ហ្គាហ្សា៖ ទូរទស្សន៍ Palestine TV បានរាយការណ៍នៅថ្ងៃសុក្រថា កងទ័ពអ៊ីស្រាអែលបានដកខ្លួនចេញពីជំរុំជនភៀសខ្លួន Jabalia នៅភាគខាងជើង Gaza Strip បន្ទាប់ពីប្រតិបត្តិការយោធាជិតបីសប្តាហ៍នៅទីនោះ។ នេះបើយោងតាមការចេញផ្សាយដោយ ទីភ្នាក់ងារសារព័ត៌មានស៊ីនហួរ នៅថ្ងៃទី៣១ ខែឧសភា ឆ្នាំ២០២៤។
ទីភ្នាក់ងារការពារជនស៊ីវិលនៅតំបន់ Gaza បាននិយាយថា ក្រុមអ្នកជួយសង្គ្រោះបានរកឃើញសាកសពមួយចំនួនធំ នៅក្នុងតំបន់ដែលកងទ័ពអ៊ីស្រាអែលបានដកខ្លួនចេញ ហើយការងារស្វែងរក និងជួយសង្គ្រោះនៅតែបន្ត។
ទន្ទឹមគ្នានេះ កងកម្លាំងការពារជាតិអ៊ីស្រាអែល បាននិយាយនៅក្នុងសេចក្តីថ្លែងការណ៍មួយថា កងពលលេខ ៩៨ បានបញ្ចប់បេសកកម្មរបស់ពួកគេនៅភាគខាងកើតតំបន់ តំបន់ Jabalia ហើយបានចាប់ផ្តើមរៀបចំសម្រាប់ប្រតិបត្តិការបន្តនៅតំបន់ហ្គាហ្សាស្ទ្រីប បន្ទាប់ពី «បានជួយសង្គ្រោះសាកសពចំណាប់ខ្មាំង ៧ នាក់ កម្ចាត់ភេរវកររាប់រយនាក់ និងបំផ្លាញបណ្តាញផ្លូវរូងក្រោមដីចម្ងាយ ១០ គីឡូម៉ែត្រ»។
ចំនួនអ្នកស្លាប់របស់ប៉ាឡេស្ទីន ពីការវាយប្រហារបន្តរបស់អ៊ីស្រាអែលលើតំបន់ហ្គាហ្សាស្ទ្រីប បានកើនឡើងដល់ ៣៦,២២៤នាក់ នេះបើយោងតាមសេចក្តីថ្លែងការណ៍ដែលចេញផ្សាយដោយអាជ្ញាធរសុខាភិបាលនៅក្នុងតំបន់ប៉ាឡេស្ទីនកាលពីថ្ងៃព្រហស្បតិ៍៕
0 comments:
Post a Comment