ឧទ្ធម្ភាគចក្រ​ដែ​ល​​សង្ស័យ​ដឹក​ប្រធា​នាធិបតី​អ៊ីរ៉ង់​​បាន​ចុះ​​ចត​បន្ទាន់

 ប្រព័ន្ធផ្សព្វផ្សាយអ៊ីរ៉ង់បានផ្តល់ព័ត៌មានផ្ទុយគ្នាអំពីឧបទ្ទវហេតុនេះ ហើយមិនទាន់មានការបញ្ជាក់ជាផ្លូវការថាតើប្រធានាធិបតីអ៊ីរ៉ង់នៅលើយន្តហោះឬអត់នោះទេ។យោង​តាម AFP ឧទ្ធម្ភាគចក្រ​នោះ​ជា​របស់​ក្បួន​រថយន្ត​របស់​ប្រធានាធិបតី​អ៊ីរ៉ង់ Ebrahim Raisi។ទូរទស្សន៍រដ្ឋអ៊ីរ៉ង់បានរាយការណ៍ថា"លក្ខខណ្ឌអាកាសធាតុធ្ងន់ធ្ងរ និងអ័ព្ទក្រាស់បានធ្វើឱ្យក្រុមជួយសង្គ្រោះពិបាកទៅដល់កន្លែងគ្រោះថ្នាក់" ។

យោងតាមប្រព័ន្ធផ្សព្វផ្សាយក្នុងស្រុកមួយចំនួន រដ្ឋមន្ត្រីការបរទេស Hossein Amir-Abdollahian និងមន្ត្រីក្នុងតំបន់បាននៅលើឧទ្ធម្ភាគចក្រជាមួយលោក Raisi ។កាលពីថ្ងៃទី១៩ឧសភា លោក Raisi បានទៅបំពេញទស្សនកិច្ចនៅខេត្ត EastAzerbaijanដើម្បីចូលរួមពិធីសម្ពោធគម្រោងសាងសង់ទំនប់វារីអគ្គិសនីជាមួយសមភាគី Azerbaijani លោក Ilham Aliev នៅព្រំដែននៃប្រទេសទាំងពីរ។លោកRaisiដែលមានអាយុ៦៣ឆ្នាំបានក្លាយជាប្រធានាធិបតីនៃប្រទេសអ៊ីរ៉ង់ចាប់តាំងពីខែមិថុនាឆ្នាំ២០២១៕ប្រែសម្រួលដោយនាយកនិពន្ឋ៖ សុិន សុខរ៉ា