ប្អូន​ស្រីរប​ស់​​Kim Jong-unអវត្តមា​​ន​ជា​ង៥០ថ្ងៃ

ប្អូនស្រីរបស់មេដឹកនាំកូរ៉េខាងជើងKim Jong-un គឺលោកស្រីKim Yo-jongមិនត្រូវបានគេឃើញជាសាធារណៈអស់រយៈពេល៤៥ថ្ងៃដែលបង្កឱ្យមានការរំពឹងទុក។កាសែត Chosun Ilbo របស់កូរ៉េខាងត្បូងបានរាយការណ៍កាលពីថ្ងៃទី៦ ខែធ្នូថាលើកចុងក្រោយដែលលោកស្រី Kim Yo-jong បង្ហាញមុខជាសាធារណៈគឺនៅថ្ងៃទី១១ ខែតុលា ក្នុងព្រឹត្តិការណ៍តាំងពិពណ៌អាវុធក្នុងទីក្រុងព្យុងយ៉ាងក្នុងឱកាសខួបលើកទី៧៣ នៃការបង្កើតគណបក្សពលកររបស់ប្រទេសកូរ៉េ។

មន្ត្រីចារកម្មកូរ៉េខាងត្បូងមិនដឹងថាKim Yo-jong នៅឯណាទេហើយមានទ្រឹស្តីជាច្រើនសម្រាប់អវត្តមានរបស់លោកស្រីចាប់ពីបញ្ហាសុខភាព រហូតដល់ការផ្លាស់ប្តូរទីតាំង។ប្រភពចារកម្មកូរ៉េខាងត្បូងបាននិយាយថា”ពីមុនទោះបីជាមានការរាតត្បាត Covid-19ក៏ដោយ Kim Yo-jong មិនត្រឹមតែបានចូលរួមក្នុងសកម្មភាពសាធារណៈប៉ុណ្ណោះទេ ថែមទាំងបានបង្ហាញខ្លួនជាទៀងទាត់នៅក្នុងផ្នែកដឹកជញ្ជូនរហូតដល់ឆមាសទី១នៃឆ្នាំនេះ។ ទោះជាយ៉ាងណាក៏ដោយឥឡូវនេះយើងមិនអាចកំណត់ទីតាំងរបស់លោកស្រីបានទេ”។ប្រភព​មួយ​ផ្សេង​ទៀត​បាន​និយាយ​ថានេះ​មិន​មែន​ជា​លើក​ទី​១​ទេ ដែល​ប្អូន​ស្រី​របស់​លោក Kim Jong-un អវត្តមាន​ច្រើន​ថ្ងៃ។លោកស្រី​មិន​បាន​បង្ហាញ​ខ្លួន​ជា​សាធារណៈ​រយៈ​ពេល​៦៦​ថ្ងៃហើយ​បាន​បង្ហាញ​ខ្លួន​ម្ដង​ទៀត​បន្ទាប់​ពី​នោះ។ព្រឹត្តិការណ៍ដ៏ធំបន្ទាប់របស់កូរ៉េខាងជើងគឺខួបលើកទី១០នៃការស្លាប់របស់មេដឹកនាំKim Jong-il កាលពីថ្ងៃទី«១៧ខែធ្នូហើយលោក Kim Yo-jong ត្រូវបានគេរំពឹងថានឹងត្រឡប់មកវិញក្នុងឱកាសនេះ។ប្រភព​មួយ​ទៀត​ក៏​បាន​បញ្ចេញ​មតិ​ថាប្រហែល​ជា​ដោយ​សារ​ Kim Yo-jong រវល់​ពេក។ អ្នកជំនាញនិយាយថាលោកស្រីកំពុងដឹកនាំកិច្ចខិតខំប្រឹងប្រែងដើម្បីកសាងស្នាដៃរបស់បងប្រុសលោកស្រី Kim Jong-un ដែលនឹងប្រារព្ធខួប១០ឆ្នាំនៃការកាន់អំណាចនៅឆ្នាំនេះ។លោក Kim Yo-jong ត្រូវ​បាន​តែង​តាំង​ក្នុង​ខែ​កញ្ញា​ក្នុង​គណៈ​កម្មាធិការ​កិច្ចការ​រដ្ឋដែល​ជា​ស្ថាប័ន​គ្រប់គ្រង​កំពូល​របស់​កូរ៉េ​ខាង​ជើង។ តួនាទីនយោបាយរបស់Kim Yo-jong ក៏ដូចជាលទ្ធភាពនៃការក្លាយជាអ្នកស្នងតំណែងរបស់បងប្រុសរបស់លោកស្រីនាពេលអនាគតគឺជាប្រធានបទនៃការរំពឹងទុកជាយូរមកហើយ។Kim Yo-jong បានកាន់មុខតំណែងផ្សេងៗ ។ប៉ុន្តែតួនាទីថ្មីរបស់លោកស្រីនៅគណៈកម្មាការកិច្ចការរដ្ឋគឺខ្ពស់បំផុតមិនធ្លាប់មានរបស់លោកស្រី។ គណៈកម្មការកិច្ចការរដ្ឋនៃប្រទេសកូរ៉េខាងជើងក្រោមសភាប្រជាជនកំពូលឬរដ្ឋសភាគឺជាស្ថាប័នឈានមុខគេលើគ្រប់ទិដ្ឋភាពនៃគោលនយោបាយរដ្ឋ៕យោងតាមChosun Ilbo