ខេត្តបាត់ដំបង៖ដោយអនុវត្តតាមបទបញ្ជារបស់លោកឧត្តមសេនីយ៍ត្រី ហែម វុទ្ធី មេបញ្ជាការកងរាជអាវុធហត្ថខេត្តបាត់ដំបងនៅរសៀលថ្ងៃទី១៥ ខែមករា ឆ្នាំ២០២៤ លោកវរសេនីយ៍ឯក រ៉ុង ប៉ុក មេបញ្ជាការរង ទទួលការងារស្រាវជ្រាវ បង្ក្រាបបទល្មេីស លោកវរសេនីយ៍ទោ ជា តារា នាយសេនាធិការរង និងលោកវរសេនីយ៍ទោ សូ ឌី ប្រធានមន្ទីរស្រាវជ្រាវ បង្រ្កាបបទល្មើស បានដឹកនាំកម្លាំងចុះបង្រ្កាបករណី ជួញដូរដោយខុសច្បាប់នូវសារធាតុញៀន នៅចំណុចទីលានចាក់សម្រាមស៊ិនទ្រី ភូមិស្លាកែត សង្កាត់ស្លាកែត ក្រុង ខេត្តបាត់ដំបង និងនៅភូមិស្វាយជ្រុំ ឃុំជ្រៃ ស្រុកថ្មគោល ខេត្តបាត់ដំបង។ក្នុងប្រតិបត្តិការចុះបង្ក្រាបនេះក៏មានការសម្របសម្រួលនីតិវិធីពីឯកឧត្តម កែវ សុជាតិ ព្រះរាជអាជ្ញា នៃអយ្យការអម សាលាដំបូងខេត្តបាត់ដំបងផងដែរ។
សមត្ថកិច្ច បានឲ្យដឹងថា ជនសង្ស័យចំនួន៤នាក់ដែលត្រូវឃាត់ខ្លួនរួមមាន៖
១-ឈ្មោះ ម៉ូ ប៉ុល ភេទប្រុស អាយុ៦១ ឆ្នាំ មុខរបរទិញអេតចាយ ទីលំនៅភូមិតាព្រូច សង្កាត់ក្តុលដូនទាវ ក្រុង/ខេត្តបាត់ដំបង ។
២-ឈ្មោះ លី គឹមសួអី ភេទប្រុស អាយុ២៣ ឆ្នាំ មុខរបរកម្មករ ទីលំនៅភូមិចំការសំរោង១ សង្កាត់ ចំការសំរោង ក្រុង/ខេត្តបាត់ដំបង ។
៣-ឈ្មោះ សេង ប៊ុនសុង ហៅប្រុស ភេទប្រុស អាយុ៥៦ឆ្នាំ មុខរបរលក់ដូរ ទីលំនៅភូមិស្វាយជ្រុំ ឃុំជ្រៃ ស្រុកថ្មគោល ខេត្តបាត់ដំបង ។
៤-ឈ្មោះ អុឹង ផានិត ភេទប្រុស អាយុ៣៨ឆ្នាំ មុខរបរកម្មករ ទីលំនៅភូមិ១៣មករា សង្កាត់ព្រែកព្រះស្តេច ក្រុង /ខេត្តបាត់ដំបង។វត្ថុតាង ដកហូតបានរួមមានៈគ្រឿងញៀនប្រភេទ(ម៉ាទឹកកកICE) ចំនួន១០កញ្ចប់ ទម្ងន់ ២៩៨,៧១ក្រាម-ទូរស័ព្ទដៃ ៣គ្រឿង -ជញ្ជីងថ្លឹងគ្រឿងញៀន ០២គ្រឿង-ម៉ូតូ ០២គ្រឿង -ឧបករណ៍ប្រើប្រាស់ និងវេចខ្ចប់គ្រឿងញៀនមួយចំនួន-ប្រាក់ចំនួន ៥,០០០,០០០ រៀល-កូនកាំបិត ០១ ដើម។បច្ចុប្បន្ន ជនសង្ស័យ និងវត្ថុតាងកំពុងចាត់ការតាមនីតិវិធី ៕
.jpg)
0 comments:
Post a Comment