លោកKim Jong-unបានទៅទស្សនាទីក្រុង Samjiyon ជិតព្រំដែនចិន ក្នុងការបង្ហាញខ្លួនតាមប្រព័ន្ធផ្សព្វផ្សាយលើកដំបូងក្នុងរយៈពេលជាង១ខែ។ទីភ្នាក់ងារសារព័ត៌មានកូរ៉េខាងជើង KCNA បាននិយាយនៅថ្ងៃនេះថាដំណើរទស្សនកិច្ចអធិការកិច្ច Samjiyon របស់មេដឹកនាំKim Jong-unគឺដើម្បីពិនិត្យមើលដំណាក់កាលទី៣និងចុងក្រោយនៃគម្រោងសាងសង់ទីក្រុង ដែលត្រូវបានគេរំពឹងថានឹងបញ្ចប់នៅចុងឆ្នាំនេះ។ គម្រោងនេះហាក់ដូចជាហួសពេលកំណត់ ដោយសារការដាក់ទណ្ឌកម្មអន្តរជាតិនិងផលប៉ះពាល់នៃCovid-19។KCNA
មិនបានបញ្ជាក់ពីកាលបរិច្ឆេទនៃដំណើរទស្សនកិច្ចនេះទេ។ប៉ុន្តែនេះគឺជាព័ត៌មានដំបូងអំពីសកម្មភាពរបស់លោកKim Jong-unបន្ទាប់ពីរយៈពេល៣៥ថ្ងៃ ចាប់តាំងពីមេដឹកនាំកូរ៉េខាងជើងបាននិយាយនៅក្នុងពិព័រណ៍ការពារជាតិក្នុងរដ្ឋធានីព្យុងយ៉ាងកាលពីថ្ងៃទី ១១ខែតុលា។នេះក៏ជាអវត្តមានយូរបំផុតរបស់លោកKim Jong-unចាប់តាំងពីឆ្នាំ២០១៤មក។ ការអវត្តមានរបស់លោកKim Jong-unជារឿយៗបង្កឱ្យមានការរំពឹងទុកអំពីសុខភាព ឬទីកន្លែងលាក់ខ្លួនរបស់លោក។ ទោះជាយ៉ាងណាក៏ដោយចារកម្មកូរ៉េខាងត្បូងកាលពីចុងខែតុលា បាននិយាយថាលោកKim Jong-unមិនមានបញ្ហាសុខភាពទេ។មេដឹកនាំកូរ៉េខាងជើងបាននិយាយថា គម្រោងអភិវឌ្ឍន៍ទីក្រុង Samjiyon នឹងនាំមកនូវបទពិសោធន៍សំណង់ការរចនានិងបច្ចេកវិទ្យា ដើម្បីជួយលើកកម្ពស់កំណើនសេដ្ឋកិច្ចទៅកាន់តំបន់ផ្សេងទៀត។ទីក្រុង Samjiyon ត្រូវបានចាត់ទុកថាជាគំនិតផ្តួចផ្តើមដ៏ធំបំផុតមួយដែលធ្វើឡើងដោយទីក្រុងព្យុងយ៉ាង ក្នុងកិច្ចខិតខំប្រឹងប្រែងដើម្បីលើកកម្ពស់សេដ្ឋកិច្ចដែលពឹងផ្អែកលើខ្លួនឯងខណៈដែលកូរ៉េខាងជើងប្រឈមមុខនឹងទណ្ឌកម្មអន្តរជាតិសម្រាប់កម្មវិធីនុយក្លេអ៊ែរនិងមីស៊ីលរបស់ខ្លួន។បន្ទាប់ពីបិទព្រំដែនជិត២ឆ្នាំ ដើម្បីការពារCovid-19មិនឱ្យចូល។ ថ្មីៗនេះ កូរ៉េខាងជើងបានបន្តការដឹកជញ្ជូនតាមផ្លូវដែកជាមួយប្រទេសចិនដែលជាសញ្ញាមួយបង្ហាញថា ខ្លួនអាចនឹងបើកព្រំដែនឡើងវិញក្នុងពេលឆាប់ៗនេះ។ កូរ៉េខាងជើងមិនបានកត់ត្រាករណីឆ្លងមេរោគnCoV មួយករណីក្នុងរយៈពេលជិត២ឆ្នាំមកហើយ៕យោងតាមReuters, KCNA
0 comments:
Post a Comment