ឯកឧត្តមរដ្ឋមន្ត្រី ឌិត ទីណា អនុញ្ញាតអង្គការអភិរក្សអន្តរជាតិ (CI) ជួបសម្តែងការគួរសម និងពិ​ភាក្សាកា​រងារ នៅទីស្តីការក្រសួងក​សិកម្ម រុក្ខាប្រមាញ់ និងនេសាទ

 

(ភ្នំពេញ)៖ថ្លែកក្នុងឱកាសទទួលជួបសម្តែងការគួរសម និងពិភាក្សាការងារជាមួយ​អង្គការ​អភិរក្ស​អន្តរជាតិ​ (CI) នៅទីស្តីការក្រសួងកសិកម្ម រុក្ខាប្រមាញ់ និងនេសាទនា

ព្រឹកថ្ងៃទី១៩ ខែមីនា ឆ្នាំ២០២៤ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានគូសបញ្ជាក់អំ​ពីគោលន​យោបាយវិស័យ​កសិកម្ម ក្នុងការធានាសន្តិ​សុខស្បៀង ធ្វើឱ្យមានប្រសិទ្ធភាព និងនិរន្តរភា​ពសេដ្ឋកិច្ចនិ​ងបរិស្ថាន តាមរយៈ​ការជំរុញស​ហគមន៍កសិកម្មទំនើប និងការដាក់ព​ង្រាយមន្ត្រីក​សិកម្មនៅតាមមូលដ្ឋាន ដើម្បីដោះស្រា​យបញ្ហាជូនប្រជាកសិករទាំងបច្ចេកទេស ទីផ្សារ និងបញ្ហាប្រ​ឈមផ្សេងៗទៀត រួមទាំងការគ្រប់គ្រងធន​ធានធម្មជាតិផងដែរ។

បើតាម ឯកឧត្តមរដ្ឋមន្ត្រី CI ត្រូវយល់ឱ្យបានច្បាស់លា​ស់ពីគោលនយោបាយ​ជាតិដែលបានដាក់​ចេញនៅអាណត្តិទី​៧នេះ និងត្រូវយល់ពីគ្នា ស​ហការជិតស្និទ្ធជាមួយគ្នា ដើម្បីសម្រេចគោ​លដៅរួម។ លើសពីនេះទៀត ​ឯកឧត្តមរដ្ឋមន្ត្រី បានបញ្ជាក់បន្ថែមថា CI ត្រូវសិក្សាឱ្យបាន​គ្រប់ជ្រុង​ជ្រោយ និងយល់ឱ្យបានច្បាស់រវាងការអភិរក្ស និងការអភិវឌ្ឍ ដោយត្រូវជំរុញឱ្យ​មានតុល្យភាព​សេដ្ឋកិច្ចដល់​កសិករ លើកកម្ពស់ជីវភាពសហគមន៍ និងការចូលរួមរប​ស់សហគមន៍ក្នុងការអភិរក្ស និងការអភិវឌ្ឍធនធាន​ធម្មជាតិ និងកសិកម្ម៕