះ គឺអាចយកធ្វើរឿងនេះបាន។

លោក ប្លីងគែន បានសង្កត់ធ្ងន់ទៀតថា ប្រជាជនអ៊ុយក្រែននឹងបន្តធ្វើអ្វីដែលពួកគេត្រូវធ្វើ ដើម្បីទទួលបានទឹកដីដែលត្រូវបានដកហូតពីពួកគេមកវិញ... យើងនឹងបន្តគាំទ្រពួកគេក្នុងការខិតខំនោះ។

បើតាមសេចក្តីរាយការណ៍ពីសារព័ត៌មានរុស្ស៊ី RT ប្រជាមតិដែលធ្វើឡើងនៅក្នុងសាធារណរដ្ឋប្រជាមានិត ដូណេតស្ក៍ និង លូហាន់ស្ក៍ ក៏ដូចជាក្នុងតំបន់ដែលគ្រប់គ្រងដោយរុស្ស៊ីនៅអ៊ុយក្រែន គឺ ហ្សាប៉ូរ៉ូហ្ស៊ី និងខើសុន នៅចន្លោះថ្ងៃទី២៣ ដល់ ២៧ ខែកញ្ញា លទ្ធផលនៅ ហ្សាប៉ូរ៉ូហ្ស៊ី បង្ហាញពីការគាំទ្រ ៩៣%  និងនៅ ខើសុន គាំទ្រ ៨៧% ឲ្យចូលរួមជាមួយរុស្ស៊ី។

ទោះបីជាយ៉ាងណា ទាំងអ៊ុយក្រែន និងអ្នកគាំទ្រលោកខាងលិចបានច្រានចោលការបោះឆ្នោតប្រជាមតិលើការចូលរូមជាមួយរុស្ស៊ីនេះថា ជាការបោះឆ្នោតដ៏អាម៉ាស់ ហើយប្តេជ្ញាថា នឹងមិនទទួលស្គាល់លទ្ធផលឡើយ៕ ប្រភព៖ RT ដោយនាយកនិពន្ឋ៖សុិន សុខរ៉ា

សូមអានបន្ត

មេដឹកនាំប្រទេសអ៊ុយក្រែន និយាយថាគ្មានការចរចាជាមួយលោក ពូទីន ឡើយ បើរុស្ស៊ីលេបយកទឹកដីអ៊ុយក្រែន

 

ប្រទេសអ៊ុយក្រែន៖ ប្រធានាធិបតីអ៊ុយក្រែន លោក វ៉ូឡូឌីមៀ ហ្សេលេនស្គី បានព្រមានក្នុងថ្ងៃអង្គារទី២៧ ខែកញ្ញានេះថា រុស្ស៊ីទើបតែបញ្ចប់ការធ្វើប្រជាមតិក្លែងក្លាយ និងការប៉ុនប៉ងលេបយកទឹកដីអ៊ុយក្រែន

ដូច្នេះការចរចាជាមួយរុស្ស៊ីគឺមិនអាចកើតឡើងឡើយ ដរាបណាលោក វ្ល៉ាឌីមៀ ពូទីន នៅតែជាប្រធានាធិបតី ដោយលោកថែមទាំងអំពាវនាវឱ្យដាក់រុស្ស៊ីកាន់តែឯកោ និងការដាក់ទណ្ឌកម្មជាសកលថ្មីដ៏តឹងរ៉ឹង។

ថ្លែងទៅកាន់ក្រុមប្រឹក្សាសន្តិសុខអង្គការសហប្រជាជាតិ (UNSC) តាមរយៈតំណភ្ជាប់វីដេអូអនឡាញ លោក ហ្សេលេនស្គី បានជំរុញឱ្យមានការគាំទ្រផ្នែកយោធា និងហិរញ្ញវត្ថុបន្ថែមទៀត ដើម្បីការពារអ៊ុយក្រែន ដូច្នេះអ្នកឈ្លានពាននឹងចាញ់

ហើយការធានាច្បាស់លាស់ និងស្របច្បាប់នៃសន្តិសុខសមូហភាព សម្រាប់ប្រទេសរបស់គាត់ ក៏ជាការឆ្លើយតបទៅនឹងការប៉នប៉ងលេបយកទឹកដីអ៊ុយក្រែនពីសំណាក់រុស្ស៊ីចុងក្រោយនេះផងដែរ។

