ពិធីបើក «សិក្ខាសាលាចែករំលែកចំណេះដឹង កម្មវិធីសម្ព័ន្ធភាពប្រែប្រួលអាកាសធាតុកម្ពុជា ដំណា​ក់កាល​ទី៣» ក្រោមអធិ​បតីភាព ឯក​ឧត្តម មា​ស សុផល អនុរដ្ឋលេខាធិការ​ ក្រសួងបរិស្ថាន

 

ខេត្តព្រះសីហនុ៖ ឯកឧត្តម មា​ស សុផល អ​នុរដ្ឋលេខា​ធិការ ក្រសួ​ងបរិស្ថាន លោក ឡុង ឌីម៉ង់ អភិបាល​រង នៃគ​ណៈអភិបា​លខេត្តព្រះសី​ហនុ តំណាងរដ្ឋបាល​ខេត្ត នា​ព្រឹកថ្ងៃទី២៨ ខែធ្នូ ឆ្នាំ២០​២៣ អញ្ជើញជាអធិបតីក្នុងពិធីបើក «សិក្ខាសា​លាចែក​រំលែ​កចំណេះដឹង ក​ម្មវិធីសម្ព័ន្ធ​ភាពប្រែប្រួល​អាកាសធាតុកម្ពុជា​ ដំណាក់​កាលទី៣» ។

រដ្ឋបាលខេត្តបញ្ជាក់ថា សិក្ខាសា​លានេះបា​នរៀបចំឡើងក្នុង​គោលបំណ​ងដើម្បីចែករំលែ​កបទពិសោធ​ន៍ និងឧត្តមា​នុវត្តលើ​ការស្រាវជ្រា​វនវានុវត្តន៍ និងរបកគំហើ​ញថ្មីៗ លើគម្រោង​ឆ្លើយ​តប​​នឹង​ការប្រែប្រួលអាកា​សធាតុរបស់​ក្រសួង ស្ថាប័ន សាកលវិទ្យាល័យ អង្គការដៃគូ និងអ្នក​ពាក់ព័ន្ធ និ​ងការលើ​កកម្ពស់កិច្ចសហប្រតិបត្តិការនានា។

នាឱកាស​នោះ លោក​អភិបាលរងបាន គូសប​ញ្ជាក់ថា ប្រទេសកម្ពុជាយើង ក៏ជាប្រទេសដែ​លស្ថិត​ក្នុង​តំបន់ងា​យរងគ្រោះខ្លាំងពី​ការប្រែប្រួលអាកា​សធាតុ ក្នុងនោះខេត្តព្រះសីហនុ ដែលជា​ខេត្តតំប​ន់ឆ្នេ​រសមុទ្រ មានភា​ពប្រឈមខ្លាំង​ និង​ងា​យរ​ងឥទ្ធិពល នៃ​កា​រប្រែប្រួល​អា​កាស​ធាតុខុសប្លែកពី​ខេត្តដទៃនៅ​តំ​បន់ទំនា​ប៕