មេបញ្ជាការរង នាយសេនាធិការ កងពលតូចថ្មេីរជេីងលេខ៥១ អញ្ជេីញចុះទស្សនកិច្ចសិក្សា«ការងារប្រឡងប្រណាំង វរសេនាតូចថ្មើរជើងលេខ៥១៤

 (បន្ទាយមានជ័យ) លោកវរសេនីយ៍ឯក ប៉ែន សុគន្ធ មេបញ្ជាការរង នាយសេនាធិការ កងពលតូចថ្មេីរជេីងលេខ៥១ និងប្រធានក្រុមព្រឹក្សាប្រឡងប្រណាំង កងពលតូចថ្មើរជើងលេខ៥១ នាថ្ងៃសុក្រ ៣កើត ខែពិសាខ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១០ ខែឧសភា ឆ្នាំ​២០២៤ បានអញ្ជេីញទស្សនកិច្ចសិក្សា«ការងារប្រឡងប្រណាំង វរសេនាតូចថ្មើរជើងលេខ៥១៤  ដែលកំពុងឈរជេីងនៅភូមិថ្មដែកកេះ ឃុំបន្ទាយឆ្មារ ស្រុកថ្មពួក ខេត្តបន្ទាយមានជ័យ ។ 

អញ្ជើញចូលរួមមាន មេបញ្ជាការរង នាយសេនាធិការរង លោកមេបញ្ជាការវរសេនាតូចថ្មើរជើងលេខ៥១១ ៥១២ ៥១៣ នាយការិយាល័យទាំង៩ កងអនុសេនាធំចំណុះកងពល។ 

លោកមេបញ្ជាការរង នាយសេនាធិការ បានអញ្ជើញទស្សនាតាមខ្លឹមសារនីមួយៗនិងបានថ្លែងកោតសរសើរដល់អង្គភាពវរសេនាតូចថ្មេីរជេីងលេខ៥១៤ ដែលបានខិតខំយកចិត្តទុកដាក់អនុវត្តតាមផែនការដែលថ្នាក់លើប្រគល់ជូន និងអនុវត្តតួនាទីភារកិច្ច ប្រកបដោយការទទួលខុសត្រូវខ្ពស់ តាមផែនការ កសាងអង្គភាពរឹងមាំលើគ្រប់វិស័យ និងប្រឡងប្រណាំង ក្រៅពីនោះ បានចូលរួមបំពេញបេសកកម្មប្រតិបត្តិការសហការជាមួយកងកម្លាំងចម្រុះ ចុះបេសកកម្មផងដែរ។ 

ក្នុងនោះដែរលោក បានដាក់ផែនការឱ្យអង្គភាពបន្តខិតខំការងារកសាងហេដ្ឋារចនាសម្ព័ន្ធ បង្កបង្កើតផល និងចិញ្ចឹមសត្វ បន្ថែមលើគោលរបបហូបប្រចាំថ្ងៃ សម្រាប់កម្លាំងជួរមុខ និងកម្លាំងត្រៀមក្នុងទីតាំង ក៏ដូចជាគ្រួសារយោធិនក្នុងអង្គភាព និងមួយចំនួនលើសតម្រូវការ លក់ទៅទីផ្សារ សន្សំថវិកាជួយកសាងក្នុងអង្គភាព៕