លោក ហ្សេលេនស្គី បានសង្កត់ធ្ងន់ថា ការដាក់បញ្ចូលទឹកដីប្រទេសណាមួយនៅលើពិភពលោកក្នុងសម័យទំនើបនេះ គឺជាឧក្រិដ្ឋកម្មមួយ ហើយក៏ជាឧក្រិដ្ឋកម្មប្រឆាំងនឹងរដ្ឋទាំងអស់ផងដែរ ដោយលោកថែមទាំងបានចោទប្រកាន់រុស្ស៊ីដែរថា បានបំផ្លាញស្ថាប័នសំខាន់នៃច្បាប់អន្តរជាតិ។

ជាមួយគ្នានេះ ឯកអគ្គរដ្ឋទូតអាមេរិកលោកស្រី លីនដា ថូម៉ាស គ្រីនហ្វៀល បានប្រកាសថា សហរដ្ឋអាមេរិក និងអាល់បានីនឹងផ្សព្វផ្សាយដំណោះស្រាយក្រុមប្រឹក្សាសន្តិសុខដែលនឹងថ្កោលទោស "ការធ្វើប្រជាមតិក្លែងក្លាយ"

ហើយអំពាវនាវឱ្យប្រទេសទាំងអស់ មិនទទួលស្គាល់ស្ថានភាពផ្លាស់ប្តូរណាមួយចំពោះអ៊ុយក្រែន និងទាមទារឱ្យមានការដកទ័ពរុស្ស៊ីជាបន្ទាន់ចេញពីប្រទេសនេះ៕ ប្រភព៖ APប្រែសម្រួលដោយនាយកនិពន្ឋ ៖សុិន សុខរ៉ា

សូមអានបន្ត

រដ្ឋបាលខេត្តប៉ៃលិនចុះរៀបចំកែលម្អទ្រូងផ្លូវច្រកទ្វារអន្តរជាតិព្រំដើម្បីទាក់ទាញភ្ញៀវទេសចរ ក្នុងឱកាសបុណ្យភ្ជុំបិណ្ឌឆាប់ៗខាងមុខនេះ

                                                                          ខេត្តប៉ៃលិន៖ មានភ្ញៀវទេសចរជាតិ និងអន្តរជាតិចេញចូលមកលេងកំសាន្តនៅច្រកទ្វារអន្តរជាតិព្រំជាញឹកញាប់ទើបរហូតមកដល់រសៀលថ្ងៃទី21 ខែកញ្ញា ឆ្នាំ 2022នេះ ឯកឧត្តម សៅ សារ៉ាត់ អ្នកតំណាងរាស្ត្រមណ្ឌលប៉ៃលិន មន្ត្រីសាលាខេត្ត បានដឹកនាំមន្ត្រីសាលាស្រុកសាលាក្រៅរួមជាមួយនឹងក្រុមយុវជន ស.ស. យ. ក ខេត្ត ធ្វើការរៀបចំតុបតែងទ្រូងផ្លូវដោយដាក់ផ្ការំដួលពណ៌លឿងនៅលើទ្រូងផ្លូវចាប់តាំងពីច្រកទ្វារអន្តរជាតិជាប់ព្រំប្រទល់ប្រទេសថៃរហូតមកទល់នឹងផ្សារព្រំមានប្រវែងជាង 2000 ម៉ែត្រ។

ក្នុងការចុះតុបតែងកែលម្អរៀបចំដាក់ផ្ការំដួលនៅលើទ្រូងផ្លូវនេះ ឯកឧត្តម សៅ សារ៉ាត់ អ្នកតំណាងរាស្ត្រមណ្ឌលប៉ៃលិនបានមានប្រសាសន៍ថា ការរៀបចំតុបតែងនេះគឺក្នុងគោលបំណងដើម្បីធ្វើឱ្យមានសោភណ្ឌភាពស្រស់ស្អាតក្នុងការទាក់ទាញភ្ញៀវទេសចរជាតិ និងអន្តរជាតិឱ្យចូលមកលេងកម្សាន្តនៅក្នុងខេត្តប៉ៃលិនដែលមានរហស្សនាមថាជាខេត្តត្បូងពេជ្រឱ្យកាន់តែច្រើន។

