នេះបើយោងតាមសេចក្តីប្រកាសព័ត៌មានរបស់កងរាជអាវុធ ហត្ថ លើផ្ទៃប្រទេសចេញនៅថ្ងៃទី៣០ ខែតុលា ឆ្នាំ២០២១នេះ ស្តីអំពីការបើកការស៊ើបអង្កេតបឋម ដោយមន្ត្រីនគរបាលយុត្តិធម៌ នៃកងរាជអាវុធហត្ថ ខេត្តក្រចេះ
លើករណីប្រើអំពើហិង្សា ទៅលើក្មេងស្រីជាកូនឈ្នួលបម្រើនៅផ្ទះ បណ្តាលអោយរងរបួស ពេលបច្ចុប្បន្នកំពុងសម្រាកព្យាលបាលនៅមន្ទីរពេទ្យ។ ជនបង្កឈ្មោះ ទេព ហ៊ុយ ជាមេបញ្ជាការ អាវុធហត្ថ ក្រុងក្រចេះ ត្រូវបានកម្លាំង អាវុធហត្ថ តាមចាប់វាយខ្នោះ។
បើតាមការបញ្ជាក់របស់ នាយឧត្តមសេនីយ៍ សៅ សុខា បានអោយដឹងថា “ខ្ញុំឱ្យបង្ក្រាបទាំងអស់ ចំពោះអ្នកពាក់ព័ន្ធប៉ុន្មាន ពីព្រោះវាជារឿងពាលដល់ថ្នាក់ហ្នឹង គ្មានដឹងសីលធម៌ ធ្វើបាបកូនក្មេងតូចៗ អត់បានទេ រឿងនេះខ្ញុំម៉ឺងម៉ាត់ដាច់ខាត
ពួកប្រព្រឹត្តបទល្មើសទាំងនេះ ខ្ញុំមិនទុកនៅក្នុងអង្គភាពជាដាច់ខាត ទោះបីស័ក្តិប៉ុណ្ណា ក៏មិនឱ្យរួចខ្លួនដែរ ពីព្រោះវាជាករណីឃោឃៅព្រៃផ្សៃ ដែលខ្ញុំមិនអាចទទួល យកបានឡើយ ជាពិសេសទៅលើក្មេងតូចៗទៀត”។
គួរបញ្ជាក់ថាករណី វាយ ក្មេងស្រីទាំង២ ខាងលើត្រូវបានកើតឡើងនៅថ្ងៃទី២៧ ខែតុលា ឆ្នាំ២០២១ ស្ថិតនៅក្រុងក្រចេះ ខេត្តក្រចេះ។ ដោយក្មេងស្រីម្នាក់ឈ្មោះ ត្រែក ធារ៉ា អាយុ១២ឆ្នាំ និងឈ្មោះ វ៉ន ពិសីអាយុ១២ឆ្នាំ។
ក្នុងនោះនៅថ្ងៃទី៣០ ខែតុលា ឆ្នាំ២០២១នេះថា ពួកគេទាំង២នាក់ បានធ្វើឲ្យកូនឆ្កែងាប់ ។ ក្រោយពីសត្វឆ្កែនោះ ងាប់លោក ហ៊ុយ បាន វាយធ្វើបាប ដោយបោចសក់ និងយកជើងម៉ាពណ៌ក្រហម វាយ ក្បាលចំនួន ២ជើងម៉ា
ហើយកូនចៅលោក ហ៊ុយ បានវាយ មកលើនាងចំនួន ០៣កំភ្លៀង។ ចំណែកម្ដាយក្មេងស្រីរងគ្រោះ បានបញ្ជាក់ថា កូនស្រីរបស់គាត់បានប្រាប់គាត់ថា គេទះ កំ ភ្លៀ ង កូនរបស់គាត់ និងយកជើងម៉ាវាយក្បាល ថែមទាំងឱ្យស៊ីអាចម៍ឆ្កែនិងឱ្យ ដេក អោបផ្នូខ្មោចឆ្កែចំនួន១យប់ទៀត៕
0 comments:
Post a Comment