អាហ្វហ្គានីស្ថាន៖ខ្មាន់កាំភ្លើងដែលអះអាងថាជាពួកតាលីបង់បានបើកការបាញ់ប្រហារក្នុងពិធីមង្គលការមួយក្នុងខេត្តNangarharដើម្បីបញ្ឈប់តន្ត្រីដោយបានសម្លាប់មនុស្សយ៉ាងហោចណាស់៣នាក់។
អ្នកនាំពាក្យរដ្ឋាភិបាលតាលីបង់លោក Zabihullah Mujahid បាននិយាយកាលពីថ្ងៃទី៣០ខែតុលាថា “នៅក្នុងពិធីមង្គលការរបស់ Haji Malang Jan នៅភូមិ Shamspur Mar Ghundi កាលពីយប់មិញ មនុស្ស៣នាក់ដែលហៅខ្លួនឯងថាពួកតាលីបង់បានចូលនិងទាមទារឱ្យឈប់លេងភ្លេង” ។ «ក្រោយការបាញ់ប្រហារបានបណ្តាលឲ្យមនុស្សយ៉ាងហោចណាស់៣នាក់ស្លាប់និងជាច្រើននាក់ទៀតរងរបួស»។
លោក Mujahid បានបដិសេធថាខ្មាន់កាំភ្លើងបានធ្វើក្នុងនាមពួកតាលីបង់។ជនសង្ស័យ២នាក់ត្រូវបានក្រុមតាលីបង់ចាប់ខ្លួនហើយម្នាក់ទៀតកំពុងត្រូវបានគេស្វែងរក។លោក Mujahid បន្ថែមថា “ជនល្មើសត្រូវបានចាប់ខ្លួនហើយនឹងប្រឈមមុខនឹងច្បាប់ Sharia ។ ពួកគេប្រើឈ្មោះ Emirate ដើម្បីសងសឹកផ្ទាល់ខ្លួន”។លោក Qazi Mullah Adel អ្នកនាំពាក្យរបស់អភិបាលខេត្ត Nangarhar បានបញ្ជាក់ពីឧប្បត្តិហេតុនេះ។ ប៉ុន្តែមិនបានផ្តល់ព័ត៌មានលម្អិតទេ។ សាច់ញាតិរបស់ជនរងគ្រោះបាននិយាយថា ក្រុមអ្នកវាយប្រហារបានបាញ់ប្រហារខណៈពេលដែលភ្លេងកំពុងលេង។
សាក្សីបាននិយាយថា “យុវជនមួយក្រុមកំពុងលេងភ្លេងនៅក្នុងបន្ទប់ឯកជនមួយ ហើយទាហានតាលីបង់៣នាក់បានមក ហើយបានបើកការបាញ់ប្រហារមកលើពួកគេ។ ២នាក់ក្នុងចំណោមអ្នករងរបួសគឺស្ថិតក្នុងស្ថានភាពធ្ងន់ធ្ងរណាស់”។នៅពេលដែលពួកតាលីបង់បានកាន់កាប់អាហ្វហ្គានីស្ថានជាង២០ឆ្នាំមុនតន្ត្រីត្រូវបានហាមឃាត់។រដ្ឋាភិបាលថ្មីមិនទាន់បានចេញការហាមប្រាមតន្ត្រីនៅឡើយទេ។ប៉ុន្តែថ្នាក់ដឹកនាំត្រូវបានគេនិយាយថានៅតែតូចចិត្តចំពោះការប្រើប្រាស់តន្ត្រីក្នុងវិស័យកម្សាន្តហើយចាត់ទុកថាវាជាការបំពានច្បាប់អ៊ីស្លាម។លោកMujahidបាននិយាយនៅក្នុងសន្និសីទសារព័ត៌មានមួយថា “នៅក្នុងជួរនៃEmirate គ្មាននរណាម្នាក់មានសិទ្ធិហាមឃាត់នរណាម្នាក់ពីតន្ត្រីឬអ្វីនោះទេ អាចត្រឹមតែព្យាយាមបញ្ចុះបញ្ចូលពួកគេ។នោះគឺជាវិធានការចម្បង” Mujahid បាននិយាយនៅក្នុងសន្និសីទសារព័ត៌មានពីមុន។ បើអ្នកណាសម្លាប់មនុស្សទោះជាពួកគេជាទាហានក៏ជាបទឧក្រិដ្ឋដែរយើងនឹងយកទៅតុលាការដើម្បីប្រឈមមុខនឹងច្បាប់»។នៅពេលដែលពួកតាលីបង់បានគ្រប់គ្រងអាហ្វហ្គានីស្ថានពីឆ្នាំ១៩៩៦ដល់ឆ្នាំ២០០១ពួកតាលីបង់បានអនុវត្តច្បាប់អ៊ីស្លាមយ៉ាងតឹងរ៉ឹងនិងការដាក់ទណ្ឌកម្មជាសាធារណៈយ៉ាងធ្ងន់ធ្ងរ។ ទោះបីជាយ៉ាងណាក៏ដោយចាប់តាំងពីការវិលត្រឡប់មកកាន់អំណាចនៅពាក់កណ្តាលខែសីហា ក្រុមតាលីបង់បានព្យាយាមបង្ហាញរូបភាពកម្រិតមធ្យមដោយស្វែងរកការទទួលស្គាល់ពីអន្តរជាតិ និងការបញ្ចប់ការដាក់ទណ្ឌកម្ម៕យោងតាមGuardian
0 comments:
Post a Comment