អង្គការWHOផ្តល់ការអនុញ្ញាតឱ្យប្រើប្រាស់ជាបន្ទាន់សម្រាប់Covaxinដែលជាវ៉ាក់សាំងCovid-19 ផលិតដោយBharat Biotechរបស់ប្រទេសឥណ្ឌា។អង្គការសុខភាពពិភពលោក(WHO) បាននិយាយកាលពីម្សិលមិញថាថ្នាំCovaxinមានប្រសិទ្ធភាព៧៨%បន្ទាប់ពីរយៈពេល៤សប្តាហ៍នៃការចាក់ថ្នាំចំនួន២ដងនិង”សមរម្យបំផុតសម្រាប់ប្រទេសដែលមានប្រាក់ចំណូលទាបនិងមធ្យម ដោយសារតម្រូវការផ្ទុកដ៏ងាយស្រួលរបស់វា” ។
Covaxinគឺជាវ៉ាក់សាំង Covid-19 ដំបូងគេដែលត្រូវបានបង្កើតឡើងនិងផលិតទាំងស្រុងនៅក្នុងប្រទេសឥណ្ឌា ដែលត្រូវបានអនុម័តដោយអង្គការសុខភាពពិភពលោក។ នេះគឺជាវ៉ាក់សាំងCovid-19 ទី៨នៅក្នុងបញ្ជីរបស់អង្គការសុខភាពពិភពលោកដែលមានអាជ្ញាប័ណ្ណបន្ទាប់ពីវ៉ាក់សាំងPfizer, Moderna, AstraZeneca, Johnson & Johnson, Sinopharm និង Sinovac ។Covaxin ប្រើបច្ចេកវិទ្យាមេរោគអសកម្មបែបប្រពៃណីដើម្បីបង្កើនការឆ្លើយតបនៃប្រព័ន្ធភាពស៊ាំ។ វ៉ាក់សាំងអាចត្រូវបានរក្សាទុកនៅសីតុណ្ហភាពចន្លោះពី២-៨អង្សាសេជំនួសឱ្យក្រោម០អង្សារសេ ដូចជាវ៉ាក់សាំង mRNA របស់ Pfizer និង Moderna ដែលធ្វើឱ្យការផ្ទុក និងការចែកចាយកាន់តែងាយស្រួលជាពិសេសនៅក្នុងប្រទេសក្រីក្រ។ប្រទេសឥណ្ឌាបានស្វាគមន៍ចំពោះចំណាត់ការថ្មីរបស់អង្គការសុខភាពពិភពលោក។ រដ្ឋមន្ត្រីការបរទេសលោកSubrahmanyam Jaishankarបាននិយាយថា ការសម្រេចចិត្តបានសម្រួលការធ្វើដំណើរសម្រាប់ពលរដ្ឋឥណ្ឌាជាច្រើននិងបានរួមចំណែកដល់សមធម៌នៃវ៉ាក់សាំង។ប្រទេសឥណ្ឌាបានចាក់ថ្នាំCovaxinប្រហែល១២១.២លានដូសដែលស្មើនឹង១១% នៃចំនួនវ៉ាក់សាំងCovid-19សរុប បន្ទាប់ពីវ៉ាក់សាំងនេះត្រូវបានអនុម័តសម្រាប់ការប្រើប្រាស់ជាបន្ទាន់នៅក្នុងប្រទេសកាលពីដើមឆ្នាំនេះ។រហូតមកដល់ពេលនេះមានប្រទេសជាង១០បានទទួលស្គាល់ថ្នាំវ៉ាក់សាំង២ដងរបស់ប្រទេសឥណ្ឌា រួមមានក្រិក អ៊ីរ៉ង់ ម៉ិកស៊ិក និងអូស្ត្រាលី។ ឥណ្ឌាក៏បាននាំចេញ Covaxin ទៅកាន់ប្រទេសមួយចំនួនដូចជាអ៊ីរ៉ង់ មីយ៉ាន់ម៉ា និងហ្ស៊ីមបាវ៉េ។ពិភពលោកបានកត់ត្រាការឆ្លងមេរោគ nCoV ២៤៨,៧៣៩,២៣៩និងការស្លាប់ ៥,០៣៥,៩៩៨នាក់កើនឡើង ៤៥៨,៣០៩និង៧,៣១៩រៀងគ្នាខណៈដែលមនុស្ស២២៥,៣៨១,៨៥៨នាក់បានជាសះស្បើយ នេះបើយោងតាមគេហទំព័Worldometers ។ វ៉ាក់សាំងប្រហែល ៧.១៣ ពាន់លានដូសត្រូវបានគ្រប់គ្រងទូទាំងពិភពលោកជាមធ្យម២៧.៨១លានដូសក្នុងមួយថ្ងៃ។៤៩.៧% នៃចំនួនប្រជាជនពិភពលោកបានទទួលការចាក់ថ្នាំយ៉ាងហោចណាស់១ដូស។ប៉ុន្តែអត្រានៅក្នុងប្រទេសដែលមានប្រាក់ចំណូលទាបមានត្រឹមតែ៣.៩% ប៉ុណ្ណោះ៕យោងតាមAFP
0 comments:
Post a Comment