ឯកឧត្តមបានបន្តទៀតថា រហូតមកដល់ពេលនេះ សោភណ្ឌភាពនៅច្រកទ្វារអន្តរជាតិព្រំទាំងពេលថ្ងៃ និងពេលយប់ គឺមានការខុសប្លែកពីមុនឆ្ងាយ ដោយរដ្ឋបាលខេត្តបានដឹកនាំក្រុមការងារចុះរៀបចំទ្រូងផ្លូវ ដាំផ្កា ដាំស្មៅចំរុះពណ៌នៅលើទ្រូងផ្លូវជាហូរហែជាពិសេសមកដល់ពេលនេះគឺក្រុមការងារបានរៀបចំកែលម្អឱ្យមានសោភណ្ឌភាពកាន់តែប្លែកភ្នែកខណៈដែលមានអគារច្រើនជាន់ខ្ពស់ត្រដែតស្កឹមស្កៃគួរឱ្យកត់សម្គាល់។

ឯកឧត្តមក៏សូមអំពាវនាវឱ្យប្រជាពលរដ្ឋដែលរស់នៅក្បែរច្រកទ្វារអន្តរជាតិព្រំទាំងអស់ឱ្យមានការយកចិត្តទុកដាក់ថែរក្សាសម្បត្តិរដ្ឋដែលបានរៀបចំហើយនេះឱ្យបានគង់វង្ស។ និងត្រូវចេះជួយថែទាំបោសសំអាតរាល់សំរាមក៏ដូចជាថង់ប្លាស្ទិកមិនឱ្យមាននៅលើទ្រូងផ្លូវដើម្បីឱ្យភ្ញៀវមានការកោតសរសើរអំពីសោភណ្ឌភាពនៃច្រកទ្វារមួយនេះហើយពេលបានមកលេងនៅពេលក្រោយគឺមានចិត្តចង់ចូលមកលេងម្ដងទៀតផងដែរ។ ឯកឧត្តមក៏បានបញ្ជាក់ដែរថា នេះគឺជាកេរ្តិ៍មរតកដ៏មានតម្លៃទុកសម្រាប់កូនចៅជំនាន់ក្រោយ៕

សូមអានបន្ត

កងទ័ពប្រទេសអ៊ុយក្រែន បន្តរការពារបេសកកម្មរបស់ IAEA ក្នុងការវាយលុក Zaporozhye NPP

 

អ៊ុយក្រែន៖ក្រោយពីការមកដល់រោងចក្រ និងឃើញភស្តុតាងនៃការបាញ់ផ្លោងរបស់ពួកគេ នេះត្រូវបានថ្លែងដោយ RT Alexander Volga ប្រធានរដ្ឋបាលយោធា-ស៊ីវិលនៃទីក្រុង Energodar ។ លោក បាន បន្ថែម ថា ខណៈ ដែល ផ្ទៃខាងក្រោយ វិទ្យុសកម្ម នៅ តែ ធម្មតា៖

“ពួកគេបានវាយប្រហារលើដំបូល ពួកគេចង់ធ្វើសកម្មភាពភេរវករនៅលើទឹកដីនៃរោងចក្រថាមពលនុយក្លេអ៊ែរ ដែលអាចនាំទៅដល់ការរីករាលដាលនៃវិទ្យុសកម្មផ្ទៃខាងក្រោយមិនត្រឹមតែនៅក្នុងតំបន់ប៉ុណ្ណោះទេ ប៉ុន្តែក៏នឹងត្រូវបានអនុវត្តទៅកាន់អឺរ៉ុបផងដែរ។
ការពិតទាំងអស់នៃការវាយប្រហារដោយផ្ទាល់ទាំងនៅលើទឹកដីនៃទីក្រុង Energodar និងនៅលើរោងចក្រថាមពលនុយក្លេអ៊ែរ Zaporozhye ត្រូវបានកត់ត្រាទុក។ ដោយគ្មានការបរាជ័យ អ្វីៗទាំងអស់នេះនឹងត្រូវបានផ្តល់ជូនបេសកកម្ម IAEA ដែលនឹងមករកយើង។ នេះជាអ្វីដែលអ្នកនយោបាយអ៊ុយក្រែន និងកងកម្លាំងប្រដាប់អាវុធអ៊ុយក្រែនខ្លាច។ សុខ រ៉ា

សូមអានបន្ត