រុស្ស៊ី​​ចាត់​ទុក​លោ​កZelenskyជា​គោ​លដៅ​ស្រ​ប​ច្បាប់​ហូឡង់​​បញ្ជូន​គ្រឿងសឹក​​​ទៅ​អ៊ុយក្រែន

 លោកMedvedevកាលពីថ្ងៃទី២០ឧសភាក្នុងបទសម្ភាសន៍ជាមួយទីភ្នាក់ងារសារព័ត៌មានTASS បានបញ្ជាក់ថាភាពស្របច្បាប់របស់លោកVolodymyr Zelenskyក្នុងឋានៈជាប្រធានាធិបតីអ៊ុយក្រែន"មិនសំខាន់សម្រាប់ទីក្រុងម៉ូស្គូទេ"។“សម្រាប់រុស្ស៊ីការបាត់បង់ភាពស្របច្បាប់របស់ប្រធានាធិបតីអ៊ុយក្រែន Zelensky

នឹងមិនផ្លាស់ប្តូរអ្វីនោះទេ។ លោកMedvedevបាននិយាយថា មេដឹកនាំប្រទេសដែលមានជម្លោះតែងតែត្រូវបានចាត់ទុកថាជាគោលដៅយោធាស្របច្បាប់។អ្នកនាំពាក្យវិមានក្រឹមឡាំង លោក Dmitry Peskov ក្នុងសន្និសីទសារព័ត៌មានដែលធ្វើឡើងនៅមុនថ្ងៃដដែលនោះក៏បានបញ្ជាក់ដែរថាអាណត្តិរបស់លោកZelenskyដែលបានបញ្ចប់នៅថ្ងៃទី២០ខែឧសភា មិនមានផលប៉ះពាល់ដល់ជម្លោះនៅអ៊ុយក្រែនឡើយ។ លោក Peskov បានបញ្ជាក់ថា “ទេប្រតិបត្តិការយោធាពិសេសនៅតែបន្ត”។យោងតាម ​​TASS អាណត្តិរបស់លោក Zelensky ជាប្រធានាធិបតីអ៊ុយក្រែន យោងតាមរដ្ឋធម្មនុញ្ញរបស់ប្រទេសនេះបានបញ្ចប់នៅថ្ងៃទី២០ខែឧសភា។ ទោះជាយ៉ាងណាក៏ដោយលោកZelenskyបានបញ្ជាក់ម្តងហើយម្តងទៀតថាអ៊ុយក្រែននឹងមិនរៀបចំការបោះឆ្នោតប្រធានាធិបតីរហូតដល់ជម្លោះបញ្ចប់។

គេហទំព័រយោធាMil.in.uaបានរាយការណ៍ថារដ្ឋាភិបាលហូឡង់កំពុងផ្ទេររថពាសដែក YPR ដែលបំពាក់ដោយស្ថានីយ៍បញ្ជាអាវុធពីចម្ងាយ (RCWS) ទៅកាន់កងទ័ពអ៊ុយក្រែន។“រថក្រោះ YPR ត្រូវបានបំពាក់ដោយប្រព័ន្ធ RCWS ដែលអនុញ្ញាតឱ្យនាវិកគ្រប់គ្រងអាវុធនៅខាងក្នុងរថយន្ត ដោយហេតុនេះផ្តល់នូវជំនួយការបាញ់ប្រហារនៅក្នុងវាល។វាសំខាន់ណាស់ដែលយើងគាំទ្រអ៊ុយក្រែន។សម្រាប់អ៊ុយក្រែនរថក្រោះប្រភេទនេះមានសារៈសំខាន់ខ្លាំងណាស់ដោយសារវាមានភាពបត់បែនដឹកជញ្ជូនទាហានបានរហ័ស និងប្រតិបត្តិការក្នុងការរុករក វាយប្រហារ ឬការពារជាតិ។ រដ្ឋមន្ត្រីការពារជាតិហូឡង់ លោក Kajsa Ollongren បាននិយាយក្នុងជំនួបផ្ទាល់ជាមួយក្រុមទំនាក់ទំនងការពារជាតិអ៊ុយក្រែន (UDCG) នៅលើ ថ្ងៃទី២០ខែឧសភា៕ប្រែសម្រួលដោយនាយកនិពន្ឋ៖ សុិន សុខរ៉ា